食飽飽就按集合時間和Mr. Dolphin爸爸媽媽自由行是日島嶼～Gran Canaria，同時亦是Canary Island七個島的第三大島，而是日溫度約17-19℃之間，不冷不熱但有點大風。
人生路不熟，好不容易行到去百貨公司就和家人分頭行
在食物部門看見很多同一個牌子的大豬脾，好貴呢！
行到咁上下就會合家人在百貨公司頂層其中一間餐廳吃簡餐醫肚啦！這兒的價錢不貴而且味道也很不錯。
之後離開百貨公司就繼續行，看到有趣交通燈影下。。。
沿途風景又影下。。。
行到去商場看見麥當勞期間限定食物就影咗當食咗。。。
臨走前當然又要去轉超級市場啦，這兒的大豬脾價錢比較相宜，至於質素，海豚兒兩者都沒試就不曉得咯！
一場來到，當然都要意思意思地買點手信啦，順便影下日落的水尾！：)
返上船安頓好後就去自助餐廳吃下午茶啦！Mr. Dolphin對於海豚兒起勁地用clotted cream幫英式鬆餅進行護膚工程早已見怪不怪，哈哈！
至於晚飯，這晚大家就按Mr. Dolphin媽媽意思在自助餐廳解決，或者，她覺得這樣吃更合乎她心水吧！
食飽又傾完計，Mr. Dolphin就陪海豚兒在船上四圍逛當散步，途經Queen's Room看見好些船員正在陪船客跳舞消遣，原來船上也不乏舞林高手呢！
睇完一輪，Mr. Dolphin發現有位船客跳完舞會藉此機會派卡片給某些曾共舞的船友架，至於係為咗做生意定教跳舞就不得而知啦！
題外話：Mr. Dolphin 媽媽可能被早幾天前的大風大浪嚇到有點淆底，並打算由這天開始續少續少收拾行李⋯⋯而其實這天才是船程的一半啦，真係驚得好緊要喎！^^"
啲自助餐甜品好似幾正咁喎
回覆刪除自助餐勝在選擇多，點都㨂到啲啱口味嘅！可惜呢個古力撻嘅撻皮潮咗唔脆，好失望呢！
刪除我覺得似兜生意喎
回覆刪除好想知你你地有冇最後提早「跳船」?
其實我地都覺，雖然嗰位船友舞技真係特別精湛，但佢打量人嘅眼神，會令人覺得佢係另有目的。
刪除哈哈，既來之，則安之。
唔搽多D clotted cream，scones 係唔好食架。
回覆刪除哈哈，如果有意外，D行李都帶唔走，佢無睇鐵達尼咩？
係呀，搽唔夠好乾，真係唔好食架。
刪除Mr. Dolphin媽媽覺得佢條橋好掂架，仲係咁sell我地，想我地一齊加入執喼行列。
我去邊到都最鍾意行街市及超級市場，哈哈哈。
回覆刪除係呀，行呢啲地方會見到好多野，好開心架。但雖然大家都鍾意行，但我level低好多呀，只會買processed food咋！
刪除唔搽多D clotted cream，scones 係唔好食 x2
回覆刪除其實一隻大豬脾有幾重呢？就算唔買我都會想試拎黎影相呀（人地俾既話） :P
小聲說，我一個scone都搽咗大半盒clotted cream, Mr. Dolphin媽媽有次睇到我搽，睇到無眼睇，另轉面望第二度呀。
刪除睇返啲相，一隻脾都有7、8kg重，貴嗰隻要659€一隻，嘩，計返原來每kg要82€呢！我估可以拎，不過我見啲人都只係行埋去影合照多，隻脾其實都有油，應該唔太多人想拎黎影。
船上的餐飲看來正過啲亞洲船好多喎好似^^
回覆刪除最後有冇買到豬脾回家?
海豚爸媽如果識游水就唔駛太擔心XXD
呢隻船膳食的確不錯，排位嘅話會係附費餐廳食物最好、其次係主餐廳、然後就自助餐廳，一分錢一分貨。
刪除我地無買原隻豬脾呀，只係買咗一包包裝份量意思意思試下咋。^^”
識游都無用呀...佢地驚暈浪，一暈起上黎，行都行唔郁呢。
護膚工程比妳笑C！
回覆刪除嘻嘻，同女人扮靚一樣，搽牛油都唔懶得！搽到個鬆餅滑滑咁至大啖大啖食，每啖都充滿牛油同鬆餅嘅香氣，好食到呢。。。
刪除