這個長週末，地鐵全線停駛，既然一早起來，索性走去搭巴士入新界，直接把手信先帶給姨丈姨媽，免得他們之後拿著東西四處走，然後才去辦事。其實沒有地鐵也有其他交通工具選擇，雖然時間是花多了，但也不太差，令海豚兒最囉囉攣是不能在這天探媽咪(拜山)而已。
是日午餐約了早年已從溫哥華回流又情同兄弟的好友K&L，為了懷念我們仨當年每個星期五晚上也去唱K的日子，本想去唱K午餐，但時間上夾不到，索性去L地頭～觀塘，他的心水餐廳食午飯，海豚兒就直接從新界坐紅的(市區的士)去應約，想不到遇上一位好人的士先生，索性星期天也找他幫忙接送。。。這又是另一個有趣的故事。
飯後K&L陪海豚兒行去的士站打的，途經公園又去逛下，又無無聊影下相。多謝K&L相陪，祝你們和家人也健健康康，保重呀！
之後海豚兒就去尖沙嘴嘆番個中村藤吉下午茶。
然後，然後，海豚兒就去咗遊行，哈哈，其實係咁啱跟喺遊行隊伍後面沿彌敦道行返酒店休息。
這晚因為交通不便，原定晚餐約會改期到週一下午茶聚。海豚兒在晚上心血來潮想食壽司，就隨便在佐敦找了間樓上舖幫襯。
食到尾聲時，有對西班牙老夫婦遊客進來，然後問這兒是否中式食店，他們想吃中餐，哈哈！其實樓下招牌連食物相都有，無奶油咁都搞錯架。最終西班牙老夫婦還是坐下來用餐，剛好坐喺海豚兒旁邊，咁海豚兒都有盡下地主之誼同兩老吹咗一陣水至閃。
中村藤吉好好味！住近尖沙咀真係無揀錯～
回覆刪除今次返黎，中村藤吉係3個我想去嘅地方之一，好在真係住得算近，方便去到。
刪除好難得嘅朋友聚會
回覆刪除可能老夫婦老眼昏花, 無為意呢
係呀，真係難得兩位人夫星期六有時間同我食餐飯。:)
刪除最搞鬼老夫婦過兩日就去日本玩，所以完全無想喺香港食日本菜。
七福神我都食過，啲嘢都幾得，比我遇著遊行，我都會跟
回覆刪除我都真係咁橋去到呢間，估唔到又幾好食。
刪除我同妳諗法差不多，反正遇啱，跟住行下咪當開眼界囉！:)
好人的士先生?
回覆刪除係一位好好人嘅的士司機先生，下篇會再提到佢呢！:)
刪除你的遊記好正面。以香港現時的情況，某顏色的本地人覺得好唔方便。不過大家都為了自由，公義，都默默支持和付出。
回覆刪除多謝欣賞！:) 既然返得去，都預咗同以往不同，能夠遇上遊行，令我見到市民不同反應，我覺得更加不枉此行。而且，我返去時間短，享受同友人見面機會都黎唔切，至於當中有本地人覺得嘅唔方便，亦可以理解，坦白講，親身返過去令我感受最深係政府一手做成嘅撕裂，同不停挑起紛爭，呢樣野比任何“唔方便”更討厭。
刪除哈哈哈， 連遊行都有份參加，值得囉XXDD。
回覆刪除我暗瓦底都係咁覺得，因為沿路見到途人、商戶反應，會令我更加感受到市民嘅想法同感受！
刪除個觀塘西餐份量同賣相都唔錯喎，雖然我盡量唔會去觀塘(人太多)，亦唔好西餐，哈哈。
回覆刪除除咗西多士放耐咗淋咗少少，其他食物、飲品都真係幾得。今次都係去apm以外，我第一次去觀塘地舖開餐咋，可能因為當日無地鐵、商場又唔開，街上都唔算多車或人，而且又唔太熱，我都算好彩。
刪除七福神抵食夾大件唔錯啊！
回覆刪除係呀，而且食物都算新鮮，同埋可能係樓上舖關系所以仲係正常營業，因為當晚酒店附近好多餐廳都一早落閘，我都算好彩，求其亂行一通都揾到食...我其實係唔識路架，哈哈！
刪除美味一日遊^^
回覆刪除呢日真係東西兩邊走，不過都非常值得嘅，而且返到黎，見親友係重點，有啖好食就係bonus！
刪除