是咁的，主子*這天上班也如常把砵砵車泊在公司停車場，放工時驚覺司機後座的門，被狠狠的刮花了，有些位置凹了又有些位置掉了油，應該是泊旁邊的車主開自己的車門時因沒預計到風大，開門時一整到門打落在我倆的砵砵車門身上，然後逃之夭夭(無品呀！)。作為行動派的主子當然不能夠忍受愛驅被破相，想馬上帶愛驅做整容手術啦！
*利申：主子不是車迷，只是他一向很愛惜自家物件。
至於海豚兒嘛，其實覺得砵砵車有點磨損也沒有太大不了，當然主子要整車，海豚兒亦不會阻止，唯一要求是： 等過了雪季才整吧，反正也不急於一時，萬一遇上大雪的日子，海豚兒亦不願意駕駛不熟悉的租車，還是開自己的車比較安全嘛！
就在上星期，我倆下班後就去車房及租車公司辦手續，然後順便在上次介紹過的Pacific Mall內的美食廣場吃簡單晚餐，魚餃味道就麻麻，日式咖哩則不錯吃，只是除了蛋蓋飯的雞蛋，就沒有其他餸菜，有點寡和貴就是啦！
最後，當看見租車後，海豚兒真心慶幸決定等到最近才整車，因為海豚兒慣性開短身車。。。而這款車(Cadillac)的長度，海豚兒懷疑差點連棺材也放得入啦！XD
當然，車身過長其實對主子也影響不大，咪又係咁揸，係海豚兒至咁多聲氣啫，嘻嘻！
我開車門時一定會好小心, 唔想撞花人地個車, 不過唔係人人係咁, 我個部都俾人整花左, 不過唔太覺, 就算啦
回覆刪除我都係，早排大風時，出於本能反應，我試過為咗力挽狂瀾阻止我地架門撞落隔離部車身，結果夾瘀咗隻手指。
刪除破財當係擋災，希望之後人同車都要步步平安～
回覆刪除好在今次都唔算破大財，主子通知我部車比人整花時，我第一句都係問佢個人有冇事，真係好在唔係開車時比人撞。
刪除仔仔爸部車落地一個星期就比人特登刮花，真係心痛到不得了，不過當部車本身已經有缺憾之後，再有損傷就會不而為已了
回覆刪除海豚兒，想請教我點可以加番張相去我個身份度，唔該
刪除我搞番掂了，唔該晒妳
刪除專登整花人地部新車真係好討厭呀！其實我地部車都舊，之前亦有幾次輕微刮花，但主子嘛，就係每次都好介懷，不過佢有樣好，如果係我整花嘅，佢一定唔會話我。
刪除係呀，我見到妳加返張相啦，唔洗客氣，只係我唔識喺blog度整俾妳睇，所以要用個轉折啲嘅方法，嘻嘻！
總知唔該晒您哋
刪除好少事 :)
刪除我依家揸的是二手車，已經睇得好開，花就花，唔會花錢整就是了。
回覆刪除其實比著我，架車舊咗都無咁在意，但我估主子就算揸幾多手車都會肉赤，性格嘛，改唔到，但最緊要佢唔會為咗架車同我嘈就得。
刪除有冇得claim保險??
回覆刪除好在有得claim保險，仲包埋租車，只需要俾租車嘅保險。
刪除長身車在香港泊位難！妳們應該冇難度啦！
回覆刪除唔單止長身車泊位，喺香港真係少啲技術都唔好揸車，所以我地兩公婆返到黎都只會搭交通工具。呢度泊位真係會好少少，泊位一般都唔太難。
刪除"Cadillac 連棺材也放得入"，好好笑呀，好有同感。XD
回覆刪除仲要係黑色，只要換過個車頂做wagon款色就得啦！
刪除又，我好怕揸黑色車，因為天黑揸車人地未必望到。
我架Mini都俾人度車門撞花過然後走人，擺到明就係唔小心。
回覆刪除妳部mini仲要係獨一無二新車，真係肉都赤埋呀！
刪除講起黎，其實主子遇過最過份嘅情況係有次等接我放工，前面部車後窗有厚雪積聚又唔掃(討厭！)，倒後車睇唔到後面有主子部車，主子勁honk都撞埋黎，對方落車拍下主子膊頭話that's ok然後極速閃人亦唔肯交換車牌資料，雖然主子有第三者作人證亦有抄低對方車牌，但都無用，警察話呢個情況唔係hit and run，係fail to exchange information，就算抄低埋個車牌號碼亦無幫助，因為咁啱對方個牌已過期，不能確定資料準確性，最終要自掏腰包整車。