2018年10月22日星期一

2018日本“游” Day 9 ~ 速遊東京

這天上午六點幾就由酒店check out行去對面博多站坐新幹線離開福岡,拜拜啦福岡~~~



是日安排:  先坐不足四小時新幹線到新大阪站再轉車去京都站,從新大阪坐新幹線,大約十五分鐘車程就去到京都站,到酒店放低行李,然後再回京都車站坐新幹線,不足三小時車程便去到東京站。



在前往京都的途上,我倆首次吃便當,海豚兒挑了一份份量很少但很好吃的豚肉三文治(大概是兩件茶點時吃三文治的份量),而Mr. Dolphin就吃了一般般的雞肉丼。

2018年10月18日星期四

2018日本“游” Day 8 ~ 百感交集遊福岡

朝早在酒店正準備出發之時,Mr. Dolphin收到Mr. Dolphin家姐WhatsApp來電。。。如果要用一個字來交待內容,就是『煩』!

離開酒店後,海豚兒和Mr. Dolphin一邊找路去目的地,一邊討論方案,有時又會停下來即時上網找機票,間中又和Mr. Dolphin家姐通電跟進情況,老實講,海豚兒已完全忘了到底當日是坐車加行路還是直接由酒店行路去到是日第一個“景點”啦。。。總之,是日第一站就是去魚市場場館內的餐廳醫肚。



來到這天的“游”記,各位應該不難發現海豚兒和Mr. Dolphin是經常選擇迴轉壽司作正餐,因為這是較為易遷就雙方口味,不懂日語的我倆又不用指手畫腳來點菜...之前試過在日式餐廳為了確保食物中沒有我倆都不吃的牛脷,我倆真係脷都伸埋出黎同店員溝通架。XD



2018年10月15日星期一

2018日本“游” Day 7 ~ 由布院。回到博多...打亂陣腳

是日觀光景點為溫泉區由布院。



出發前已預早在網上預訂來回巴士票,乘車地點同樣是博多車站的巴士大樓。時間尚早,Mr. Dolphin在火車站那邊先嘆個新鮮出爐面層脆脆地嘅核桃鬆餅(好吃!)配焦糖鮮奶咖啡,至於海豚兒就留肚。。。



為的是。。。一到達由布院,Mr. Dolphin就跟住高高先生(Mr. Google)的帶領和海豚兒前來B Speak買卷蛋蛋糕。



得到幸運之神看守,海豚兒竟然買到是日最後一份細份裝卷蛋,當時才差不多11:00 am咋。

2018年10月11日星期四

2018日本“游” Day 6 ~ 太宰府。天神 隨意行

這天上午參觀景點為太宰府,海豚兒和Mr. Dolphin行去博多站旁的博多巴士大樓乖乖買車票排隊上巴士。 




到達太宰府巴士站先影下剛才坐的巴士車身,然後沿路一面影相、一面行手信街。






經過洗手間門口看到下面用簡體字寫的告示。。。唉,羞家呀!

2018年10月8日星期一

2018日本“游” Day 5 ~ 下一站。福岡

一早起來,為的是乘搭6:35 am由名古屋出發往博多的新幹線,再見啦名古屋~~~



一向唔臭米氣嘅海豚兒想試下日式飯團就買個黎試下,Mr. Dolphin亦唔好執輸買返個。原來飯團同大塊紫菜中間有塊膠片分隔著所以紫菜咬落去依然脆卜卜,仲有“chop”一聲添架,真係同車卡隔個位都聽到咁響,自此之後,我倆就叫飯團做“chop”一聲飯團啦!



食完早餐睇下風景,途經京都大阪*等地,再吹下水瞓下覺,不到四小時就來到博多啦!

*經過京都大阪之時又怎會想到颱風在一天後對這兩個城市造成的傷害呢,甚至乎連這段新幹線也停駛了,當下我倆還戇居居地說笑,如果海豚兒為食癮起,堅持要在京都下車快閃買個甜品又趕不及再上車,咁就要多等一天才能跟Mr. Dolphin在福岡會合啦!

