某個星期五，pat pat痕，在家食燒肉，味道不錯，但善後工作太多，下次還是出街食更好！
週末去赤鬼嘆壽司，一個字，正！
除了雪糕，飯後甜品就是去餅店，買了新鮮出爐蛋撻。
另一個週末，海豚兒和主子去了市中心Muni Robata，試了個西日式早午餐。
任點任食的頭盤中，鮑魚最好吃，其次是三文魚他他，其他食物就屬於正常水準。
主菜的龍蝦也不錯，肉眼扒就肉味不夠香。
甜品就各有喜好，海豚兒喜歡tiramisu，而主子就欣賞crème brûlée多些。唯一相同的是，大家也不喜歡大樹菠蘿的味道。
之後就去行街街，行到攰，就嘆杯舊違了的意大利雪糕(芒果配咖啡味)，好吃！
晚飯就去了一心，拉麵不錯、沾麵就一般般。不曉得，何時可以再去日本食沾麵呀。。。
接下來的長週末星期六，中午在茶記醫肚。
晚飯就去食唐餐，細心的你或者會發現，中餐在這blog是較少出現，原因嘛，兩個人，能吃的不多，尤其是自疫情起，習慣了在家中吃，吃的份糧比從前更少，往往打包的，比即時吃的還要多啦。
星期日，主子就先陪海豚兒嘆杯有心機的咖啡，然後就去商場行街。
行完就順便到Joey食晚飯。這兒的古古力流心蛋糕，依舊是賣飛佛呀！
就這樣，七月便在吃吃喝喝中渡過了。各位的七月又過得怎麼樣呢？
食左唔少好東喎
回覆刪除我估你個度D中餐唔係panda express 個D掛 ^^
襯夏天方便走動，都真係專登去下唔同地方搵食。
刪除小聲說，我連Panda Express嘅甜酸、甜辣類型鬼佬口味菜式都啱架😂
我都好怕係屋企煮“大檀嘢”，情願出街食，所以我平時盡量煮啲簡單嘢
回覆刪除啲油彈到四方八面，真係超級搵自己笨，做餐C！
刪除我過去2 年, 也是在吃吃喝喝中渡過! 好想去旅行呀！
回覆刪除係呀，去年唔覺架，但今年真係有啲「坐」到悶，唔想再屈住喺自己地頭。
刪除一個字：正😋😋
回覆刪除這兩年少了出去食，多了在家煮。
呢邊外食水準真係越來越好，亦比以前有更多選擇！
刪除妳係煮得之人，做妳家人不知幾有口福呢！
最怕啲油，有排清潔
回覆刪除係呀，仲一路燒一路彈到自己，嗰刻又蠢，醒唔起用foil paper圍住個爐。
刪除哈囉！海豚兒 💙💚💛💜❤
回覆刪除🐰食得豐足的七月 +👍 😋😋 🤤🤤
超好吃的提拉米蘇, 口感細膩順滑, 我的最愛, 哈 .. 哈 .. 😀 🤣
呢個月真係不停搵食呀，哈哈！
刪除原來妳都鍾意tiramisu，某年冬天，我瘋狂愛上食tiramisu，結果幾個月後，月巴咗十磅🫣。
你話個weekend brunch麻麻, 但睇相好得吓咁。
回覆刪除個brunch嘅sushi質素係典型「北美水準」，而近年多倫多sushi水準升哂呢，所以呢餐就被比下去，而且塊扒雖然賣相好得，但可惜無乜肉味。
刪除在家食燒肉係舒服，但朕味真係久久不散！
回覆刪除係囉，陣味唔散，啲油仲彈到週圍都係，試過一次都驚驚呀！
刪除大樹菠蘿肥人喜歡呀, 我幫你吃晒佢~!
回覆刪除快啦快啦, 傳日本宣佈可以自由行啦~
我接受唔到大樹菠蘿陣獨特嘅香味😅，好，下次一於揾妳幫拖。
刪除係呀，等我好好計劃一下下年行程先，嘻嘻！