2016年1月4日星期一

拾。婚。之旅 ~ 香港 Day 3 & 4: 停不了的聚

<<香港 Day 3>>

第三天的行(食)程很忙碌啊!

早餐在酒店解決,海豚兒只以揸流攤方式意思意思地吃了丁點,便出發與blog友Olivian吃第一場午餐了。




Oli好有心思地揀了Island Gourmet讓海豚兒可以同時享受西餐之餘也能品嚐到夏宮星級點心,至於美味的甜品就當然更加不能少啦!






回想去年才第一次正式見面,今年再見,彼此感覺也熟落了許多呢,原因嘛,可能是因為大家的家人中也有做某類型古怪生意吧!哈哈,這當然只是我倆説説笑的原因,能交心應該是因為大家也不介意把自己的經歷和感受説出來吧!


其實海豚兒真的覺得自己好幸運,遇上的大都是好人之餘亦對海豚兒有能人所不能的耐性。就像這天,心地好的Oli打算教海豚兒搭叮叮去回合第二場午餐的友人,可是對中環一點都不認識的海豚兒,無論Oli説出任何地標也只懂搖頭以示不知道,印象最深是她問海豚兒知道那兒是中環街市時,海豚兒竟然九唔搭八地答"係咪好似西環街市咁架?"難得Oli頭頂不但沒有烏鴉飛過,還可以繼續泠靜地教海豚兒搭電車。XD

第二場午餐是和海豚兒在羅省念書時認識的最要好同學。聽着聽着她這些年來的經歷,海豚兒真心覺得,女人嘛,真的最怕嫁錯郎。希望事情能早日解決啦!





吃完兩個午餐,海豚兒就和Mr. Dolphin在中環地鐡站會合,然後一起去參觀新的三個地鐡站和附近的地方咯!

包括堅尼地城海旁。。。




從未踏足過的香港大學。。。



還有西營盤及海味街。。。



做完三小時"游"客,我倆便前往下一站和兩位從前在温哥華教會認識的好友去烚下烚下啦,其中一位好友更把他大方漂亮的妻子也帶來介紹級我倆認識呢!






海豚兒跟這兩位好友混熟的原因很有趣,某年夏天,我們三人每逢星期五晚團契完後定必走去唱K,三個的歌喉也不算好,但那時候就像著了魔似的,風雨不改,每星期也去唱K,到現在,我們三個聽到某幾首歌時,仍然會想起大家,而最不能違忘的當然是“此刻留住我。。。可以嗎”


<<香港 Day 4>>


這天的午餐海豚兒和Mr. Dolphin跟海豚兒家姐居住在香港的6299在剛摘下三星的唐閣飲茶。長輩請飲茶,海豚兒當然乖乖吃不敢拍照啦!;P

下午茶,海豚兒和Mr. Dolphin就試了少爺18,味道也滿好吃啊!:)




至於這天的晚餐,面皮厚厚的海豚兒自覺很有面子啦,blog友劉總在中環的東海薈預先安排好房間及菜色給大家享用,還有Yan帶來給大家分享的美味log cake,衷心多謝blog友們,包括Mandy, Herbert, Fabrice, Maggie, Oli, 和Yan的心思,禮物,和照顧啊!












雖然和這班blog友有些是初見面,更多的亦只是第二、三或四次見面,但海豚兒真的感到這班blog友有多好,能和你們遇上,絕對是海豚兒的福氣啊!

海豚兒一直也很認同親人無得揀,朋友有得揀這説法,自問和親人關系真的不算怎樣,但從小也遇上能交心的好朋友,沒想到在網絡上也能遇上一班啱channel的好blog友,多謝你們讓海豚兒寫blog的路上變得精彩~~~~~


20 則留言:

  1. 返香港見啲Blog友真係好開心

    回覆刪除
    回覆
    1. 係呀,同blog友見面,感覺好有趣,好似好陌生但其實又熟到爆,好正!:)

      刪除
  2. 行程好緊密, 而且見到好多朋友...好開心..

    回覆刪除
    回覆
    1. 因為我貪心嘛,有好多朋友,blog友想見嘅同時,又唔想冷落老公,就算同埋朋友都好,我都堅持每日至少有一餐要同佢一齊食,所以每日lunch同dinner都fully booked,但難得返去,最緊要開心!

      刪除
  3. 我依家絕對做唔到午餐>>下午茶>>晚餐,如果會食下午茶,我多數會唔食午餐喇。

    回覆刪除
    回覆
    1. 哈哈,因為妳連食都“認真”過人嘛!我見妳好多時去旅行都會一餐過,盡情食飽佢,喺食方面,我超貪心但食得唔多,所以每餐都留力,等之後可以有quota食多D其他嘢。我老公都唔知俾我“線”過幾多次,先學精咗,唔再一餐撐咁飽!XD

      刪除
  4. blog 友無國界,相聚一刻,大家都要珍惜友誼啊。

    回覆刪除
    回覆
    1. 係呀,尤其每次見面都唔知下次係何年何月再見,所以每次别離時更覺依依不捨。

      刪除
  5. HAHA...有機會肥人都想BLOG 聚下~
    不過我好怕羞, 第一次見面唔會有好多野講...熟左就...hahahaaa

    回覆刪除
    回覆
    1. 我都算慢熱--->雖然我知呢個形容詞同我好似有D格格不入,但見到blog友時,感覺其實好親切,因為喺blog都成日見到對方update講近況,反而有時見到佢哋嘅小朋友,自己表現太熱情仲會嚇怕D小朋友添!XD

      刪除
  6. 我地真係好o岩channel, 剛o係oli度見到雲來軒篇blog, o係度又見妳講island gourmet同東海薈!! ;)
    8卦下, 三星唐閣的點心lunch好食嗎? :p

    回覆刪除
    回覆
    1. 係呀,睇妳留言,更加令我感觸良多,又諗起妳同我喺尖東嗰幕,哈哈!

      好食架,而且以位上,感覺更加矝貴雅緻!

      刪除
    2. 仲講, 下次妳返黎前, 一定至少提早1個月通知, 等我練跑呀 :P

      刪除
    3. 下次最緊要唔好比妳知我最尾喺邊度開餐就真,wakaka!

      刪除
  7. 哎呀,個日真係好多謝妳呢^^
    我識到妳都係我福氣,hehe

    回覆刪除
    回覆
    1. 係我多謝妳至真,下次唔準啦!

      最緊要唔係福頭,而妳又唔嫌我騎呢就好啦!我同老公講中環/西環街市嘅對話,連佢都忍唔住笑!

      刪除
  8. 對,雖然現在已是2016年,不過我都好同意,女人真係最怕嫁錯郎...祝福你的朋友啊 ^^
    嗯,海豚兒,我相信係因為你一直都真心待友,所以大家都好喜歡你,遇上好多好友,我也喜歡你喔~

    回覆刪除
    回覆
    1. 我代好友謝謝妳呢!有好多嘢真係唔係必然,所以當我們擁有幸福時,真係要好好珍惜!

      多謝妳呢!^3^ 其實我係嗰種開唔開心都寫喺塊面嘅人,自覺都幾難頂,難得朋友們都唔嫌棄,所以我真係成日都提醒自己要做一個sincere嘅人。

      刪除
  9. 能夠做成好友緣份吧!!感謝上天給我一群真心好友

    回覆刪除
    回覆
    1. 2015年其中一件開心幸福事就係認識到車媽媽、車爸爸啦,我都相信這是我們的緣份!希望我哋將來有更多機會可以開心共聚呢!

      刪除