2016年1月1日星期五

拾。婚。之旅 ~ 香港 Day 1 & 2: 見blog友、見好友

Happy New Year!!   

海豚兒從香港回來後懶了好一陣子,襯新年新開始,又再重新出發,努力寫寫寫,希望不會悶壞各位啦!:)


<<香港Day 1>>

晨早六點未夠去到酒店,當然未可以check in啦,海豚兒和Mr. Dolphin就再一次利用酒店健身室的浴室刷牙洗澡,之後就起行去嘆番個菠蘿油加奶茶啦!



菠蘿油本來好味架,但海豚兒平時習慣了吃半個菠蘿包加一片大牛油,然後Mr. Dolphin就會完成餘下的嘛,不過今次竟然被Mr. Dolphin“扇”一鑊,他自己又叫一個菠蘿包,海豚兒唯有獨力完成一個菠蘿油配一片蚊形牛油!喺到等海豚兒重新一次,吃一整個菠蘿包,係需要兩塊牛油架,這是常識,知道嗎!




吃完早餐回到酒店約十時到,就可以check in啦!下午Mr. Dolphin就陪海豚兒去拜山,然後就一起吃海鮮晚餐。嘻嘻,有見到海豚兒吃的是殘廢餐嗎?瀨尿蝦是先去殼才被放到海豚兒碟上架!





再然後Mr. Dolphin就陪海豚兒見一位多年好友,去添好運飲杯茶食個包。海豚兒稱呼這位好友作契老豆,但契老豆只是小時候閙着玩的稱呼,我倆其實是平輩的朋友來啦!Mr. Dolphin聽到契老豆想當年,談到他對海豚兒的百厭和野蠻行為的感概,Mr. Dolphin簡直是遇上知音一樣,至於海豚兒就當然覺得自己“童年現在一般可愛”啦!XD




<<香港Day 2>>

由於酒店包早餐,我倆這天的第一餐就在酒店解決,味道也不錯!




這天下午,Mr. Dolphin就去了陪回港辨正經事的Mr. Dolphin媽媽飲茶,而胆大包天的海豚兒則自行走去和blog友嘆下午茶,哈哈!


趁時間尚早,海豚兒見人已在中環站,跟據google map計算,只需要行約十二分鐘就可以行到微熱山丘,那何不善用時間先去微熱山丘買鳳梨酥呢!結果嘛,海豚兒花了大半小時,問了無數途人,行到蒙古佬打仔(大汗揼細汗),終於買到這得來不易的鳳梨酥,可惜原來自己卻不太欣賞這家的味道之餘,尖沙咀和沙田的city'super也能買到微熱山丘的鳳梨酥。^^"



這次經歷讓海豚兒明白到問路最好問叔叔、姨姨、甚至是白人(或English speaking的外藉人仕)也比許多中環西裝友、OL友善和熱心得多。其中一次,海豚兒身處中環,就在Louis Vutton和Emporio Armani的路口問三位漂亮OL文華東方酒店方向,她們的答案是不知道,另一位婦人見狀便很快給海豚兒指示,而事實是海豚兒身處之地距離目的地已經很接近。唉!都怪自己不是金融才俊,否則OL們應該比較樂意幫忙!;P

來到文華東方酒店啦!終於可以和甜魔媽媽和嬌美的小Chloe來一個貴婦下午茶聚啦!一年不見,Chloe妹妹長大了許多,和陌生的海豚ee也多了許多互動呢!






能夠和blog友再聚,食物已經是其次,一起渡過這悠閒時光傾下密計才是重點呢!這麽快又一年,這一年間,大家的認識和感情好像也比從前更深了!

再一次多謝甜魔媽媽的心意,還有就是不好意思,當海豚兒收到Mr. Dolphin電話才發現自己遲大到要落荒而逃!^^"

錯有錯着,Mr. Dolphin在等候海豚兒期間從city'super買了這個很好吃的“大師姐”曲奇餅,海豚兒超愛她的港式奶茶口味呢,偶爾食一塊可以止下奶茶癮也是好的。




和Mr. Dolphin會合後,辨了點正經事,Mr. Dolphin便送路痴海豚兒去下一個目的地跟朋友吃晚飯,然後他才去跟他的朋友見面!

來到自助山吃自助餐,選擇之多和味道也比想像中好。



跟這兩位(第三位這晚缺席,由在場好友的小女兒補上)從前已經介紹過的温哥華靚女好友見面,每次總有傾不完的話題,最後更要等到員工落閘放狗,我們才施施然離開,哈哈!








28 則留言:

  1. 個自助餐好得喎?你咪要預早好多時間訂架?

    回覆刪除
    回覆
    1. oh, 仲有,我以前住上環時,成日都喺中上環幫問路人架。

      刪除
    2. 我覺得幾好嘅原因係食物選擇種類比平時多D好嘢食,但當然味道唔可以同fine dining比,我自己心急所以提前3個月就訂,本來想同長輩去,但佢哋想番兜the greenery,所以無試呢間。如果lunch/dinner,weekday/weekend都ok嘅,一個月內上網訂位都得。我自己唔鍾意揀weekend,因為分兩場太趕,唔夠時間同友人吹水。

      印象中嘅香港都有好多好似妳咁嘅有心人架。唉!或者依家有D人價值觀唔同啦,無着數嘅又何必喺我身上花時間。

      刪除
  2. 我覺得走入舖頭問人仲實際呢

    回覆刪除
    回覆
    1. 奇怪喎,喺旅行時我都係成日入舖頭問路,但唔知點解喺香港我又從來唔會咁諗,或者,係我認定呢度係講廣東話嘅城市,週街都識聽/講,所以"老溤"地覺得個個都識路。

      刪除
  3. ".....至於海豚兒就當然覺得自己“童年現在一般可愛”啦"......but i think you're right...from reading your blog....you look like you are a very humorous and fun person to be around.

