星期五下班後，海豚兒和Mr. Dolphin先去美食廣場打定底。有留意到嗎？和Mr. Dolphin相比，在吃方面，海豚兒的選擇總是比較傾向“佬味”的，燒鴨叉燒瀨加滷水豆腐vs腸粉配咖哩魚蛋，哈哈!
食飽再行個圈，就去B先生家中集合，晚上留在B先生家中烚下烚下，同場加影可愛兔仔一隻。
第二日起床後，收到海豚兒家姐電話，繼姨甥仔不適後，姨甥女和家姐也同樣染上腸胃炎，上吐下瀉，可憐呢。既然這樣，這天我倆也不打擾他們休息。我倆在自己家中一直hea到晚上，才去附近商場隨便食個晚飯。
到星期日，主子和海豚兒就開車到市中心嘆個靚早餐。。。不過用餐時間其實已大概下午兩點呢，哈哈！這兒的egg benedict和蘋果批依舊是海豚兒喜歡的口味。
食飽飽就去附近的商場跟家姐及B先生兩家人會合。三位美少女就去開心行街，我們六個大人加姨甥仔就坐定定喺商場內的美食廣場吹下水。到晚飯時候，我們一行十人就各自開車去食日本餐晚飯，而這餐的味道和價錢也不錯呢！
飯後，還有家姐替海豚兒㨂口味、B先生付款的好睇又好食泡芙作手信呢。:)
這天也辛苦了主子啦，假期日子在市中心開車困難重重，找車位就更加艱辛，但還是毫不猶豫車海豚兒到市中心跟大顆兒見面呢。
有親友嚟到，交通幾唔方便都會好樂意咁接受使命的
回覆刪除我地懶呀，真係唔多願揸車四圍去，不過B先生就真係唔話得，出錢出心出力，陪幾個美少女去玩，滑雪、唱K、bowling樣樣齊。
刪除好開心有親友到訪，佢哋有腸胃炎真係好慘。
回覆刪除係呀，每次見到啲姨甥仔女我都情不自禁望實佢地，好開心見到佢地大個哂又好感足佢地大得咁快。好在佢地身體算好，抖一日就生猛返哂。
刪除我絕對明白出外病左嘅心情...
回覆刪除主子真係好唔話得, 做柴可夫陪你呀
情況同妳都幾似，B太太話家姐地可能係水肚不服，不過好在佢地底子好，抖一日就好返哂。
刪除其實真係幾辛苦架，每日來來回回一轉，揸一日車已經等如平時返工一星期嘅路程
好彩第二天全部都好返晒,可以繼續去出街玩下
回覆刪除係呀，家姐一家身體一向好，尤其係姐夫，今次仲一啲事都無添。其實佢地就算以前返香港玩都照放膽掃街，腸胃超好。
刪除佬味=好味我都幾咁話！
回覆刪除小時候其中一款我喜愛嘅快餐店美食就係咸蛋三寶飯，每樣燒臘都有啲，啱哂貪心嘅我！
刪除我都鍾意星期日抖一抖，然後星期一返工精神D。不過如果有得玩，有得食，我都會奉陪架！
回覆刪除唔知係咪年紀大咗呢，依家嘅星期日我真係好需要休息，如果太夜瞓，打後一星期都好難捱，當然偶一為之，我都會盡量出席嘅。
刪除...燒鴨叉燒瀨加滷水豆腐vs腸粉配咖哩魚蛋.....仲要只係打底，之後再打邊爐。我成日覺得一餐你可以食咁多，係好勁嘅事。依家嘅我，可能連你打底嗰餐，我當一日三餐都食唔哂。
回覆刪除小聲說，我地打底嘅定義係先食飽，去到就只會食好少架啦，因為去到人地屋企，未必啱食亦會唔多好意思食，我地嘅口味同細路似，同佢地爭食唔太好嘛。哈哈，可能妳已慣咗香港食物份量少，所以覺得呢度嘅多啦。
刪除泡芙好靚呀!
回覆刪除歡迎妳呀！:)
刪除係呀，泡芙好靚之餘，亦好窩心有人會就我口味㨂俾我。
今篇的食物好岩胃口呀，不過其實來到冬天，咩都特別想食，haha
回覆刪除又會咁慘腸胃炎，希望好快已經無事了～
個brunch呢，其實上次都好想同妳試，不過唔緊要，一定有下次！:)
刪除佢地話可能係水肚不服，不過佢地底子好，休息一日就無哂事啦，勁呀！