2014年3月17日星期一

腳尖鞋的魅力 - 起點到終站

還記得小時候在電視上看到芭蕾舞蹈員穿著華麗舞衣、踏上粉嫩嬌俏的腳尖鞋在臺上做出各種優雅、高貴的動作,看得海豚兒心癢癢,告訴媽媽自己也很想學芭蕾舞。對於四歲小孩這樣的要求,母親大人的反應大概只是"好!聽日比個官你做!"  XD

經過一年多的扭計(海豚兒承認這是扭計,年紀這麼少,難道是議論麼?),  加上姨丈(就是媽媽的姐夫)經濟上支持,海豚兒終於有幸能踏上芭蕾舞之路。其實,海豚兒是屬於既沒潛質又先天不足的學員,潛質嘛,若果大家有學樂器、或做運動,大概會明白海豚兒的意思,就是無論怎樣努力去做也沒有人家有天份的做得好,至於先天不足就是指自己既肥且矮的水桶身形,無論是做任何動作也好像有些欠缺、不夠漂亮,不過也不打緊,從來,習舞對海豚兒也只是興趣,並非要作"贏在起跑線"的秘密武器,只要從學習中得到快樂便可。

大概十一、二歲,終於到達可以穿上腳尖鞋學習的年紀,第一次穿上所有芭蕾舞學員夢寐以求的腳尖鞋之心情,實在是興奮得難以形容,當然美麗背後亦有相當的付出,包括汗水、淚水、和血水(有時候甚至乎是膿水), 在家也不斷練習,把家中的水晶臘地板也磨破,不過只要是自己喜歡的,堅持也變得快樂,不過,最可憐還是被弄得片體鱗傷的柚木地板。=o=!

記得同班跳舞同學當中,有一位學員是屬於有天份類型,她的媽媽亦很"落力"培養她各項天份,從繪畫、彈琴、古箏、游泳、芭蕾舞等等等等中(印象中她大概同時間學八至九樣課餘活動),她也特別喜歡跳舞,不過對她印象深刻是因為她的媽媽為了騰出時間和金錢讓日漸長大的妹妹也得以參加課外活動, 決定要女兒放棄芭蕾舞,至於為何要選擇放棄芭蕾舞,海豚兒早就忘記了。

海豚兒後來也放棄了芭蕾舞,大概是有點意興闌珊吧! 好不容易有一個表演機會,結果因為穿不下一件舊舞衣而失去了這演出機會,唉!都怪自己胖胖和老師太慳家吧,沒有給我們造新舞衣,只是把從前為師姐們度身訂造的舊舞衣塞給我們穿! :p

不管怎樣,海豚兒也很慶幸小時候有機會學習芭蕾舞,雖然腳趾因為長期穿舞鞋而變得很醜,到現在也為了遮醜而不會穿露趾鞋,但也是心甘情願的啊!  感激媽媽和疼錫海豚兒的姨丈讓海豚兒有這麼美好的童年回憶!

20 則留言:

  1. 我從小就是豬仔身型,唔敢話要學 ballet.

    回覆刪除
    回覆
    1. 嗰時得5歲幾,仲讀緊幼稚園,都唔會留意或介意自己肥瘦,所以就算自己肥底都照學可也!

      刪除
  2. 姨丈好好人呀, 都要姨媽都肯至得! 係自己喜歡而唔係被迫嘅活動, 幾辛苦都值得.

    回覆刪除
    回覆
    1. 對呀!其實姨丈、姨媽都好錫我哋,我同姨丈就更加特別有緣份,佢哋膝下無兒,所以待我如女兒一樣!

      刪除
  3. 海豚兒:
    ~幸好有姨丈, 如果唔係學都無得學.
    ~我兒時也想學ballet 但當然家人不肯. 因為Ballet 和學校無關, 學黎做乜!!
    ~所以, 我兒時無咩點學其他課外活動!! 大個咗先自己學返!!
    ~但而家啲小朋友, 人仔細細,已經有七,八樣課外活動!! 忙過啲大人!!我又覺太誇. 哈~

    回覆刪除
    回覆
    1. 嘻嘻!我屋企好古老,姨丈/嗲吔一出聲,姨媽、媽媽都會收聲,所以姨丈真係幫咗我好大忙!
      我估可能因為Vicky係大女,父母管教更嚴,而且以妳做妹妹榜樣,喺虎爸虎媽鞭策下妳讀書成績一定好好!
      唔緊要,依家想學、想做咩都有Brian陪妳,有伴一齊玩/做,仲開心!
      我都覺得香港嘅情況好怪,唔關我事但睇見我都覺壓力大^^"

      刪除
  4. 我細個時都想學㗎,因為覺得D姐姐好靚,不過媽媽驚學壞雙腳,唔俾我學@@

    回覆刪除
    回覆
    1. 咁妳係咪學琴架? 因為我有D朋友細個有同一原因唔學/停學跳舞都係本身學緊琴,不過,腳粗都係事實,但我本身矮,學唔學跳舞都唔會有長/索腿,所以都無所謂:)

      刪除
    2. 我估D媽媽覺得彈琴同跳舞份屬同類(古典、正經),識彈琴已經有"楂嗱"嘛!

      刪除
  5. 我同你又有相同點嘞,唔係跳芭蕾舞,而係腳趾甲奇醜,唔敢著露趾鞋,夏天時好苦惱啊!

    回覆刪除
    回覆
    1. 妳同我真係有越來越多"你估我唔到"嘅相同之處。唔緊要啦,我會好阿Q咁諗年中慳唔少pedicure錢錢,又唔洗花時間搽腳甲 ;)

      刪除
  6. 有冇舊照? post一張上黎丫嘛~~ ;)

    回覆刪除
    回覆
    1. 唉!去美國嗰時除咗一隻行李箱,嗲吔嘜都唔比我帶,後來香港間屋都賣埋,所以最好嘅只能"成追憶"啦!

      刪除
  7. 有得跳舞好好呀,我細個好男仔嫁
    咩都懶得學hehe

    回覆刪除
    回覆
    1. 都唔係單鍾意學嘢架,其實成班女仔等上堂就最開心,跳繩、紅綠燈、捉人仔,咩嘢都玩一大餐!

      刪除
  8. 我比你小一點學芭蕾舞呢!十歲到!可能因為當年只係一星期學一次,又同妹妹一齊,上完課程最後去大會堂表演,成個過程我記得開心多過痛苦,好幸運!如果有學落去就未必喇。你提起我要感激實現我心願嘅媽咪 :)

    回覆刪除
    回覆
    1. 原來妳都係練舞之人,其實我幼稚園已經開始學啦,不過到十一、二歲至開始著腳尖鞋。嘩!妳就好啦,喺大會堂表演,仲可以同妹妹一齊學,真心羨慕呀!我家姐學琴,我覺得彈琴好悶,佢又舞跳舞嘅表演慾,所以係呢方面無咩交流架!XD

      刪除
  9. 我以前都有學芭蕾舞,都有著過腳尖鞋,好明白點樣有汗,有淚,有血!

    回覆刪除
    回覆
    1. **HUG HUG**知音人!
      唔知妳有無好似我咁唔識聽法文,細個次次做plié都諗點解個動作唔係叫"O型"而係叫"P型" XD

      刪除