抗疫日常66～尼亞加拉半日”游”

對上一次到訪尼亞加拉瀑布區，已經是兩年多前，blog友甜魔媽媽光臨之時啦⋯⋯

估計聖誕過後，這區應該沒有這麼繁忙，海豚兒和主子，施施然在下午二時多，開車出發去瀑布區啦！

第一站：聖誕市集

去到才發現，原來已經結束了十天，然而，海豚兒不會告訴你，這天的景點是誰安排的😜。

第二站：聖誕花場館

主子本來打算同海豚兒欣賞下聖誕花，但由於海豚兒份人，實在太精打細算，cheap 到唔願俾幾雞入場費，最終只在核心外圍影幾張相就閃人😆。

第三站：尼亞加拉大瀑布

由於瀑布區核心範圍都幾多人，我倆不願冒險，就只從瀑布後方(頂部)影了幾張相，還有就是開車經過瀑布時，快速影多幾張相交功課。

第四站：意式晚餐

本來打算買外賣在車食，點知當日餐廳只做堂食。我倆只簡單吃了正常味道薄餅和一般般意粉，海豚兒更以九秒九速度完成晚餐，連甜品也跳過😅。但堂食的好處是，餐廳提供了三小時免費泊車服務，我倆醫肚後，就四圍逛下、影下相，順便再買杯古古力奶惜做甜品，但可能天氣太凍，海豚兒啜到嘴唇都吸咗入飮管，都未啜到啖奶惜黎飲，結果要等返到上車，開大暖氣幫杯奶惜解凍，先飲到呀，哈哈！

第五站：睇燈飾

這就是是日的重點行程，距離瀑布位置約十五分鐘車程的民居，屋主把室外，佈置成很夢幻的燈飾呀，雖然已經過了聖誕節，但當晚依然有許多人前來打卡呢！

順便分享下主子大作。。。海豚兒不解為何主子的相企滿人，主子楚楚可憐咁話，佢影相時，係見唔到有人架🤣。

就這樣，我倆完成了這個錯漏百出，但又過得好開心的半天”游”。