在沒有特別新年願望或回顧下，還是快點開始寫“游” 記吧！
還記得八月份海豚兒和Mr. Dolphin的日本之旅嗎？由於天氣不似預期，當時Mr. Dolphin跟父母未能相聚，所以我倆在回加後，就著手安排另一場旅行啦。在眾多選擇下，我倆揀了聖誕檔期去Canary Islands(加納利群島)的遊輪假期，一來這船期的日子比較理想、二來海豚兒和Mr. Dolphin希望能過一個不太冷的聖誕而又不想重遊加勒比海，加上這間船公司名聲好像也不錯，就決定邀請Mr. Dolphin爸爸媽媽一起參加咯！
這遊輪旅程共12晚，從距離倫敦差不多兩小時車程的Southampton出發，我們四先提前兩晚到達倫敦，再以蝸牛速度在倫敦觀光一番。
老實説，作為人媳，海豚兒自問這14晚旅行已經是能力內最強安排啦，短期內亦不打算有其他家庭旅行或聚會，心靈和荷包也要抖抖嘛，嘻嘻！
到達倫敦，我們選的依舊是Premier Inn連鎖酒店，今次㨂靠近St. Pancras地點，方便之後乘搭船公司安排的付費旅遊巴士從St. Pancras車站前往碼頭上船。
是次乘搭的遊輪公司名字叫Cunard，我們坐的船叫做『事頭婆號』，哈哈，其實正確名字是Queen Elizabeth啦。
以下是船的日程。
Dec 17 - Southampton
Dec 18 - At Sea
Dec 19 - At Sea
Dec 20 - At Sea
Dec 21 - Madeira
Dec 22 - Tenerife
Dec 23 - Gran Canaria
Dec 24 - Fuerteventura
Dec 25 - At Sea
Dec 26 - Lisbon
Dec 27 - At Sea
Dec 28 - At Sea
Dec 29 - Southampton
從日程中可簡單看出，這艘遊輪停泊在岸的日子不多，只有5個城市，其餘日子都是在水中央渡過，對於喜歡多姿多彩、行程篇排緊密的旅客未必會喜歡，但對於天生懶底的海豚兒和Mr. Dolphin，這航程又可以喎，當然，這亦意味著海豚兒和Mr. Dolphin爸爸媽媽將會在船上日對夜對、朝夕相對13日之多啦。
哈哈，欲知後事如何，請看下回分解啦！:P
嘩！俾妳講到好緊張刺激咁～ :P
回覆刪除唔好講笑，奶奶答應同我地去cruise嗰晚，因為好多野要安排同兼顧，我成晚緊張到差不多無瞓過覺呀。^^"
刪除要係船渡過12日，我又覺得好長喎
回覆刪除係13日(12晚)呀，再長多1日架!XD
刪除我唔介意船期長，只係今次四個人去玩，情況同平時唔太同。
千祈唔好係相見好嘅下句呀
回覆刪除點會呢，因為我嘅修行未有耐可以升華到同住。。。同住唔係難，係淆(底)呀!
刪除安排行程大小事務不容易,相信你這好新抱也賺了不少分wakakaka....
回覆刪除你太誇獎啦，新抱就係新抱，我一向好知自己嘅地位嘅，我想做好自己嗰part只係唔想主子太辛苦。
刪除好期待這14天的程途逸事呢！
回覆刪除呢次“游”記應該比平時簡單，因為喺船上生活太簡單，過嘅都係食瞓拉嘅人生，哈哈！
刪除快的寫啦！好心急呀！因為咁啱2月我地都同肥鬼媽去cruise 呀。未試過架，因為我暈船浪人嚟架。我仲諗住大家係隻船上面咁多活動，可以各有各玩，食飯先見(哈哈哈)...
回覆刪除妳2月會去邊度cruise呀？暈唔暈浪真係要睇下地點同月份，好彩嘅可以全程都好calm唔好彩嘅我聽人講過7日船程中有3日都好rough，最好帶備足夠預防暈浪支援物品啦，因為每人情況不同，好似我咁，話梅、陳皮、薑糖比食暈浪丸有效，老爺就鍾意搽油，Mr. Dolphin暈浪就鍾意嗒罐汽水，真係各適其適。至於見面多少真係好視乎你地想見幾多同埋本身有幾active去參予活動。
刪除嘩，間房同個浴室都好大呀！不過14日真係幾多.....
回覆刪除不過成日唔上岸，就會少好多機會join day trip/tour, 日日喺可能好快就行哂。
Opps，呢間房係酒店房，唔係妳呢個comment，我都唔醒起呢篇漏咗無post下船房張相添，淨係得船身相，唔緊要啦，下篇會有。
刪除其實好mixed feelings架，喺船上嘅日子，各人都因為唔洗趕行程而輕鬆啲，但同時又好似要一齊hea多啲咁。對我黎講，好彩嘅係呢條船嘅食物啱口味，我得閒就去食下野，都幾開心。
我相信那兩星期假期都好輕鬆啦。
回覆刪除依家過咗就真係輕鬆哂，過程中...其實都ok嘅，Mr. Dolphin今次真係好盡力幫忙，所以我都無乜瀬野。
刪除完全同意去完旅行心靈和荷包也要抖抖...肥人明白, 真的!
回覆刪除尤其係同長輩去旅行，安排上要顧及嘅比較多亦唔可以太隨心而行，所以身心都真係要回下氣。
刪除