這天午飯的食物不太合心，不過也不打緊，反正在郵輪絕不會餓死。;P
海豚兒和Mr. Dolphin午餐後在船上行下影下相，包括圖書館及入面的靚靚旋轉樓梯，遊戲室，及非常美麗的劇院，不竟早兩日也沒有機會四圍行下，當然要借機會參觀下，然後轉頭又去船上的酒吧再食過。
來到酒吧，Mr. Dolphin點了好啱佢口味嘅威靈頓酥皮大啡菇，而海豚兒的炸魚薯條就一般般啦！一場來到，不喝酒的我倆也點了兩杯付費飲品，一杯茶、一杯啡，哈哈，跟酒吧環境真的不太配，不過是但啦，反正我倆一向騎呢慣。^^"
到下午茶時段，我倆就去自助餐廳嘆返個下午茶啦，除了Day 5專登去Queen's Room坐定定優雅地嘆下午茶，餘下的日子海豚兒和Mr. Dolphin都選擇去自助餐廳食下午茶，一來吃得沒有那麼拘緊，二來可以只挑自己愛吃的食物來吃，海豚兒又可以當英式鬆餅係菠蘿油咁喪搽clotted cream來吃，又香又滑又好吃。
以為在四小時內吃三餐就止？哈哈，在兩小時後，我們四就去到船上的付費餐廳(每位@$39美元)跟Mr. Dolphin爸爸吃慶生飯咯，而其實這亦是海豚兒和Mr. Dolphin婚後第一次跟Mr. Dolphin爸爸在生日正日慶祝呢！沒辦法啦，Mr. Dolphin爸爸生日在聖誕節前數天，我倆很少提前這麼多放聖誕假嘛。^^"
這兒食物水準比主餐廳好更多，除了甜品較一般，從頭盤、主菜到配菜也很好吃，但服務就。。。可能我地唔好彩啦，剛遇上懶底侍應及超不負責任主管，但因為難得和Mr. Dolphin爸爸過生日，Mr. Dolphin和海豚兒也不想掃興沒有即場說些什麼，但就當然有在最後的客戶問卷調查中「努力」反影意見啦。:P
係船除咗食，真係無咩好做，想唔肥屎都幾難，哈哈
回覆刪除其實船上都有好多活動比船客參加(例如bingo,trivia,ball room dancing班，水彩畫班，游水，兵乓波, golf，gym，spa...)，只係我地兩條大懶蟲唔願郁，所以一上船就真係預咗肥。
刪除一日食咁多餐, 有無之後順手係郵輪做下尖?
回覆刪除哈！我地帶齊運動衫、泳衣上船... ...供奉架！真係講就天下無敵，做就有心無力囉！
刪除祝世伯生日快樂。 今年生日特別開心啦。居然咖啡和茶要收費？
回覆刪除多謝Samwei！係呀，有家人陪又有靚和牛食，老爺生日嗰晚好開心呀！
刪除Regular coffee and tea喺main dining room同buffet restaurant就免費，speciality drinks例如我地叫嘅cappuccino同herbal tea就要額外附費。
看來海豚生已經沒再受暈船浪影響了吧,有返胃口就好好多啦
回覆刪除係呀，過咗大浪日，主子已經好返哂亦有努力陪我四圍走動下同食下，不過佢心底裡依舊提心吊膽好驚又遇上大浪呀。
刪除其實游輪同馬爾代夫 (包full broad) 好似呀，都係任食同飲野自己俾錢
回覆刪除都似，都係all inclusive除咗飲品，我估坐船最唔同嘅係上網靠satellite，無free wifi，貴之餘接收力又亦唔夠強。
刪除當英式鬆餅係菠蘿油咁喪搽clotted cream <--好正呀, hahaha
回覆刪除船上美食似乎都不錯喔~
小聲說，我每次食下午茶都係咁做，有時我見到奶奶坐我對面睇到又唔好意思話我食得唔健康，唯有望過第二邊，當睇唔到就算，哈哈！
刪除我覺得呢隻船嘅食物算係幾好，有機會我都唔介意再坐，但我估主子會好介意。
客戶問卷調查中「努力」反影意見太神的做法haha~
回覆刪除我真係好努力架，喺問卷底部額外提供意見欄嗰四行線，密密麻麻咁寫咗五行字出黎。:D
刪除坐郵輪真係一日十餐都有可能，哈哈哈。
回覆刪除Welcome Mommy Dearest!!
刪除係呀係呀，所以喺船上只有飽同未餓嘅感覺，唔會見肚餓，而且食物menu一般無價錢，食得好鬼爽。