2016年3月28日星期一

一週"食"事。再試Tsujiri

時間真係過得好快,唔覺唔覺又過咗一個禮拜啦!

上星期和同事外出時,呢位同事係意大利人,佢鍾意晨早隊杯expresso,為表誠意,海豚兒就叫咗杯少甜嘅熱古力陪下佢。結果嘛,熱古力嘅賣相同味道同樣都“橙”不忍暏!^^"



到午飯時,同事帶海豚兒幫襯一間類似快餐店形式嘅意大利餐廳,有意粉有三文治食,由於同事已經好熟呢度,佢一行入店內已經即刻叫嘢食,海豚兒為咗唔想同事等到天荒地老,唯有二仔底死跟,叫咗一份闊過海豚兒塊面嘅牛仔肉三文治食。其實份三文治味道真係唔錯架,但海豚兒真係食得太趕,基本上同事食完一整份,海豚兒至完成半份三文治咋,横掂食唔哂,海豚兒索性將剩落嚟嗰半份打包做晚餐。環顧四週,呢間貌似飯堂嘅意式快餐店應該都幾正宗,除咗海豚兒,店內客人全都是白人,甚至可能全都係意大利人!;P

2016年3月25日星期五

掃食週末

明明應該食得清淡D,又明明應該食少D街外嘢,但人就係咁,理想變妄想,事與願違,結果都一一呈現在瞞不了人的磅數裡!^^"

是咁的。。。

一早應承一班同事星期四齊齊食午餐,當然不能推,結果海豚兒也很有節制地只吃了半份三文治,還乖乖的把cream cheese都刮走才吃。




2016年3月21日星期一

雜食記。試新店~Tsujiri Toronto

繼續每週回顧。。。兩星期前外出工作時跟同事去food court,一人嘆一碗少辣喇沙,海豚兒再加多杯奶茶,正!其實住在多倫多,除了駕車費時又傷神外,喺搵(亞洲嘢)食方面已經算唔錯,就算味道唔係最棒,都叫做可以止下癮!不過呢日飲完奶茶後,當晚又唔係瞓得好好添!^^"



週末時因為有些事要辨,包括陪Mr. Dolphin剪頭髮,就係之前提過有兩個o靚仔o靚妹揾海豚兒買煙嗰日呢,做完正經事後,Mr. Dolphin和海豚兒就去嘆下港式下午茶,Mr. Dolphin揀嘅黑椒汁牛柳絲意粉就好一般下,海豚兒嘅吉列豬茄汁意粉就唔錯,厚多士就平凡啲囉。




臨離開唐人地區前就去餅舖買三件西餅返屋企嘆!老實講,栗子撻就好唔得,栗子蓉嘅味道好似細個時食栗子包入面嘅饀咁囉,但另外兩件濃古古力和綠茶芝麻蛋糕就好食得多呢!

2016年3月17日星期四

擋不住的肥美誘惑

話咁快又過咗一個禮拜,這篇就同大家回顧返前個星期的點滴啦!

有時候海豚兒都幾魔鬼,星期一流流走去食burger加薯條做午餐都唔夠衰,仲要“腥”張相引正在乾"o趙"提子burger(即提子乾麥包XD)為午餐嘅Mr. Dolphin,哈哈!




呢個burger真係唔講得笑,加咗燒菠蘿同brie cheese, 仲一路食一路狂點mango chutney(芒果味甜酸醬), 再加埋個好味嘅New York Fries, 真係正到呢!



2016年3月14日星期一

吸煙危害健康呀,細路!

來一篇短的。

是咁的,星期六去唐人地區嘆杯奶茶順便陪Mr. Dolphin去唐人商場剪個靚髮。海豚兒並不是那種喜歡"監工"的老婆,當然不會在豆腐潤咁細嘅髮型屋等待啦,自不然走去商場大堂,剛好大堂位置的座位全部客滿,海豚兒便站在還未開舖的商店前上網加發呆。

忽然間有把後生女聲用國語説“不好意思”,海豚兒以為自己阻住人家開舖,本能反應地行開D,然後和她同行的男伴定童黨(?!)亦以“温婉可人”的聲調用國語請求海豚兒幫他們買煙!

海豚兒打量了他們幾秒,他們樣子年青之餘打扮亦好“潮”,而海豚兒給他們答覆前心裡就暗駡:


2016年3月10日星期四

繼續四圍食

每逢週末,尤其是星期六,最開心莫過於Mr. Dolphin陪海豚兒去嘆番個甜品早餐。:)

二月最後的一個星期六,Mr. Dolphin就不辭勞苦地車海豚兒幫襯了一間有大半年沒光顧過的甜品店了。每次來到這間由日本人經營的法式甜品店也會有驚喜的!這次來到,除了全都好好吃的牛角酥三文治、票子撻、綠茶味泡芙和好喝的綠茶latte外,還有各位觀眾,燈燈燈櫈。。。 。。。

2016年3月7日星期一

假期。上班。還是離不開“食”

上回講(寫)到情人節前夕的星期六,這篇當然是由情人節正日的星期天寫起啦!説來慚愧,原來這天除了早上吃了之前一天剩下的點心(汗!)當早餐,和午後因為Mr. Dolphin和海豚兒也不約而同煙三文魚癮起,在商場隨便吃了煙三文魚蛋批、煙三文魚三文治加一份因為加了糖漿在藍莓上(?!)而過甜的藍苺撻外,就四出走訪陪Mr. Dolphin尋找返工鞋的故事,而晚飯又因為沒有拍照,海豚兒連吃了甚麼也早已斷片,簡單來説,這情人節長週末的唯一慶祝活動應該就是上一篇提到的飲茶啦,因為之後的星期一雖然是假期,我倆亦只是懶洋洋的“妹”在家中發呆,哈哈!;P