2016年1月14日星期四

拾。婚。之旅 ~ 香港 Day 10 & 11 最後兩天。手信大合照

<<香港 Day 10>>

是日約了Mr. Dolphin媽媽去銅鑼灣吃樂天皇朝,大家也覺得小籠包好吃的同時,"八色"只是整色整水多於實際,但喇沙就真的堅好吃,正!




下午茶時候,我倆就襯人在沙田,再去Tony Wong的甜品店"覆桌"。結果嘛,我倆邊吃邊説“真係衰格,邊有人咁衰格架,係要嚟到沙田店至覺得好食都有嘅!” ^^"





來到晚餐時間,因為考慮到明天要早起去機場,還是乖乖的在尖沙咀吃晚飯好了。既然Mr. Dolphin想吃意粉,那麼就吃意粉啦!還好,也沒有挑錯餐廳,食物也不錯,吃着吃着,海豚兒依舊覺得在香港不論吃中湯或西湯,湯的熱度也比北美的高。不曉得是飲食習慣上的不同還是責任問題就不得而知啦!






吃完晚飯,海豚兒當然不甘就此罷休啦,襯時間還早,就跑去海港城食多杯焙茶軟雪糕才返歸呢!----->>>請為有無懼肚疴嘅精神而歡呼,Yeah!!!

 


<<香港 Day 11>>

這天因為約了在同一天離港的温哥華靚女好友在機場的lounge見面--->這樣的見面,感覺好型呀!因為她和她媽媽飛往台灣班機比我倆早,所以我倆未夠七時便在機場辨理好check in手續,不過呢,為食的海豚兒實在抵不住翠華的誘惑,入閘前嘆番個翠華早餐。説來攪笑,明明酒店對面就有間翠華,但這十天以來就是沒有把握機會來吃,若不是在機場吃到,這可算是行程中的一個遺憾!;P




吃飽了當然要飛快過海關跟好友見面啦,心急的海豚兒沒有把指令看清楚,當自動過海關系統指示遊客“請把手指放在中間/Please place the finger in the middle”時,海豚兒以為是要把中指放到素描器上,便伸了隻中指出來放於素描器上,但想了想却又覺得不對勁,才把中指換成拇指。。。説到這裡,相信大家也能想像到海豚兒之後引得Mr. Dolphin,好友及她的媽媽笑得有多高興吧! ^^"

就這樣,三星期的<<拾。婚之旅>>就要結束了。心野的海豚兒不捨得假期就此完結,更不捨得離開不知何日再回來的香港,然而心歸的Mr. Dolphin早已思鄉病發。有天海豚兒問他是否homesick,他更搞笑地以為老婆無啦啦話佢好色,哈哈!

以下是這三星期的食物手信,包括東京、悉尼、香港,還有blog友,友人,家人從星洲、台北、及首爾送來的温馨手信、和各位blog友,好友送上的禮(吃)物大合照。當中有好些食物只是放了一份出來而實際上是買了一打之多。請願諒海豚兒只把“吃”的部分與各位分享,其他的手信及禮物,海豚兒就不會放到blog上了。但單看這陣容,大家也能想像到海豚兒和Mr. Dolphin回到多倫多後,吃得有多高興吧!




20 則留言:

  1. 叻!!! 鼓掌!!!!!!!! 完成左遊記!
    我11月份友人同遊日本blog中途無左音信... 新年泰國未開始... 汗...
    btw...好羨慕可以去成個月旅行...我地未試過...因為川老爺只可以休紅日...有時覺得歐美西方國家好好,呢d先係生活!

    回覆刪除
    回覆
    1. 多謝妳呢!有希都要加油,我都一直有追妳嘅遊記架!:)

      我地對上一次連放三星期都已經係結婚嗰時啦!不過只可以休紅日嘅生活,壓力真係好大,其實我喺東京搭車、行路時遇上嘅上班族好似都係木口木面,而東京嘅零售業更加係工時長、休息短...感覺喺東京做遊客超正,生活嘛,真的不易呢!

      刪除
  2. 海豚兒果然係揸住中指做人啊haha~

    回覆刪除
    回覆
    1. 哈哈,可能係俾Mr. Dolphin用筷子夾中指夾得多,所以不其然伸咗出嚟!XD

      刪除
  3. Please place the finger in the middle <--- I don't blame you on that one. The instruction was unclear. It should have said "Please place the THUMB in the middle."

    I am sooooo jealous of all the snack food you got :)

    回覆刪除
    回覆
    1. 我都有同感,而其實個screen有示範如何做,問題係佢嘅做法係同時將兩隻手指公放到scanner上,所以我就更加唔明!^^"

      今年去亞洲嘅機票平咗好多呀,不如妳都去一轉吖!:)

      刪除
  4. 回覆
    1. 係呀,望住呢座零食山真係幾鬼興奮,如果座山有自動refill功能就好啦!:D

      下一站咪又係香港囉,哈哈,依家開始寫12月再返香港嘅事啦!

      刪除
  5. 其實妳返香港都算密,我就真係唔知幾時至會返香港

    回覆刪除
    回覆
    1. 咁啱呢兩年多DD啦,平時多數4-5年到返一次,總覺得返得太密會無咗wow factor,但太耐無返又始終會心思思。咁妳通常幾耐返一次到架?

      刪除
    2. 我再上次返香港係2012年頭,相隔咗三年半

      刪除
    3. 咁都唔算短時間,係時候要plan下幾時再返下去呢!:)

      刪除
  6. 中指、好色, 妳地真係超搞笑又可愛, 期待妳地再返黎帶俾我地更多歡樂呀!!!

    回覆刪除
    回覆
    1. 哈哈哈,如果妳要成日對住我就可能會覺得好嘔血啦,有時Mr. Dolphin對住我欲哭無淚時,我都會話你咪當呢個係“EQ訓練型”囉!XD

      我都好掛住妳哋呢!下次計劃返嚟一定盡快通知大家!

      刪除
  7. homesick=好色?哈哈哈...咁所有男人都係既,唔止Mr. Dolphin既
    妳可以有一排都唔駛買零食啦

    回覆刪除
    回覆
    1. 哈哈,但當時佢用一把好委屈嘅聲線問我做咩話佢好色,佢可能唔多同意喎!XD

      其實已經清咗好多啦,好在之後再返嚟嗰次有補下倉咋!

      刪除
  8. 哈哈,我都笑左,homesick=好色,嘩哈哈~~~~
    海豚兒喜歡吃翠華 ? 我都喜歡啊,你有冇問侍應拎多D煉奶啊 ?
    我次次都問侍應拎,倒入個奶油脆豬度,勁好味...愈多煉奶愈好味....嘻嘻....

    回覆刪除
    回覆
    1. 係啦,都唔知點解佢會聽咗D咁嘅嘢出嚟都有!^^"

      鍾意呀,貪佢奶茶唔錯之餘又有美味早餐選擇!加煉奶呢個提意又幾好喎,等我下次返嚟又試下先至得!

      刪除
  9. Aiya!!你做乜去機場食翠華呀?機場翠華難食又貴,我只會去翠華買餐茶。

    回覆刪除
    回覆
    1. 呢間喺入閘前,味道正常之餘,價錢都同平時嘅一樣喎! 入閘後嗰間我都無幫襯好耐啦,廢事俾D喼碌腳呀! ;P

      刪除