    回覆刪除
    回覆
    1. Awww...It's so sweet of you!其實我係一個乜都笑一餐嘅人,同我熟咗嘅話,你可能會因為我無啦啦都笑到留哂眼水而滴汗!

      有你咁講,我今日將會過得特别得戚,嘻嘻!:D

      刪除
  4. 港記鳳梨酥比微熱山丘好吃十倍

    回覆刪除
    回覆
    1. 港記未聽/試過添,下次返嚟要試下。其實我懷疑自己係想食又咸又甜嘅蛋黃鳳梨酥,不過唔係成日遇到囉!

      刪除
    2. 港記係台灣品牌香港冇專門店得代購咋

      刪除
    3. 好,等我記住,下次返嚟前(?)揾朋友問定先,嘻嘻,thank you!

      刪除
  5. 新年快樂!
    諗返餐tea真係好鬼sweet, 下次妳再返黎我地都一定要再tea丫

    回覆刪除
    回覆
    1. 要呀,要呀!應該和妳好好約定,每次返嚟都要tea一tea!不過下次再返嚟妹妹應該返咗學,join唔到我哋啦,hehe!

      刪除
  6. 點解妳影自助山好似吸引好多既?我去食冇妳個D咁吸引呢

    回覆刪除
    回覆
    1. 係咪因為我同朋友攞返嚟嘅都係3人share嘅份量,所以感覺上多D同吸引D呀!

      我家姐姐夫一行9人去食,佢哋全部人都覺得麻麻地,以價錢計唔夠多嘢食呢。^^"

      刪除
  7. 契老豆 <--- I remember the good ol' days.

    回覆刪除
    回覆
    1. 哈哈,我(哋)嗰個年代真係好興同朋友契來契去架!最令我窩心嘅地方係呢個朋友到依家email我,都係用契老豆自稱,好難得有咁長情嘅朋友!:)

      刪除
  8. 返香港都係以食為先啦, 我舊年去自助山覺得食物一般,只欣賞佢個景,又唔限時間,可以慢慢食。

    回覆刪除
    回覆
    1. 我都記得妳話食物一般。我哋食夜晚,講真夜景雖然靚,但始終唔及日頭睇得清楚。唔限時真係好重要,尤其我朋友帶住個小朋友,帶住佢攞食物同去厠所都花好多時間啦,如果食週末限時兩個鐘,真係會好趕。

      刪除
  9. 哈哈,你回加國後不久,我也回港一敞,想不到你去的地方,有些我也去了,待我遲些寫blog再下評論。大師姐曲奇好吃嗎?曲奇餅牛油味重唔重呀?金華上次吃有点失望,你今次吃,好味道嗎?

    回覆刪除
    回覆
    1. 嘻嘻,大家住喺北美嘅都"餓"咗香港美食太耐,返到去都有好多地道美食想試!

      大師姐曲奇我哋都鍾意食,因為咬落去好實在,唔係一陣風嘅感覺,但唔會覺得好重牛油味,主要食到佢每種口味都好突出,包括咖啡,杏仁,古力,奶茶同鴛鴦,如果鍾意呢D味道,我覺得可以一試。

      我都覺得金華唔算好好,可能因為侍應太串串貢啦,連食味都影响埋,而Lido喺我心目中依然係最好!

      刪除
    2. 檀島也差了,伙計都串。加上出咗名開到四圍都有,水準很不穩定,而且價錢亦不便宜。相反去一些細細間開了二十年以上的冰室,還有驚喜。

      刪除
    3. 檀島我未去過呢,除咗以前喺温哥華唔關係嗰幾間,哈哈!

      不過我都有同感,好似泰昌蛋撻咁,都同以前唔同哂,我今年返去都無再去買啦!

      刪除
  10. YEAH,有同感啦...微熱山丘真係不好吃的!!
    蛋黃鳳梨酥, 去港記啦, 唔知HK 有無分店..我都係台北買~
    金華我以前好食D, 不過十年前啦..哈哈!!!
    其實好多香港人都不熟悉自己既地方, 我都係...不過如果你來TST 問我路, 我就一定識答你..哈哈!!

    回覆刪除
    回覆
    1. 連妳都咁講,我條為食筋真係被戚起咗添,唔通下次回港要順便去轉台北。:D

      如果金華塊牛油大舊D,我應該會食得享受D囉!

      其實我明架,平時有人問我路,我都唔一定識,但至少話到俾人聽向邊個方向行,不過當時遇到班OL嘅態度,真係似係想發D打發我走多D啫。

      刪除
    2. 我覺得而家好多香港人, 其實係好冷漠架...~
      GOGOGO, 港記既綠豆糕都唔錯架..仲有芝士條..哈哈!!

      刪除
    3. 其實以14年同15年我自己返嚟香港比較,覺得今次好多香港人態度係明顯差過之前一年。

      唔得了,妳係咁引我,我下次返嚟要捉埋妳陪我去啦~~~

      刪除