先補記返Mr. Dolphin早排出門前和海豚兒的外出晚餐，味道有好有一般般咁啦，但難得閒日可以不用煮就是爽！
早前試了一個salmon poke bowl覺得大件夾好味(左圖)，一星期後再幫襯，點知已經縮水啦(右圖)！
另一日上班時心血來潮想食魚生壽司，海豚兒就不顧一切走去嘆了一份外賣壽司加海膽刺身午餐，滿足啊！
來到週五晚上，海豚兒和Mr. Dolphin一早相約去戲院看近期大熱的Avengers: Endgame。下班後，我倆選擇去了一間舊式戲院，價錢平到笑，每人$10加元，一場戲睇足三個鐘，抵到爛。老實說，其實生得矮的海豚兒滿喜歡舊式戲院的座椅和沒有了嘈到耳鳴的特別音響效果，除了地板立痴痴有點倒胃，其實舊式戲院也有他的優點及好處啦！
題外話：看戲前幾日，Mr. Dolphin被劇透了，而且還是很重要！很重要！很重要！的劇情，哈哈，真係可憐呀！至於海豚兒，當然是等看完整套戲才讓Mr. Dolphin說出是那個劇情被劇透啦，哈哈！
我無睇開Avengers，所以不受影響，身邊又無人鍾意睇，真好彩呀。
回覆刪除平常我連戲都少睇架，但對X-Men同Avengers就情有獨鍾，今次最抵係就啱去間舊式戲院睇，票價平咗，開心多咗！
刪除我成日都會心思思想食魚生壽司
回覆刪除我都係呀，如果將來有機會見面，我地一於約去食日本餐！
刪除好，一言為定，仲要去食甜品
刪除係呀係呀，主菜甜品一定要有！:)
刪除魚生同都係女女同DD嘅心頭好。
回覆刪除被劇透真係好慘，不過我一路冇睇，孩子們都有去^^。
只要唔食太多白飯，「心理上」覺得食魚生壽司清淡啲，自我感覺健康啲，嘻嘻！
刪除係呀，最橙係透咗啲重要情節吖嘛，我算好彩，未睇前完全無好奇睇任何有關嘅文章，所以無被影響到。
我仲未睇Avengers，或者得黎緊依個long weekend啦，因為實在太長又太貴啦
回覆刪除BTW 個salmon poke bowl真係差好遠囉......
出於好奇我又揾下香港嘅門票價錢，又真係比呢度貴好多，最衰時間唔啱，唔係就叫妳黎到至睇，又或者喺飛機睇打發時間，哈哈！
刪除係啦，同一價錢同一容量，但份量就勁縮水，下次都唔知仲好唔好食好啦。
我都超級英雄片無大興趣, 劇透對我無影響
回覆刪除其他嗰啲我又無乜興趣，但x-men同avengers嘅第一隻都太好睇，所以就吸引咗我一直追落去。
刪除海膽刺身呀! MY FAVORITE!
回覆刪除Avengers好不好看?
喺溫哥華食海膽刺身應該比我呢度方便呢，講起上黎，我都好掛住溫哥華美食呀！
刪除Avengers好睇(唔想劇透所以只能簡短地答)！但先入為主，我覺得第一隻Avengers係最出色嘅！:)
一個人食一板海膽？你好勁呀，我會覺得太"漏"。
回覆刪除我無睇之前幾套，所以都唔諗住睇Endgame，不過我係好鍾意知道哂個故仔先去睇戲嘅人，所以劇透無問題。
如果有人share係會好啲，但主子唔食海膽而我又「餓」咗好耐，所以一個人都照食啦！
刪除盡可能我都唔想劇透，唔係嘅話會少咗份投入感，好無癮。印象最深係朋友睇電影「常在我心」前睇咗段影評(大意：諗住會死嗰個又唔死...結果係另一個死)，朋友真係由開場就灰爆呀。:D
salmon poke bowl差咁遠嘅！
回覆刪除係啦，連飯都少咗，好在白飯多少對我無乜分別。我懷疑第二次去撞啱正午忙緊午市時段，就求求其其！
刪除10蚊加紙又真係幾平喎@@
回覆刪除係呀係呀，仲好過買老翻，哈哈！
刪除你有冇睇呀？
冇呀冇追開:P
刪除如果咁啱將來坐長途機又咁橋播呢套可以睇下吖，我意思係唔睇開，唔知頭唔知路，好快瞓著，嘻嘻！
刪除我都無睇開呢...所以同事們係度講我都唔怕..hahahaa
回覆刪除如果唔追開，又真係無乜感覺，正如我唔睇開game of thrones，對隻現代咖啡杯嘅出現都係無乜反應咁。^^
刪除