2014年3月3日星期一

文盲學睇書 + 書後甜品

這陣子也為著家人的年度大旅旅而作資料搜集和準備。在旅遊工具書內看到這段關於Anne Frank的介紹,令海豚兒很想很想看看這女孩的日記 ~ Anne Frank <<The Diary of a Young Girl>>



海豚兒告訴Mr. Dolphin想買這本書,他的第一個反應是要不要安排參觀Anne Frank House, 海豚兒說不,只是對書的內容有興趣,卻沒打算去實地考察,其實是膽小如鼠,不敢去呢!

於是,用了一個下午一口氣把她的日記看完,其實這本書很短但也很好看啊! 雖然在未開始閱讀以前,已知道故事結局,但當看至故事結尾交代每人的結局時,心裡頭還是小不免有點"拿住拿住."

為了令自己心情好些,決定以Mr. Dolphin買給海豚兒的甜點作為對小文盲的一點點鼓勵!  這是海豚兒很喜歡的cupcake店出品,最喜歡蛋糕上頂著蝴蝶、花朵的糖霜,味道就像花占餅上的花形糖糖般,真係童年回憶返哂嚟呀, 心情亦馬上大好起來!


 


18 則留言:

  1. 點解唔「實地考察」呀?我好想去呢
    D cupcake好靚丫,妳唔嫌甜呀?

    回覆刪除
    回覆
    1. 嘻嘻,我連太陽花都未必去考察,其實如果妳今年去法國由巴黎坐火車去都都好方便架,可以考慮喎!
      妳都記得我怕太甜呀?呢間好ok,唔會太甜,味道真係好似花占餅上面朵花嘅味架!

      刪除
  2. 海豚兒:
    ~去參觀埋,會更了解!! 難得Mr. Dolphin咁樂意同你去!!! 但你係咪怕傷感, 所以, 唔想參觀?
    ~啲cupcake很美麗, 但其實,我有啲啲怕cupcake啲icing sugar 個隻甜. 但而家啲cupcake越出越美麗. 見到真係好happy~

    回覆刪除
    回覆
    1. 都有D怕影響心情架,我好容易被外界事物影響,睇完本書夜晚都會發好多夢,去旅行想relax下,唔想自己太tense.
      呢間cupcake店幫襯咗好多年,對佢哋用嘅料都好有信心,如果唔係,我都怕會有太多色素,而且,以我唔太食得甜都接受到,都ok卦!

      刪除
  3. 原來大旅行要由你策劃,今年會去邊呀?
    個盒打開原來有咁多靚靚蛋糕,你點食得哂呢?

    回覆刪除
    回覆
    1. 最主要都係安排下頭頭尾尾啦,通常都係老公作最後決定,始終佢會清楚父母多D嘛! 同往年一樣,都係坐遊輪,今年去北歐,因為未去過,都好興奮架!
      真係好靚呀!Cupcakes分開幾日食,都食得哂,不過依家條士啤呔又大又粗壯咗囉!XD

      刪除
  4. 嘩嘩海豚兒好博學呀,愚太睇親英文書都會瞓著架 嘻嘻

    回覆刪除
    回覆
    1. 哈哈,愚太咁識氹人:)
      我一年都睇唔到一本書,下次再做閱讀報告可能YY都大學畢業囉! XD

      刪除
  5. 以前做女時代我間中都睇書架, 依家就... 得閒都係食甜品算了, cupcakes超靚, sweet到暈啦~~

    回覆刪除
    回覆
    1. 我記得妳以前好勁架,返工、返學、拍拖、睇戲、四圍食,都分配到時間,不過依家M&C仲細,等佢哋大個D妳就可以多D時間用啦!

      刪除
  6. 如果E家叫我睇書..應該只睇旅遊書同埋食譜多
    懶左好多了,我中意D cupcakes呀

    回覆刪除
    回覆
    1. 我基本上都只會睇旅遊書,平時係大懶蛇一條!
      呢間cupcake店真係我心水,好鍾意食架!

      刪除
  7. Cupcakes又靚又好味!我啲身邊人都對cupcakes冇乜興趣,不過我同意整得好的cupcakes唔會得個甜字,係會食到層次同材料嘅味道!如果我地可以結伴食就好喇!!

    回覆刪除
    回覆
    1. 近年周圍都好興cupcakes,所以D水準都越來越高呀!
      嘻嘻!咁妳有機會真係要嚟玩下啦! 我一定會同妳食!!

      刪除
  8. 好靚的cupcake, 尤其係Pansy cupcake吾捨得食呢

    回覆刪除
  9. 一個下奏睇哂,邊係文盲wor~ 好叻呀!!!!!!^^

    回覆刪除
    回覆
    1. 我無聊呀嘛,成日都無所事事,同埋睇得快時亦忘記得快!

      刪除