2018年10月4日星期四

2018日本“游” Day 4 ~ 快閃橫濱

是日海豚兒和Mr. Dolphin正式啓用限期一星期的JR Pass,首個目的地為橫濱。

乘坐新幹線,由名古屋到橫濱,車程約1.5小時,仲要坐舒服的green car,真係話咁快就到啦!





到達橫濱站後先到高島屋朝聖。



雖然零收獲但至少也得到了一張可愛的Hello Kitty card。



然後就去附近的餐廳醫肚。

2018年10月1日星期一

2018日本“游” Day 3 ~ “雨”別不同名古屋。一試難忘飛驒牛

時差關系,Day 3 海豚兒和Mr. Dolphin未天光就醒啦,索性7 am就去酒店樓下餐廳食返個平靚正吉列豬和吉列薯仔餅早餐啦!



以價錢計,約500円一份餐,真心抵食呀而且仲幾好味添!



食飽就去買張全日車票,又原來憑全日車票購買名古屋城門票會有100円電視框(discount)架!



是日落勁勁勁大雨,去觀光景點也變得不便,只能以走馬看花式即現代人指的打卡方式來"游"覧。。。

2018年9月27日星期四

2018日本“游” Day 1 & 2 ~ 由多倫多到名古屋

Day 1 上午8:00 am,海豚兒和Mr. Dolphin未夠6:00 am就去到機場,準備由多倫多經溫哥華轉機去名古屋,因為多倫多前往日本暫時只有直航去東京,去日本其他城市就需要轉機,所以這次機程頗長,check in時又順便參觀下加拿大航空(加航)新裝修的角落。



過了機場的安全檢查後,某人急不及待自費嘆番個平時“少食少食”嘅高卡醒神早餐...Part 1



上到多倫多飛溫哥華航班,某人又開餐,先來他的早餐...Part 2

2018年9月24日星期一

風的季節“游”日本 ~ 前言

能順利完成這個旅程,除了感恩還是感恩,連一向沒海豚兒樂天的Mr. Dolphin也不禁認同我倆在旅途中有多好運和多值得感恩。

先說說原定計劃行程:

Day 1 - 2     多倫多 >> 溫哥華 >> 名古屋

Day 3          名古屋

Day 4          名古屋 >> 橫濱 >> 名古屋

Day 5          名古屋 >> 福岡

Day 6 - 8     福岡

Day 9          福岡 >> 京都

Day 10 - 16 京都 (包括大阪、神戶、奈良、宇治)

Day 17        京都 >> 大阪 >> 溫哥華 >> 多倫多

原定行程中的Day 1 - 9是二人行,Day 10起Mr. Dolphin爸爸媽媽、家姐就會加入。。。這行程對我倆來說是很不錯啦,老遠飛到地球的另一方,既可以享受二人世界亦可以和家人共聚。不過,歌仔都有得唱啦『知否世事常變,變幻原是永恆』嘛!在『天氣不似預期』下,行程就變成了以下的二人行半個月日本之旅咯!^^”

改動後的二人行之旅:

2018年9月9日星期日

仍在日本中。。。

大家好!

先跟各位報個平安,海豚兒和Mr. Dolphin仍然在途上。

遺憾是Mr. Dolphin家人前來日本關西機場的機票被取消了,試過改行(航)程卻不果。

至於我倆的回程機票亦已由關西機場改到別的地方,其他的,回來再談吧! :)

2018年8月30日星期四

假期來啦!

唔計四月份嘅3日𣁽北克城之旅,海豚兒對上一次嘅“游”記已經係去年聖誕神京阪加香港之旅啦!

相隔八個月,海豚兒終於“捱”到放假去個靚旅行啦!亦都係時候餵下呢個blog食“游”記啦,尤其係一整個夏天不停喺Facebook見到各方好友去旅行嘅美美遊山玩水、吃喝玩樂加閃爆照片,海豚兒真係好!羨!慕!呀。

等了又等,今次終於輪到海豚兒打卡啦。。。雖然,海豚兒係從來都唔會喺Facebook打卡嘅,有咩事,都係等旅行回來後再喺blog呢度慢慢講啦,嘻嘻!

日本,我們來啦~~~ 天氣預告的雨季,可以不再來嗎?



回來見!

