中午和主子家人去飲茶，這餐廳坐得舒服、食物味道也很不錯！
然後去商場逛逛，就去機場啦！過了安檢後，海豚兒和主子就去lounge坐下、食下、抖下。
這天午餐飲茶和在lounge吃到飽飽的，回到多倫多雖然已經是零晨三時，依然未覺得餓，大覺瞓天光！
和你八一八。。。
回顧這個行程，感覺不算有太多壓力。原因可能是。。。
這次到訪，跟主子家人沒有很緊密的接觸，真的要感激主子堅持和海豚兒住！酒！店！自疫情起，相信許多家庭的防疫態度，也有所不同，對我倆來說，住在酒店裏，感覺上就是更輕鬆自在。其實在未出發前已開始被chur這chur那，更令我倆深信，住酒店絕對是，最好的保命方法。
而且，主子家姐也從香港回來探父母，並跟父母同住，主子父母，有伴亦有多些寄托，主子和海豚兒的日子，也過得寫意些。
同時主子家姐對疫情、及好些日常事情的看法，也跟我們較接近，主子家人就算不認同海豚兒，也會比較包容子女的看法嘛。
來到行程最後一天，主子母親也有點按耐不住，「關心」起主子日常起居飲食，並開始有所提議，哈哈！所以見好就收(走)真的很重要！下次再玩吖～
開頭我有疑問, 點解咁多中餐
回覆刪除不過後來我都問自己, 如果我同家人聚會, 都應該係食中野為主
主子家人覺得，人多食中餐可以叫多啲種類，但其實口味嘅野唔變的話，來來去去，大家都係食返啲近似食物😆。
刪除哈哈哈，先走为快
回覆刪除走得快好世界！
刪除唔驚無咗個鼻哥😆
刪除係咁先啦，我走先，下次再玩啦！🤣🤣
回覆刪除係，真係下次再玩，同埋最好等主子家姐去時，先一齊去。
刪除餐唐茶，啲落好正
回覆刪除真係唔錯，而且雖然餐廳內都多人，但唔會坐得太密，感覺舒服一點！
刪除哈囉！海豚兒 💙💚💛💜❤️
回覆刪除正所謂 『相見好同住難』, 人人都有自己的生活習慣, 較短時間的見面壓力較小, 令雙方愉快👍 明智之選 👏🏻 👏🏻 👏🏻
早晨～一齊住真係唔容易，加上我已自己生活多年，好唔慣要聽人地嗰套。
刪除始終相見好同住難，唔一齊住會少一啲發生磨擦的機會。
回覆刪除對啊，不過主子家人很想把握時間，朝夕相處，可是，自小就一個人生活的我，很不習慣做順民就是了😜。
刪除唔好話你同佢地隔一層，我之前都唔能夠返屋企同父母住，生活習慣唔一樣，多年以嚟太少時間長期相處，我覺得難頂我父母可能一樣咁諗，大家都有壓力。錢解決到嘅問題，就唔係問題啦！
回覆刪除主子家人嘅概念，就係一家人幾時都應該要一齊住，至於生活習慣，就要跟主子母親模式🙈。。。如果唔係主子家姐一齊返黎探父母，我地應該無可能住酒店，除非想家變。
刪除保命方法比妳笑C haha~
回覆刪除真心的呀！已經有啲野我唔敢寫出黎，真係巧驚驚架！
刪除主子家姐會唔會長駐呀? 會既話好似會更輕鬆呢~
回覆刪除唔會啦，我地估計佢退休都會繼續留喺香港生活，始終佢都返咗香港咁多年，習慣哂。
刪除