2014年3月20日星期四

有你講,無理講

「「趣事一則」」

話說"是非篇"的壞上司所管轄之部門員工意見調查結果令壞上司及他的上司"老人家"受了上層許多壓力,他們對其下屬們非常不滿,一方面向高層解釋調查結果不理想只因為調查以英文問卷在網上進行,而他們認為下屬們英文水平欠佳(而當中有許多英文比中文更為優秀的員工),所以對問題意思有所誤解、甚至不明,才導致調查結果差強人意,另一方面他們與下屬們進行閉門會議,希望強行令下屬們承認錯誤,就是說把所有被認定答得差的問題,強逼下屬們解釋、解釋、再解釋,直至他們同意是自己因誤會而犯錯為止。

最諷刺的是老人家非常生氣下屬們在以下項目給予最低分*並要求所有下屬提出例證:

<<在這部門能夠安全地發表自己意見>>

在這拍案叫絕的情況下,下屬們除了擔天望地,把玩手指,大家還有更好提議嗎?

老實說,這些意見調查總是苦了員工,調查成績不理想,便要求員工以小組討論形式相討、找計策,許多時還是由"老人家"的心腹下屬向其他員工作提問、調查、跟進,讓上層認為部門已作出適當調整,改善部門內的問題。一場大龍鳳過後,甚麼也沒有改變。既然如此,何不直接了當向上層反應。當然這部門的老姜多的是,這些情況年中也發生不少!





註: *最低分代表在0-10之間,下屬們選了零分代表他們認為在這部門內發表意見是不安全的。

14 則留言:

  1. 我公司年年都做 staff survey 雖說是不記名,自願性,不過如果無做,會不斷收到 reminder 囉。

    回覆刪除
    回覆
    1. 我公司都係自願性和不記名,無reminder,但每個同事會收到個唔同嘅密碼去登入做survey XD

      刪除
  2. 好無聊,我都啱啱做咗,費時一日比人問做咗味。

    回覆刪除
    回覆
    1. 我都係啱啱做完先醒起"曾經"有件咁嘅趣事!
      咪就係囉,唔做又比人"煩,"做咗又比人"盤"

      刪除
  3. 嘩,你公司?都好無聊喎,如果係我,我會好老實寫,如果有other comments,我會寫因為上司獨裁無理又記仇,所以無法表達意見,亦因為同樣原因,請高層無謂再叫上司向下屬了解/解釋,只是惡性循環。.......我一向都係膽生毛,一係炒Q咗我算。

    回覆刪除
    回覆
    1. 係呢個部門最特別遮!佢哋會做好多嘢去折磨會出聲嘅人,包括break time逼你離開自己座位就算你只係好靜咁睇緊Harry Potter,佢哋會堅持你係會打擾到其他同事,實情係佢哋好驚同事連成一線攪對抗。積埋一大堆後,最後嘅破解大法係同嗰座building最大粒嗰位做圓桌會議,將D衰嘢講哂出嚟,加上有同事將主管某些惡行向"申訴專員部"投訴,所以先有小量改善!
      若果要寫other comments,仲要寫得唔好咁易比人睇得出似係邊個嘅文筆呀!XD 不過實炒唔到,因為佢哋無任何理據嘛,而呢間公司絕對唔會隨便炒人,因小失大,影響公司形象/股價,咪仲大鍋!

      刪除
  4. 海豚兒:
    ~我成日覺依啲survey好無料!!!但唔知點解, 身處可方, 都有依啲survey要填!!

    回覆刪除
    回覆
    1. 係呀!員工有得填,買衫褲鞋襪甚至麥當當都有得填,上上下網都會有個pop up msg叫人填,就嚟連入土為安後都逼人彈起身填番份"售後服務"意見 XD

      刪除
  5. 我想問係妳個邊既公司呀?如果係妳個邊公司,員工D英文唔會差呀?

    回覆刪除
    回覆
    1. 雖然嗰個部門全華人,但有來自新加坡、馬拉、菲律賓、中港台,基本上"英文差"只係個爛藉口!

      刪除
  6. @O@ 咁做野咪好大壓力!>< 有冇事呀你?

    回覆刪除
    回覆
    1. 唔洗擔心,呢D已經係N年前嘅事,基本上喺嗰個地方學識好多好多無諗過有機會見識嘅人和事!

      刪除
  7. 好彩我已經唔使出嚟做 ~ 嘢 , 少了呢份壓力 ^^

    回覆刪除
    回覆
    1. 實在令人羨慕吖,不過我暫時都唔敢唔做嘢,最主要原因係老公份工太忙,若果我唔做嘢,呢邊又無親人,朋友又返哂工,我實悶C!

      刪除