出發天7:45 am機,海豚兒之前一晚不知為何完全睡不著(!),於是倒塔咁早就去到機場,到達機場時才4:30 am。
花了大概一個多小時過安檢及海關,海豚兒和Mr. Dolphin便成功到了侯機室。先去lounge食了份頹得不能再頹的早餐,然後就乘機不段借用lounge內的洗手間,不竟,這兒的洗手間人流較少亦較乾淨嘛!


到達三藩市機場後,只有手提行李的我倆很快便跟來接機的海豚兒家姐會合上。家姐先帶我倆去附近的日本麵店醫肚,還多得姐夫提早在網上幫我們先排隊拿號碼,讓我們仨不用等太久便有得嘆海豚兒和Mr. Dolphin大愛的沾麵。


食飽飽就去商場逛下,等到差不多時間,我倆就跟著家姐接姨甥仔放學。回家休息不久,家姐又再出動車姨甥仔去參加課外活動,大鄉里的海豚兒和Mr. Dolphin也跟去見識見識一番。

之後就回家姐姐夫家開飯啦! 多謝姐夫家姐為我倆預備的晚餐呢,包括外賣的靚刺身、鹵水乳鴿,還有姐夫煮的麵豉醬鱈魚、靚菜配超香甜枸杞、及慢煮靚牛扒,很有口福及飽足的一天呀!

有煮家飯食,正
回覆刪除姐夫係煮得之人,我地好有口福呀!
刪除嘩,個煮家晚飯好豐富啊!
回覆刪除剛醒起,仲漏咗碟姐夫整嘅象拔刺身添!題外話,佢媽肉赤個仔放工後仲要每日買餸煮飯架,但個仔咀刁又鍚家人嘛!
刪除SF係咪暖好多?
回覆刪除依家啲小朋友仲忙過大人wakaka...
同多倫多比,SF係暖好多架,不過我無鬼用,去到家姐姐夫度,我依然係最怕凍嗰個。
刪除小朋友堅係忙,不過家姐每日車出車入都唔野少,嘻嘻!
貼啲暖包有冇幫助
刪除依家時勢都係著多件衫保重身體有著數啲
你咁醒嘅,我真係成個trip都靠暖包頂住咋!你都係呀,香港依家流感同肺炎都易中招,都要好好保重呢!
刪除4點幾, 又真係好早呀
回覆刪除係咪未出發, 先興奮, 所以瞓唔著
4點半去到都搞咗成個半鐘至過完安檢加海關(由加拿大飛美國,美國海關係設喺加拿大機場內嘅),所以早啲到都好嘅!
刪除又唔係囉,我估我係淆底驚過關出現問題,哈哈!
食住家菜係溫馨D!
回覆刪除都幾溫馨架,啲餸都係就我地口味,仲要姐夫係煮得之人兼嘴刁,所以呢餐煮家菜真係食得過。
刪除三潘市買餸,同多倫多差不多一樣咁好咁靚啦。
回覆刪除姐夫嘴刁又對食好有要求,佢每日放工先去買新鮮餸包括游水魚,仲會喺啲舖仔同人講價,街市啲人都認得佢之餘,仲唔驚人呃秤添呀!
刪除自家煮一定係最好味!
回覆刪除而且姐夫仲係高手呢,佢煮鮑參翅肚都好掂架,呢啲家常便飯對佢黎講無難度,我地就有口福囉!
刪除今晚去了嫲嫲屋企開年,自家飯真係零舍溫馨D開心D!
回覆刪除八卦一下,其實SF冬天大概幾度?
尤其係做節,喺屋企食住家飯真係更加有氣氛,不過呢,主子嘅性格其實唔太鍾意食人地屋企嘅主家飯,哈哈,怪人一個!
刪除我喺SF嗰幾日約7-12度,其實唔係太凍,只係我超發冷。