2022聖誕巴黎“游”記(3)~行outlets 。食好西sss

第三日好hea咁影下酒店聖誕樹，然後嘆返個靚早餐，就出發啦！

去邊呢？就係去行街街啦！

先去outlets，有收穫但無海豚兒份，主要是手信，噢，其實都有嘅，就係因為行李問題，所以多買一個手提行李箱，雖然當時還未知道，消失的行李何時出現，但已決定將來出門，還是一人一個手提行李箱更穩陣。

然後就返商場，買替換的衣服，再然後就去迪士尼外圍的商店逛下。印象中從前到訪巴黎迪士尼樂園或迪士尼商店，貨品也非常優質，但今次嘛，實在是慘不忍睹啊⋯⋯

行完街返酒店放低戰利品，就提早去食晚飯。是日食海鮮餐廳~Huguette Bistro de la Mer，因為呢，大鄉里的我倆，未試過法國藍龍蝦，咪試下囉！這餐海鮮餐都好食嘅，藍龍蝦新鮮彈牙，魚魚亦嫰滑，薯蓉更是幼滑香口，唯一要挑剔，就是三隻海膽中，只有一隻無沙兼好食。

第四日又繼續嘆酒店自助早餐，然後又出發去揾食，先重返Champs Elysees的Pierre Herme買甜品，包括名物Ispahan、拿破崙餅(食的時候已有點溶，所以沒拍照)、馬卡龍😋😋😋。

途經Harry Potter限時店。

行完街街去搭車時，再經過凱旋門，就坐火車。去了另一個景點，影完相，去商場行下。

黃昏時分就去Galeries Lafayette 和Printemps朝聖。

不過聖誕過後，人多到呢。。。只好退而求其次，逛下超市和食物部。眼見荔枝和無花果的價錢，反而覺得龍蝦都不太貴，哈哈！

磨到夠鐘，就去L'innocence食晚餐。小小的餐廳，雖然只有一位侍應招呼，但服務好，而且食物也不錯。

食飽飽就返酒店休息，結束第四天行程咯！