似曾相識

因工作需要，海豚兒上星期要去不同地方開會，有些地點距離海豚兒的家也不近，開一個下午會，連車程就花上大半天時間，放工後更是累得大腦閉塞。

不過，更忙都好，吃還是不容錯過，海豚兒襯一個空檔去嘆返個美味午餐。吃罷這份賣相和味道也很好的甜薯栗子ravioli，再加一杯decaf latte，雖然有點漏，但就超滿足！^^



來到週末，海豚兒和Mr. Dolphin要去唐人商場買東西及辦點事情，忽然想起，原來海豚兒甚少在blog介紹這兒的唐人商場，就襯今次影幾張相比大家睇下啦！

『無呀 無呀』

上篇提到，海豚兒早一個多星期前去做年度身體檢查。

大意的海豚兒把對上一次驗身日子記錯，年度驗身已經遲了五個多月(汗)。

一向對驗身都無有怕的海豚兒其實今次有點淆底架，雖然智商高度及行為似足小學雞，但年紀真的不少，加上過去一年是毫無保留而又放肆地食菠蘿油，又隔了一年多沒有驗身，上年又平身第一次錄得血壓偏高 (當時也有點意外!)，所以跟診所預約看報告時，海豚兒也刻意把日子推遲，好等海豚兒食多幾餐才撃鼓鳴冤，噢，對不起，是鳴金收兵才對。:P

星期六，Mr. Dolphin陪海豚兒一同看醫生，醫生望著電腦屏幕只說了『無呀 無呀』。海豚兒心想，到底是無報告睇嘅無吖、唔掂嘅無吖、定係無事嘅無呀。。。

一星期擇要

各位觀眾，歡迎收看「一星期擇要」：

<<星期二 ~ Miku>>

襯喺市中心開完會，就喺附近嘅Miku餐廳食壽司午餐，貪佢清清地又幾好食 ... ... 仲好食到個腦記得要「手機先食」但隻手竟然失控地夾咗一舊壽司入口嘆至影相，哈哈!



而另一個令海豚兒重訪嘅原因係因為發現甜品餐牌上有pavlova食。這份甜品齋睇賣相都已值回票價，何況，這是有內涵之作，中間的果肉清新可口。

扺唔抵

有日海豚兒辦完正經事想惠勞一下自己，就去嘆番個丼飯。丼飯的魚生也算新鮮，但當然不能夠跟在日本吃到的相比啦。



不過呢，上面這張相相其實有點不誠實，角度問題把丼飯影到好大碗，實情是這碗丼飯份量只是小孩飯碗的容量，三片海膽加一小撮三文魚子和少少白飯收費$18.50加元加13%稅呀！

理解能力

這篇是自私寫，等將來翻看都有得笑下自己嘅低b之作。

『借咗聾耳陳隻耳』
這句話海豚兒很小就開始聽亦會運用，之不過，真正懂得字面意思竟然是18歲(!)某天，突然醒覺原來「聾耳陳」是一個人。一直以來，海豚兒以為借咗聾耳陳隻耳的「陳」字是一個助語詞，所以每次念這句話都會在「陳」字上拖長丁丁點。還未明？幻想下好似聽到人家說乜你老乜咁呢。。。