開始食藥前先要驗血證實病況及以作跟服藥後的對比。海豚兒因血管較幼,抽血化驗經常遇到阻滯,好似要喺石頭揸汁咁。跟專科醫生指引,海豚兒開始了每月抽血生涯,首先,是要找間地點和時間都配合我倆上班的化驗中心。海豚兒的如意算盤是Mr. Dolphin早上上班前先放低海豚兒到化驗所,然後海豚兒抽完血就自行搭車去返工。不過主子十萬個不放心,還是冒著化驗所菌多易感染生病的風險,陪海豚兒抽血,再車海豚兒返工。
<<第一次驗血>>
是次的抽血小姐把針拮到海豚兒皮下,眼見針在皮膚下游來游去都找不到血管,後來仲挑到條神經線,痛到海豚兒眼水都出埋,仲俾抽血小姐叫海豚兒唔好望住,因為會越望越緊張令到血管收縮,但明明海豚兒都無緊張,緊張就唔敢望啦!後來同Mr. Dolphin提起,他問海豚兒為何不即場鬧爆對方,海豚兒答“當時枱面嗰七個筒(tubes)依然係空架喎,一筒血都未抽到,意見都唔敢發表啦,仲點會出聲呀。”
還好有Mr. Dolphin做車伕,因為種種原因加起來,抽完血的海豚兒超級暈。一直以來,海豚兒都不愛倚賴別人,但原來在這方面,海豚兒已經不可能逞強了。
<<第二次驗血>>
是日抽血職員功夫了得,輕輕鬆鬆就抽完兩筒血,大成功!
但可能藥力加強關系,這天抽血後比上次更覺暈,手腳更冰冷。
<<第三次驗血>>
照醫生建議,要食多一種藥。另外,因第一份驗血報告結果有問題,要額外多抽一次血。在31日內,已經共抽了11筒血^^”。本以為抽兩筒,濕濕碎,點知職員右手試完再試左手都滴水(血)不漏。。。海豚兒可憐的雙臂呀!結果要勞煩高級職員在前臂抽,一拮就得咗!
<<第x次驗血>>
正當海豚兒對於每月抽血感到不知點算好心中只感燥暴之時,某次跟家庭醫生見面便順便發下嚕囌,家庭醫生竟然提出可以幫海豚兒進行每月抽血事宜,實在太感動啦!需知道家庭醫生抽血手勢比化驗所人員強許多,亦從未試過要拮海豚兒幾野都抽唔到血,海豚兒今次真係行運啦!
近幾個月以來,海豚兒已預約去家庭醫生到抽血,加上疫情嚴重,預約去醫生診所始終比去化驗所較理想。
我都有同一問題, 之前都寫過, 去捐血, 個哥仔搵極都唔知點攪, 之後要求救
回覆刪除我個醫生話好囂士,會話一睇就望到邊條血管,不過有時我都會厚多士提佢變條可靠,嗰條係我唯一認得又萬試萬靈嘅!
刪除可以先飲一杯暖水先,令血液行得好D。 希望你不要受苦。 take care
回覆刪除謝謝妳!近幾個月都係家庭醫生幫我抽血,已經順利好多,每次都係一拮即中,其實我都算好彩,呢度唔係太多家庭醫生會親自為病人抽血架。
刪除試著比啲抽血好屎既人嚟抽血,真係好想死
回覆刪除係呀,最慘係拮錯地方無血出,然後用枝針喺皮下起勢“了”,簡中拮到條神經線仲痛到阿媽都唔認得。
刪除好彩有家庭醫生幫助
回覆刪除真係呀,時間即係金錢,睇多個病人就揾再多啲,應該唔係太多家庭醫生會肯做埋抽血架!
刪除我係血管好明顯又較易抽血嘅人,所以無乜不愉快經驗。不過唔知點解,抽血抽得差嘅人,多數都係賴個被抽嘅,但如果最後都係要出動高級嘅嚟幫手先抽得到,賴人只會更瘀。
回覆刪除抽血化驗嘅工作人員最開心就係見到妳呢類人呢!:)
刪除係呀係呀,抽唔到嗰啲真係好鍾意賴架,一係話我緊張、一係話係我血管難揾,其實真係好睇佢地手藝,好似病童醫院嘅初生兒血管咪仲難揾,但嗰度啲醫生護士都唔會揾唔到亦唔會賴係個bb嘅問題。
我血管都好幼, 護士也建議我飲一杯暖水, 先去抽血. 你不防試試, 希望可減輕你的痛苦!
回覆刪除謝謝妳!我近幾個月都係一拮即中,全靠家庭醫生嘅功勞,不過呢個有料嘅醫生串串地,揾佢睇症要有心理準備俾佢串,又要識得厚著臉皮串返佢。XD
刪除我媽也是血管幼每次抽血也慘慘豬!妳要小心身體加油啊!
回覆刪除原來伯友都係同路人,我嘅唯一自救辦法係認住一條特別明顯嘅血管落針位,通常都抽到,但有時有啲抽血員會唔理又或者太有自信而唔啋我,希望幫到伯友吖!:)
刪除每次抽血嗰朝早(去到診所前),"灌"至少500ml水,幫助增加體內水份,稀釋的血無咁杰,會容易好多揾到血管。我次次拍打到紅晒都揾唔到血管,最近幾次係手背嗰到吉針。
回覆刪除謝謝妳!拍到紅哂我都試過呀,心諗,都係抽血啫,洗唔洗咁呀!^^” 因為呢幾個月密密抽嘅關系,我唔太想喺前臂或手背抽,因為抽完又會痛幾日,拎野、做野都要就住好唔舒適,希望妳再抽血嘅情況會好轉,唔洗受咁多苦。
刪除我血管都好幼,所以每次去捐血都係用左手和一個護士幫我抽,有幾次佢想再挑戰右手,結果都係我嘅右手受難,再回去左手,唉我痛㗎。
回覆刪除希望妳早日康復, take care 。
謝謝妳!:) 原來妳咁乖有去捐血!我成世人只捐過一次血咋,自此之後就因為唔夠鐵質而無再捐過啦,其實第一次捐都已經係borderline,個護士好人唔想我失望至俾我捐,但到依家就唔洗諗lu。我明妳嘅苦況,對方想挑戰嗰刻唔想潑佢冷水,但仲分分鐘都提心吊膽,唉!
刪除保重。
回覆刪除謝謝呀!
刪除依家係非常時期,大家都要好好保重呢!
31日內抽11次血..你都要好好保重呀!!!
回覆刪除要多多飲暖水呀!
肥人都好怕抽血...肥人試過個姐姐換樽時整爆左個樽, 佢禁住個抽血位, 要即刻搵護士黎幫佢換樽...
果次肥人對手淤晒呢... ~_~
謝謝妳!除咗捐血,嗰個月都係我人生中流失最多血嘅日子,咦,咁諗返轉頭,其實我一直以來都算幾健康喎,嘻嘻!
刪除嘩,爆樽真係好驚呀,又驚整傷又驚如果個樽有餡嘅話,啲血彈到週圍係,最後仲搞到對手瘀哂就更無陰公,唉,原來咁多blog友仔都有不同但又灰灰地(定瘀瘀地...我指隻手)嘅抽血經歷。