2014年3月10日星期一

禮拜六無節目

之前也提過多倫多這個冬季很冷,到底有多冷? 就是冷得在零下三十度的室外走動時,每一下呼吸也會被冷空氣弄得鼻子刺痛,所有外露的皮膚也變得冰冷麻痹,所以除了平日上班下班必須在室外走動外,週末也盡可能留在室內活動,這情況下,除了吃吃喝喝,還有什麼更好選擇呢!

有時候口痕兼思鄉病發作時,就要去港式美食廣場/茶餐廳"止痕"--->唔通搵手指"R"下條痢咩!XD 雖然味道不及香港的茶餐廳,但在這兒也算是不錯的選擇啊!

海豚兒的心水包括蛋治、麥皮,炒蛋、餐包、腸仔通,至於凍奶/檸茶少甜少冰就更加不能缺少!  至於Mr. Dolphin嘛,魚湯米線、咸粢飯、咖喱魚蛋都是他的心水。



有時候,海豚兒也會食碗叻沙小辣。喜歡美食廣場的原因很簡單,就正因為大家也能挑選自己所喜愛的食物而不需要受環境影響,吃亦吃得隨意自在!


還有些時候,會以甜點作早餐,然後提早晚飯時間去止另類心癮,吃日本餐去!

 
綠茶蛋糕很甘濃,配上紅苺慕思,好吃,但底層加了rice pudding就有點怪,感覺好似每吃一啖蛋糕再加一啖飯入口,唔知會唔會有人比D飯粒噎著呢?


至於個70%黑古古力蛋糕嘛,又濃又滑,就梗係好食到無朋友啦!  可惜我們當時在街邊立食,所以不便把蛋糕解剖影相相分享。


晚飯嘛,我們在日本餐廳吃了以下的東東,包括。。。

Jellyfish Salad ~ 好好味

Salmon Tataki ~ 好好好味

Chopped Salmon Sashimi with 7 Friends ~ 侍應妹妹誤會我們的意思,將個生蛋黃撈埋一齊,所以影唔切相相蛋黃就消失咗,平時我哋好少將生蛋黃撈埋嚟食,今次覺得個質感好"滑潺潺"不懂欣賞呢!


Lobster Sashimi ~ 超新鮮所以大好味

Deep Fried Brie Cheese w/Mango & Berry Sauce ~ 好味,熱辣辣芝士夠溶夠流心,不過可惜唔夠果醬

Grilled Black Cod ~ 好味

Stone Bowl Rice ~ 好味,但等唔到飯焦已經吃清光 XD

杏仁豆腐 ~ 好滑,似慕思多於杏仁豆腐加粒不明來歷的杞子作裝飾,和味道一般般嘅綠茶芝士蛋糕

還有十萬分好味嘅芝麻雪糕+脆脆威化+煎到熱辣辣mochi+炸到又香又脆煎堆仔, 這甜點實熟必吃之選!

 
這星期的氣溫雖然還是很冷,但春天的太陽光已漸漸出現,萬般期待四月份春天的到臨!

18 則留言:

  1. 妳份早餐好港式丫,其實妳個邊係咪有好多港式食肆?

    回覆刪除
    回覆
    1. 都算好港式下,不過水準就肯定無香港咁好。
      通常我隔兩、三個週末都會食下港式早餐,始終係香港長大梗有D情意結!

      刪除
  2. 我成日咁夜先睇你D文....搞到我好肚餓又唔食得野呀

    回覆刪除
    回覆
    1. 嘻嘻!因為我哋有12個鐘時差,如果我日頭上載,就係妳嘅夜晚,好在我通常都係lunch time前"游"blog!

      刪除
  3. 好似返左香港咁呀@@(我下個月返香港~)

    回覆刪除
    回覆
    1. 味到都仲差一點,不過好過無啦!
      嘩!有得返香港真開心,返幾耐呀?

      刪除
  4. 全部都好想食!!你地真有口福!我都十分期待春天,今個星期溫度上返冰點以上,已經好有放監嘅感覺!

    回覆刪除
    回覆
    1. 有機會再嚟多倫多食下玩下呀!
      係呀!零度已經好興奮啦! 希望可以快D換春裝唔洗日日著住件大褸~

      刪除
  5. 我呢度真係無乜港式食物。法拉盛唯一一間美食廣場全部都係四川麻棘燙呀,蘭州拉麵呀,得一間滿記甜品都係A貨。

    回覆刪除
    回覆
    1. 無計,近年北美嘅中式食店都係為咗迎合班"新移民"口味,好在我呢邊都仲有比較"港式"嘅食店。
      我哋都有滿記,據聞係由香港滿記其中一個主理人開嘅,都好好味架,我哋間中都去幫襯,不過佢哋唔做堂食,只做外賣囉!

      刪除
  6. 間日本餐廳都有好多fusion甜品喎! 唔錯唔錯, yum yum!

    回覆刪除
    回覆
    1. 最正都係個雪糕甜品,本來老公諗住叫雪糕球only,好在比我改咗,加$1多兩粒煎堆、兩粒mochi,真係唔叫就笨啦!XD

      刪除
  7. 幾年前去美國旅行兩星期,已經好掛住港式食物,何況海豚兒長時間在多倫多呢!
    好在多倫多都好多好野食~~~

    回覆刪除
    回覆
    1. Mandy講得好啱,我最近都有諗初頭去到羅省生活時係點,有無好掛住港式茶餐,但隔咗太耐,真係唔太記得,只知道三藩巿唐人街嘅茶餐比羅省正宗好吃:D

      刪除
  8. 海豚兒:
    ~你啲早餐好港式, 反而我係多倫多, 較少食港式早餐, 好怕要渣太耐車嘅感覺!!!
    ~你個美食廣場唔錯!! 有早餐, 有叻沙, 係邊樹??等我介紹我父母去都好
    ~你好識係食物尋找享受, 餐日本餐廳和蛋糕貌相都很好!

    回覆刪除
    回覆
    1. 係喎!我都記得以前妳多數都係食四大發明多架(粥粉麵飯)!
      呢度係first markham個food court,間舖喺corner位,咁記掛父母,妳都好乖呀,好有父母心呢,讚!!
      妳都知TO冬天有幾悶啦,唯有寄情於食囉! 講起嚟好笑,我哋whatsapp日本餐食物相相比老公屋企人睇,佢哋話好想試,但其實間餐廳係Guu,佢哋喺Vancouver幾時去都咁方便!

      刪除
  9. 凍到冇得去街街 一於食多啲好吃補番數 ^^

    回覆刪除
    回覆
    1. 係啦,條街仲凍過雪房呀,陰公! >_<

      刪除