2014年3月6日星期四

"月巴"美午餐係列~冬日篇

據說這是自一九七六年以來多倫多最寒冷的冬天,從十二月至今(三月初),溫度長期徘徊在零下20至30度之間,而且又經常下雪,整個城市像冰封了一樣,一點生命氣息也沒有。在這樣的嚴冬裡,還有什麼比填飽個肚更實際呢?

正所謂no pain no gain, 海豚兒就是固執地不明白怎麼自己沒見痛,卻長了這麼多肥肉肉,體重直線標升。(我不懂、我不懂、我不懂。。。) 在這沉悶的冬季,海豚兒也顧不了這麼多,還是吃了再算吧!

以下是這三個月一人前午餐精選片段,當然不是每餐也拍照吧,無理由好似My盛lady連"豆腐火煵飯"都影嘛。 XD


首先出場嘅係第一位佳麗,係人見人愛,車見車載嘅豆漿、小籠包、鴨舌、蘿蔔絲餅,這可是兩餐的相相併在一起的呀!


第二位佳麗係甜美可人兒熱辣辣脆脆厚磚吐司配雪糕(仲有未趕及入鏡嘅蜂蜜綠茶)。




第三位佳麗係斤量十足,即叫即燒嘅多汁lamb burger配香口洋蔥圈。



第四位佳麗係越式春卷+烤豬肉、烤雞肉朦,而亮點係杯十級香滑味美嘅滴滴雪啡奶。


第五位佳麗係鹽味日式拉麵,塊豬肉上枱前用火槍燒過,甘香可口,而糖心蛋味道則只能用一個字形容,就係"好吃!" ;)其實呢,海豚兒比較喜歡味增湯底,但卻貪心鹽味無須加錢就有蛋蛋嘛,所以便點了這款。


第六位佳麗係清麗脫俗嘅日式壽司,份量比較小,這已經是兩個午餐了,不過小店選用的魚是新鮮非常,更難得是全日本人經營,服務亦很貼心,難怪亦長期爆滿。


第七位佳麗係近期熱爆的韓國索女~韓式牛仔骨午餐,是海豚兒大愛並好吃非常的牛仔骨哦!


第八位佳麗係日式豬排蛋飯。這是一間新開小店,海豚兒本打算點日式咖喱豬排飯,但實情是海豚兒自小也不愛吃飯,發現有Katsu Udon,便立即轉軚叫烏冬,點知,食物上枱時才發現原來是文盲病發的海豚兒看錯了,餐牌上寫的是Katsu Don, 而不是Katsu Udon, wakaka!!! 不過,味道也很讚啊! 第二天再試了他們的日式咖喱豬扒飯--->將飯換成沙律,好味道啊! 但由於外賣的賣相只一般般,所以便沒有拍照啦!



18 則留言:

  1. 位位佳麗各有千秋,但我對厚磚多士最感興趣。
    呢個漫長冬天好快會結束,我而家已經幻想緊櫻花盛放嘅日子喇。

    回覆刪除
    回覆
    1. 我仲以為厚磚多士會最小人支持添,可能妳嗰邊都有喎!我見我家姐喺SF都有好多台或日式嘅好嘢食架!
      我都希望可以早日掛靴,今年冬天真係捱得好辛苦,好在妳同我都唔洗鏟雪!

      刪除
  2. 我今日又被困在家喇,又落冰,真係想死!

    我都係最鍾意日本嘢,魚生尤其!

    回覆刪除
    回覆
    1. o下,又落?!其實我最怕就係冰雨,又危險又多意外。今個冬天連我呢種唔用腦又唔思考嘅人都"屈"得好辛苦,真係無病都攪到變有病!
      我都係好鍾意食魚生,而新鮮絕對係皇道!

      刪除
  3. 嘩!零下20、30度?真係唔想出街
    我鐘意第二、三號佳麗

    回覆刪除
    回覆
    1. 真係成個冬天都好少出街,但日日都要頂硬上返工,有時都覺得好辛苦架!
      睇睇下我懷疑自己幫三號佳麗造假,我可能擺錯張牛牛burger相相,希望佢唔會被取消資格啦,哈哈! XD
      不過牛同羊都好好味就真嘅!

      刪除
  4. 我選一、三號佳麗丫, 唔該~

    回覆刪除
    回覆
    1. 收到!喜歡中西合璧,不嗜東洋風或韓風! XD

      刪除
  5. 嘩, 加國佳麗質素唔錯喎, 好想飛過黎一親香澤!! :P

    回覆刪除
    回覆
    1. 誠意邀請甜魔媽媽出巡楓葉國呀! =^&^=
      不過最希望妳今年可以完成心願實踐5週年之旅啦!

      刪除
  6. 零下20至30度好凍呀,我最怕凍嫁啦
    款款野食我都好中意呀

    回覆刪除
    回覆
    1. 今個冬天真係凍得誇張,所以連去街既心機都少咗。
      鍾意就好啦,不過我要開始有D節制,如果唔係就肥C人呀!

      刪除
  7. 「在這樣的嚴冬裡,還有什麼比填飽個肚更實際呢?」哈哈哈~~~~~
    我選五號佳麗^^ Hamilton冇好味拉麵食ga!!!!><

    回覆刪除
    回覆
    1. 吖吔,咁要睇下有無方法同豆丁食拉麵先!
      去downtown係咪太遠啦?

      刪除
  8. 各佳麗都有不同特式, 海豚兒有口福呢~~~

    回覆刪除
    回覆
    1. 雖不及香港,不過有咁多選擇喺公司附近,我都已經覺得自己好幸福啦!

      刪除
  9. 所有佳麗我都好like ar ~ 點揀呀 >.<
    haha

    回覆刪除
    回覆
    1. 我都係因為咁,樣樣都放哂落肚,所以個肚腩又大咗好幾個碼啦! @_@!

      刪除