2019年3月18日星期一

『無呀 無呀』

上篇提到,海豚兒早一個多星期前去做年度身體檢查。

大意的海豚兒把對上一次驗身日子記錯,年度驗身已經遲了五個多月(汗)。

一向對驗身都無有怕的海豚兒其實今次有點淆底架,雖然智商高度及行為似足小學雞,但年紀真的不少,加上過去一年是毫無保留而又放肆地食菠蘿油,又隔了一年多沒有驗身,上年又平身第一次錄得血壓偏高 (當時也有點意外!),所以跟診所預約看報告時,海豚兒也刻意把日子推遲,好等海豚兒食多幾餐才撃鼓鳴冤,噢,對不起,是鳴金收兵才對。:P

星期六,Mr. Dolphin陪海豚兒一同看醫生,醫生望著電腦屏幕只說了『無呀 無呀』。海豚兒心想,到底是無報告睇嘅無吖、唔掂嘅無吖、定係無事嘅無呀。。。

2019年3月12日星期二

一星期擇要

各位觀眾,歡迎收看「一星期擇要」:

<<星期二 ~ Miku>>

襯喺市中心開完會,就喺附近嘅Miku餐廳食壽司午餐,貪佢清清地又幾好食 ... ... 仲好食到個腦記得要「手機先食」但隻手竟然失控地夾咗一舊壽司入口嘆至影相,哈哈!



而另一個令海豚兒重訪嘅原因係因為發現甜品餐牌上有pavlova食。這份甜品齋睇賣相都已值回票價,何況,這是有內涵之作,中間的果肉清新可口。

2019年3月7日星期四

扺唔抵

有日海豚兒辦完正經事想惠勞一下自己,就去嘆番個丼飯。丼飯的魚生也算新鮮,但當然不能夠跟在日本吃到的相比啦。



不過呢,上面這張相相其實有點不誠實,角度問題把丼飯影到好大碗,實情是這碗丼飯份量只是小孩飯碗的容量,三片海膽加一小撮三文魚子和少少白飯收費$18.50加元加13%稅呀!

2019年3月4日星期一

理解能力

這篇是自私寫,等將來翻看都有得笑下自己嘅低b之作。

『借咗聾耳陳隻耳』
這句話海豚兒很小就開始聽亦會運用,之不過,真正懂得字面意思竟然是18歲(!)某天,突然醒覺原來「聾耳陳」是一個人。一直以來,海豚兒以為借咗聾耳陳隻耳的「陳」字是一個助語詞,所以每次念這句話都會在「陳」字上拖長丁丁點。還未明?幻想下好似聽到人家說乜你老乜咁呢。。。