2018年8月21日星期二

朋友 我當妳一世朋友

兩星期前收到來自羅省的好朋友將到訪多倫多的消息,海豚兒開心了整整兩星期。

這位好朋友,海豚兒自三歲便認識,從前也有介紹過(重溫),海豚兒不曉得best friends係咪真係可以for到個ever出黎,但就算由依家起我倆失去聯繫,至少,我倆亦best friends for咗大半世人,都算難得啦!

星期日中午,大家和另一半聯同小學同學一家,一行九人去飲茶。平常很少去飲茶的海豚兒和Mr. Dolphin實在不太喜歡和習慣這兒的飲茶文化。。。當中包括以下趣事:

2018年8月13日星期一

好心分手 (更新)

近期返工有點壓力(誰又沒有呢?!),壓力不是來自工作性質本身而是人事問題,每逢星期日晚,海豚兒就像兒時放完週末假期不願返學般囉囉攣,真濕滯!

某資深同事及Mr. Dolphin都說海豚兒和這位來自「惡人谷」的霸王同事該及早分手,在這天來臨之前,海豚兒唯有哼著「好心一早放開我」先啦。。。希望同事早日能明白到「難行就無謂再拖」這道理吧,因為在這件事上,海豚兒人微言輕,只能被動的配合啊!

來到Happy Friday晚上, Mr. Dolphin陪海豚兒食壽司,壽司味道好之餘店員又慷慨的送上好吃的魚生沙律給我倆當頭盤,爽,可惜Mr. Dolphin石鍋飯的飯就略淡,Mr. Dolphin亦少有地沒有因為有白米飯吃而感到高興。

2018年8月8日星期三

週末嘆早餐。返工開會

指定動作,先貼下連續三個星期六嘅早餐先。 

首先登場有甜品早餐,包括好味甜品兩款(唔計後方個包)配弱弱地嘅latte。 



然後有算抵食嘅西班牙早午餐,個人份量西班牙海鮮飯(味道可以但未算出色)配一碗不錯的湯才二十元加紙,最意想不到是兩款散點頭盤(炸薯仔魚肉波、雞翼)好好吃,反而同是散點的甜品churros就唔夠脆,而個焦糖醬嘅味道亦唔夠突出。 

2018年7月31日星期二

親人篇: 姨丈姨媽

突然心血來潮很想寫一篇關於姨丈、姨媽的記錄,這篇文章會比較長,就當給自己日後一個留念吧!

從小,海豚兒就跟姨丈很親近,或許是人夾人緣吧,姨丈是極少數喜歡海豚兒比海豚兒家姐更多多多多的長輩,基本上,姨丈在海豚兒出生時,在醫院裡第一次接觸就喜歡上海豚兒。。。這實在是很少有的,因為大部分親戚打從心裡就喜歡上小時候天生美人胚子又伶牙俐齒的海豚兒家姐,像海豚兒這種扁鼻姑娘又吽吽竇竇模樣,的確很難得人垂青,哈哈!

2018年7月24日星期二

配眼鏡。午餐約會

到期配眼鏡,星期六中午,海豚兒同Mr. Dolphin先去眼鏡舖附近嘅港式餐廳開餐。 

龍蝦帶子意粉同明太子軟腳蟹意粉都幾好味,難得意粉亦煮得煙煙韌韌。 



甜品亦唔錯,呢間一定有下次。 



美中不足,咁啱隔離枱其中一人係Mr. Dolphin講廣東話嘅舊同事,兩張枱距離太近,搞到海豚兒講野又怕俾人聽到同時亦極唔想聽到隔離枱嘅對話,感覺怪怪。^^”

2018年7月17日星期二

國慶日。Summerlicious晚餐。禮物

上回提到七月一日是加拿大國慶日,剛好遇上是星期天成就了一個長週末假期,真好!其實這天海豚兒和Mr. Dolphin也只是在食茶餐、行街、煲劇中渡過,唯一分別是等到晚上著住街坊裝落樓下睇咗陣煙花。



接下來的週末,海豚兒就和Mr. Dolphin襯Summerlicious去市中心食餐晚飯。早午餐就在甜品店解決。最正莫過於後來加點新鮮出爐的almond croissant,熱辣辣的杏仁牛角酥真的好好吃啊!