明明應該抖下，但心情油麻地時，就最適合寫下網誌，分散注意力，不過，海豚兒都會量力而為，盡量寫得精簡。
主子和海豚兒在平安夜只需要返半天，下午去了買家品、買餸，然後就買外賣回家嘆！是咁的，因為之後一晚，我倆約了小學同學一家吃飯，所以這餐之前，也避免在外用餐，免得有乜差池，累到人家的小孩。。。因為小學同學家中幼童，未夠秤打疫苗，自疫情起，一家就沒有出外用膳啦，所以海豚兒也高度重視這餐飯，不竟，都成兩年無一齊食飯嘛，其實都幾開心！
平安夜的簡單日式晚餐配西式甜品，爽！
聖誕日，我倆就買茶記外賣，坐喺車度食，味道可以，但之後口渴足一天😅
夜晚就去小學同學家嘆同學安排的中式外賣套餐。
還有超好吃個個讚甜品～紅莓慕絲荔枝果肉撻，這可是主子點名，命海豚兒預訂的好西啊！
已忘了26號去過那兒，只記得在家吃了，提早一天買，不錯吃點心做早餐，吃剩的還夠第二天再食多餐。
27號就去了韓超和西超入貨，之後就買外賣的韓式炸雞回家吃。
好啦，就寫住咁多先，因為28號，有節目，留番下次再話你知！
又唔知要攪到幾時呀
回覆刪除真係呀，以為有好轉咩，突然又殺隻omicron出黎，之後又無限輪迴，好彩自疫情起，我一直都work from home影響不大。
刪除平安夜的日式料理和紅莓摩絲撻超正👍
回覆刪除平安夜晚餐其實只係好簡單嘅外賣，但真係好啱口味，係呀，個蛋糕超正😋
刪除我地又係幾位N年無見既朋友家里聚會, 買了外賣, 小朋友麥當勞撹掂, 抽下獎, 說說笑笑又一晚. 真係好耐無同朋友開過聖誕 party. 都話難得大家約到24号無節目
回覆刪除有小朋友嘅話，喺朋友屋企聚會真係會C服啲，尤其係喺小朋友嘅屋企，因為會有主場之利呀，大人細路都會放鬆啲，哈哈！
刪除雖然家有小朋友，又住喺武肺較多個案嘅國家(其實都唔算太多)，但係要兩年無出街食飯，我係一定唔會接受得到(即使身為父母都係咁講)，真係一樣米養百樣人。
回覆刪除自2020年3月中起，我度只有約大概十個月時間，係有室內堂食供應，今個月開始，又再度禁咗室內堂食啦，唉！可能因為咁，大家都幾習慣自家煮或買外賣啦！
刪除多谢妳的tips, 我可以留言啦，開心
回覆刪除唔駛客氣，我嗰日好彩，終於google到答案🤣，最開心係解決到，呢個惱人嘅留唔到言兼留言消失嘅問題。
刪除早晨! 海豚兒 💙💚💛💜❤️
回覆刪除中式外賣套餐睇落都好豐富 👍
祝天天愉快心情好！🦋🎉
午安呀！朋友好有心，一早預訂好中式套餐，仲專程開車去pickup，而明明我地去拎都好方便。
刪除謝謝妳！大家都係，要快樂過日子。
日式餐有個炸乜乜呢，有黃色白色係咩黎架？
回覆刪除口渴即係呢間茶記多味精，唔好再食啦！！
果肉撻好靚呀！
嗰舊係炸豬扒，面頭係芝士，黃色係cheddar cheese 、白色係mozzarella cheese口味，一次過食哂都幾漏，好在我地只叫咗一份咋。
刪除對，下次最多幫襯佢嘅蛋治就算，個果肉撻真係十分正，鍾意食果味甜品嘅，我都會推介。
炸豬扒配cheese, 飽飽飽呢~
刪除我愛果肉甜品呀..可惜肥人應該食唔到呢個....都唔飛得~
件炸豬扒加埋芝士真係幾漏下，所以我地都只係叫咗一份些牙咋。
刪除唔緊要啦，香港嘅甜品選擇更多更好食，只係依家外出要加倍小心。
加油啊親愛的！
回覆刪除謝謝妳車媽媽😘😘 一切盡在不言中🙏🏻🙏🏻
刪除