2016年1月18日星期一

聖誕以後。新年未滿。雜記

在開始寫十二月份的回港記錄之前,先跳寫二次從香港回來的雜記先!

海豚兒二次從香港回來後有點傷風感冒,加上之前被蚊叮出現過敏反應,雙手搽了葯膏不宜濕水--->懶人藉口當然特别多(得戚mode~~~),所以很多... ...正確來説其實是“所有”家務也由Mr. Dolphin獨力承擔,可憐他難得聖誕其間公司休息放假,在家裡却沒有一天閑着,不停洗洗抹抹,有一晚在洗碗碟途中自言自語時更忍不住爆了一句“一不做,二不休” XD。。。以防不是每位blog友也聽過這爛gag,Mr. Dolphin指的是海豚兒(即一)不工作,Mr. Dolphin(即二)則無休止地工作,哈哈哈!

海豚兒在25號晚上回到多倫多,26號在家休息一整天,早餐就當然少不了專程從香港買回來的甜品啦,super yummy!!





27號晚海豚兒、Mr. Dolphin就和小學同學一家補慶聖誕節,吃了抵食的港式聖誕大餐!



28號Boxing Day補假,海豚兒和Mr. Dolphin就去了商場行街街,然後順便在Joey's提早吃個晚飯便回家好好休息,因為呢。。。來到29號這個星期,海豚兒還要返三日工啦 :(,而Mr. Dolphin則繼續放多一個星期假,太羨慕啦~~





31號海豚兒襯早放,捉Mr. Dolphin陪海豚兒去市中心的Kingyo吃頓豐富除夕late lunch/early dinner ,其實海豚兒自從幾年前在温哥華幫襯過此店,也一直好奇想一試多倫多店水準啦!多謝Mr. Dolphin不辭勞苦,開大半小時車和海豚兒來吃東西呢!




也不枉我倆老遠來找吃,兩個人分吃了三份午餐加兩份甜品,食物份量雖不多,但味道也算不錯,雖然之前一晚海豚兒為着一些心結,一整晚也睡不着,但有這樣一餐來為自己打打氣,也順道為2015畫上一個圓滿的句號,怎麽説也是好的。謝謝Mr. Dolphin“腰潤式”的提醒,認真便輸了,還賠上一晚的光陰,不值得!2016要緊記,不要讓自己犯同一樣的錯!





 祝各位和自己2016繼續平淡是福! :)

18 則留言:

  1. 我要食得是福,哈哈!你有老公錫,生活美滿已經時福氣啦。

    回覆刪除
    回覆
    1. 好吖,咁祝妳食得是福啦!!

      多謝妳,對呀,其實我也很感恩有這樣supportive嘅老公,所以我都唔貪心,唔會再要求有D咩啦!:)

      刪除
  2. 二個人食三份餐,您哋真係好食得

    回覆刪除
    回覆
    1. 錯覺咋,錯覺咋,嗰三份餐都好細份之餘,我哋都無食哂D飯,一來Mr. Dolphin唔可以食太多飯,二來我自己都唔太好白米飯,嘻嘻!^^"

      刪除
  3. 心結,嗯,希望新一年,海豚兒一切都心想事成,日日同Mr Dolphin 甜蜜又快樂,心想事成 ^^
    “腰潤式” <---即係咩方式啊,我諗極都諗唔到啊....^^"""

    回覆刪除
    回覆
    1. 多謝Sammi呀!我會努力學習! 我都祝3K聽教聽話,是永遠相親相愛!

      哈哈,其實我係暗瓦底話佢句嘢“夭心夭肺”又好似潤(串)梗我啦!XD

      刪除
  4. 兩個人分吃了三份午餐加兩份甜品, 妳真係海豚兒?? @@
    2016來到啦, 要開心自在, 了無心結地幸福生活落去呀~~

    回覆刪除
    回覆
    1. 係真。海豚兒啦~~其實嗰三份午餐嘅份量真係算少架,個刺身份量真係連Chloe都唔夠飽,而且話哂係年度最後一餐,點都要都食飽D呢!

      謝謝妳啊!多謝妳成日發放正能量俾我呀!妳都一樣,2016嘅生活模式可能同以往有所不同,妳都要繼續樂觀面對,做家務其間都唔好忙記要滋潤雙手,以防主婦手出現啊,hehe!

      刪除
  5. 原來妳返左加拿大繼續食食食喎
    Mr Dolphin 有冇羨慕妳呀,妳食足咁多日,佢就做足咁多日,haha

    回覆刪除
    回覆
    1. 直頭係搏哂老命咁食啦,哈哈!

      查實都係兩、三日啫,都唔算好耐嘅!佢最羨慕係我無增磅返嚟就真!XD

      刪除
  6. 做乜仲有心結呀?咁大個人睇開啲啦!

    我啱啱返嚟即刻開工,依家攰到想死。

    回覆刪除
    回覆
    1. 知道啦,多謝Ceci!今次絕對係自己睇唔開屋企人和事之過。^^"

      最緊要保重身體,呢D天氣再加上出完trip,休息唔夠就好易病架,太攰就請返日病假抖下啦!:)

      刪除
  7. 一些心結,一整晚也睡不着 <--- Hope you are back to normal now!

    Sometimes I do take things too personally, and things bother me more than they should be. Let it go, let it go, ...

    回覆刪除
    回覆
    1. 多謝妳啊!平時嘅我可能太與世隔絕,而舊年12月再返香港時因為返去嘅性質而見多咗親朋戚友,所以有D感受特别深。不過唔駛擔心,我會唔俾自己再諗落去架啦!:)

      刪除
  8. 回覆
    1. 喺囉,原來唔駛以形補形架,呢位先生唔食內臓講嘢都咁,若果佢食埋腰潤類食物我仲得了嘅!;P

      刪除
  9. 你就好啦, 食極都唔肥!!
    肥人一定要減啦...條腰...唉!

    回覆刪除
    回覆
    1. 梗正:我其實係食甜食無食咸食肥咁多啫,但當我兩樣一齊食時,就神仙都難救啦!XD

      加油呀!要減腰真係要無比堅毅,咦,不如都係等過埋新年先啦!

      刪除