2016年1月21日星期四

忽然回港: Day 1 ~ 平靜的第一天

海豚兒話你知: 

 <<忽然回港>>系列將會有許多悶到你發狂的嘮囌和感受要舒發,沒有驚人耐性的請先tune啱channel才。好。看。下。去。啊。

 <<12/20/2015>>

從香港回到多倫多的第三天就收到契爺離世的消息,雖然自問跟契爺不算太親近,但因着契爺契媽的關係,海豚兒從小便能額外享受到更多家人的熱鬧和福氣,所以就算是任性也好,也執意要回港一趟,送契爺這最後一程。

回港前一晚,看罷陳奕迅演唱會,回家只休息了四小時便出發去機場。本以為在飛機上可以補眠,結果也只是零零碎碎的睡了約四小時。。。可憐海豚兒這趟回港一直沒搞好時差,不像十一月時,一回到多倫多便自動回復正常,這趟在港的頭兩晚只平均睡了四小時,即是説從出發前一晚開始計,海豚兒連續四晩共睡了十六小時左右,難怪每天的反應也如此遲鈍。^^"



在機上的十五小時大部份時間也是坐着,除了去了兩次厠所,也沒走動過,體力在沒有任何消耗下,連“吃”的需要也沒有,出於關心,空姐和隔離的乘客也問過海豚兒真的不用吃點甚麼嗎。海豚兒在臨落機的早餐中,吃了一點點雞蛋,飲了杯蘋果汁提神。除此之外,也襯臨近聖誕,翻看一套海豚兒滿喜歡的舊陣皮電影-Love Actually 。其實這套戲已不知看過多少次,重點當然不是看雞蟲啦(HG粉絲請不要打面)!沒想到寫blog之時,戲中其中一位主角Alan Rickman(即電影Harry Potter系列色演Professor Snape)已過身了。。。

是次回港跟之前一樣,也是住在Eaton Hotel,這次住的房間裝修類型數年前也住過,而今次房間是面向彌敦道,但對海豚兒來説,這些都不重要,最緊要還是交通方便,地點安全,一個人出入也不會感到危險。其實如果想的話,海豚兒也有家人、朋友可以投靠,但自問真的不想打搞人,還是做獨行俠比較簡單!海豚兒相信,有許多女性也像自己一樣吧!有另一半在身旁時,人自然變得依頼點,只有自己一人時,人又會變得獨立多一點!:)

 




在酒店check in過後,海豚兒便乘地鐵到銅鑼灣HeSheEat揾食。




墨汁意粉味道果然不錯,綠茶心太軟的綠茶味如果可以更甘濃一點亦會更理想,眼見餐牌中仍有很多吸引選擇,只可惜一人胃納有限,沒有再叫點别的了。



之後就在銅鑼灣四處逛,到時間差不多便回酒店跟好友契老豆會合,到酒店附近的糖水鋪吃糖水。




海豚兒的合桃露加湯圓好好吃啊!可惜契老豆略嫌他的蕃薯糖水太重薑味,但海豚兒就覺得勁薑先至正,但男人嘛,一般也抵受不了重薑味!




吃着吃着這兩碗糖水,契老豆和海豚兒這晚也談了許多呢!雖然人已經很累,但能夠這樣吹吹水的機會真的不多,更倦也是值得的!

20 則留言:

  1. 時差調較唔好無所謂。最緊要有胃口食野。

    回覆刪除
    回覆
    1. 胃口就依然好好,我為食嘛,好在時差無影嚮到我有入無出咋,如果唔係就真係大鑊鳥!;P

      刪除
  2. With 16 hours of sleep between 4 days, I would have been grumpy.

    I don't like the taste of ginger either. It's a torture to eat them after my two pregnancies.

    回覆刪除
    回覆
    1. 嘻嘻,太攰啦,連脾氣嘅氣力都無,何況Mr. Dolphin唔喺身邊,仲連“最佳人選”都無埋添!XD

      我以前都唔鍾意任何薑味食物架,係近年嘅年紀大咗口味都轉埋!

      刪除
  3. 我都係..."有另一半在身旁時,人自然變得依頼點,只有自己一人時,人又會變得獨立多一點"
    可能好多女生都係咁...
    不過睇文章,d人又話咁係好的,證明你的另一半好鍚你,自己才會變了小鳥依人,嘻嘻 =)

    回覆刪除
    回覆
    1. 唔好意思,啱啱至發現呢個留言落咗spam, 激C人呀!!

      嘻嘻,因為為有人滋潤呢!!

      刪除
  4. 看你blog才有機會見識Eaton的房間 嘻嘻

    回覆刪除
    回覆
    1. 哈哈,又係喎,如果我喺香港住,就算想揾間酒店住下,都唔會揾呢間人多車多嘅位置!

      刪除
  5. 去HeSheEat應該揾埋我嘛可以食多D款

    回覆刪除
    回覆
    1. 原先諗住返嚟第一晚求其揾D嘢食就算,但諗諗下為食之餘又想出城買下嘢,所以咪...妳講得啱,真係應該揾埋妳食多D!:)

      刪除
  6. 一落機仲有精力體力去由九龍去銅鑼灣搵食,年輕真係好!

    回覆刪除
    回覆
    1. 哈哈,應該唔關年紀事嘅,Mr. Dolphin成日話睇見我嘅姨甥仔女就知我哋屋企都係流住爛玩嘅血加爛玩嘅genes,好明顯我都係心野想出街!

      刪除
  7. 妳真勁瞓得咁少,仲咁精神,睇落一D都唔攰

    回覆刪除
    回覆
    1. 妳太有口德啦!我哋見面嗰晚已經係第四晚唔夠瞓嘅日子,我個樣已經激殘亦已攰爆,妳見我嗰晚無再喪跑就知啦,嘻嘻!^^"

      刪除
  8. WA...好近呀我...我每日都會經過呢間酒店呢~

    回覆刪除
    回覆
    1. 計埋呢次,我住過呢間酒店4次,唔知我哋有無曾經擦身而過呢!;P

      刪除
  9. 我都係啊,有人照顧就會好依賴,但當需要一個人面對一些事情時,也會獨立起來的...
    不過我還是喜歡依賴多一點,嘻嘻......
    "勁薑先至正" <---嘩,海豚兒,我們好夾呀...

    回覆刪除
    回覆
    1. 哈哈,不"過我還是喜歡依賴多一點"-->簡直道出了心聲呀!:D

      尤其依家咁凍,食D勁薑嘅食物,手腳豈碼唔駛長期冰冷咁辛苦嘛!

      刪除
  10. 依幾日香港好凍, 見到碗勁薑糖水, 覺得超正囉!!!

    回覆刪除
    回覆
    1. 係呀,我喺fb都見到香港個個着到隻糭咁呢!希望甜魔媽媽呢幾日嘅家務可以盡量精簡啦,咁凍嘅日子如果仲要開凍水做家務真係好痛苦架!

      刪除