2023年3月1日星期三

2022聖誕巴黎“游”記(4)~有錢=有品?

第五天,朝早指定動作,當然要嘆個靚早餐啦!

然後就去行街街,兼朝聖去年剛裝修完重開的百貨公司~Samaritaine。

內裡裝修又的確幾靚仔喎!

行完就去下火燒後的聖母院,真係睇見都心酸呀,希望修服工程可早日完成啦!

之後經過Pierre Herme,又嘆返件Ispahan兼飲杯一樣味的飲品,變成飲品,真的有點過甜,但如果好似主子咁,不怕甜的話,又會覺好好味咁囉,同場加映,主子的是日特飲,樽裝可樂,哈哈!

再行多一陣,就去朝聖另一間甜品店~Arnaud Larher,挑了件啱主子口味的栗子撻,開心些牙。

然後就去Le Bon Marche逛下。

後來又去了名店街貢下,週圍都佈置得好靚呀!

行到攰,就去了一間日式茶室及和果子店Toraya充下電。

食物味道也不錯,只是點餐時有點雞同鴨講,因為我倆既不會法文,亦不懂日語嘛,而店員又不太懂,如何翻譯那些日式甜點成英文,哈哈!

差滿電,就起行去吃是日晚餐~Le Comptoir de la Gastronomie。全部食物包括焗田螺、洋蔥湯、煎鴨肝、鴨胸、蘋果撻都超級好吃,難怪小小的店子,晚晚都爆滿啦!

全晚唯一的美中不足,就是另一枱客人為了一枝水,和店員發生激烈爭執,影響到店內其他食客,好好享受晚餐。他們說,為何其他客人點的tap water不用收費,而他們的still water卻要收費,這做法是不對,因當他們點still water時,店方沒有好好解釋still water和tap water的分別,所以堅拒付,明明已喝光光的still water的錢。但店員及其他食客包括海豚兒不解的是,明明still water樽身是印有牌子名,tap water樽身是沒有的,為何仍要等把整枝水飲完,結帳時才出聲呢。

厚多士的海豚兒花了很大力氣,才勉強忍住不發聲,因為不想令主子尷尬嘛,但在離開前,還是忍不住,跟店員主動說了支持和鼓勵的說話。當下,海豚兒看到,店員的表情頓時溶化了。盡管那枱客人從頭到腳都貼滿名牌,品呢家野,真係多多錢都買唔到,Y理當真理,總之,錯不在我方。

最後,多謝各位咁棒場睇到尾啦!

18 則留言:

  1. tap water 同 still water 係兩回事.. 餐牌一定要列出枝水嘅價錢
    同埋我地真係好少直接飲 tap water, 多數都會買樽裝水

    回覆刪除
    回覆
    1. 客人確認自己係點still water而非tap water,但不認為有分別, 然後又推說侍應沒有仔細解釋, 但明明有本drink menu喺度嘛, 唉!

      入鄉隨俗,我地去歐洲食飯都多數會叫枝水,尤其我地本身已經唔飲酒嘛。

      刪除
  2. 🐰 𝓗𝓲, 海豚兒 💙💚💛💜❤️
    人間百態, 眞的是一樣米養百樣人!
    旅遊應放鬆心情為尚 😍 😀

    回覆刪除
    回覆
    1. 早晨呀!真係乜人都有,只係唔好彩遇上,影響氣氛。

      刪除
  3. 越有錢就越小家,斤斤計較,而且係度嘈,都唔怕失禮

    回覆刪除
    回覆
    1. 佢哋嗰種錯不在我方嘅態度,真係睇到其他食客都擰擰頭呀!

      刪除
  4. 如果餐牌有寫明, 那侍應為什麼要解釋呢? 一陣客人又覺得侍應覺得睇佢唔起怕佢飲唔起, 咪又嘈~?

    回覆刪除
    回覆
    1. 對呀,大家都係咁覺得,而且一枝水啫,有幾貴吖!唉!都係嗰句啦,錯不在我方嘛,其實都好明顯佢地唔係第一次出門啦,從衣著打扮,感覺亦唔似剛落地食第一餐飯,都無奶油唔知行情。

      刪除
  5. Menu應該寫得好淸楚,still water 當然要收費!呢位客玩嘢,你真係好sweet 👍
    好想試洋蔥湯😍😍

    回覆刪除
    回覆
    1. 明明成枝水隊哂,都唔知點解可以咁瀨皮🙄。我好睇唔過眼,可能心底𥚃都想圍爐取暖,哈哈!

      呢個洋蔥湯真係好正,好少我會同主子爭飲湯😋

      刪除
  6. 支持正義,哼哼, clap clap

    回覆刪除
    回覆
    1. 小聲說,唔係怕影響到主子,我好想出聲架😜

      刪除
  7. 小事啫,何必斤斤計較呢!😉

    回覆刪除
    回覆
    1. 佢哋令我領會到孤寒財主嘅意思😆

      刪除
  8. 從來都唔係有錢就有品。我依家都成日deal with有錢人,無品嘅騎呢怪非常多。

    回覆刪除
    回覆
    1. It’s not the money, it’s the principle. 呢句係我以前serve有錢人時,聽得最多嘅,哈哈!

      刪除
  9. 回覆
    1. 呢間嘅連撻底都好好味添呀,牛油一定落得好重手😆

      刪除