2016年1月10日星期日

拾。婚。之旅 ~ 香港 Day 7: 從小便認識的友人聚 (新麻蒲。中村藤吉。滬江)

<<香港 Day 7>>

之前一直恨食韓燒,終於這天午餐就去了旺角的新麻蒲解決。





結果嘛,不曉得是沙律的錯,前菜的錯,還是海豚兒的錯,在甜品來到之時,海豚兒嘅肚仔已經無法開心起來,從這天起,每天也肚疴直至離開香港那天,肚仔才好起來。雖然每天與厠所結盟,但仍無損海豚兒“吃”的心意,當然亦要感激行事小心的Mr. Dolphin在這三星期行程中,每天也鞭策海豚兒啪下醫生建議的probiotics,所以Mr. Dolphin和海豚兒的情況才不至於太壞。^^"


來到下午茶時份,海豚兒更去了中村藤吉吃日式甜品,挑戰肚仔極限呢!或許是味蕾已被東京的甜品店寵壞了,我倆對這兒的食物也沒有太多驚喜,焙茶雪糕甜品不錯,但栗子芭菲就一般般啦。用餐時遇上最有趣的事莫過於隔離枱的日本客人用日語詢問剛送到枱上的是那一款冰,因為他們二人也點了近似的刨冰食物,侍應却意圖用中文交談,最後大家也是要改用英語對話才溝通得來。



其實想起來也滿有趣,在香港許多時候入到日式餐廳,店員也會以日語歡迎食客來臨,但當食客嘗試以日文溝通,却原來是不可行的。;P

吃罷這餐,Mr. Dolphin就陪海豚兒去和幾位從前在香港教會認識的好友吃晚飯,其中一位是契老豆,另一位算是半個教父,還有一對夫婦。這對夫婦中的妻子是海豚兒從前在團契生活三位最要好朋友之一(另一位是海豚兒間中也會在blog提到同樣在多倫多生活的小學同學,還有一位也曾在blog介紹過,是海豚兒自三歲便認識,現居於羅省的好友~~~~~對!Mr. Dolphin基本上已認識了許多海豚兒小時候的好友!),而那對夫婦中的丈夫跟海豚兒的緣份就最奇妙。我倆念同一間幼稚園、小學,返同一個團契,但對大家的認識就只限於對方的名字。能成為好友,也許是因為大家也因着不同原因移居到温哥華,返同一間教會及團契(所以他跟Mr. Dolphin也是認識的),還有海豚兒跟他當時的女朋友即現在的妻子也是好朋友。他鄉遇故知,很自然地我倆變成無所不談的好友。

最初決定和他們飯聚,其實海豚兒也擔心Mr. Dolphin會不習慣,亦害怕朋友變得陌生,尤其從温哥華回流香港的朋友如今已經是一位靚仔牧師,話題又會是怎樣呢?還好一切都是自己想得太多,朋友就是朋友,沒有因為時間或工作上的改變而影响了友情。:)

這晚餐在尖沙咀的滬江解決,味道就比較傳統啦,沒有甚麼驚喜!無計,在座中,有痛風,有血壓、膽固醇高,又有大肚婆,本身可以叫嘅食物已經唔多,嘻嘻!和友人吃飯,大家也爭分奪秒吹水,所以海豚兒也沒有影太多食物相啦!




回到酒店,還收到温哥華靚女好友的窩心禮物。之前在自助山吃飯時談到頸紋問題,想不到她這麼快就給海豚兒送來好物一枝,希望頸紋真的可以淡化啦,嘻嘻!


14 則留言:

  1. 最緊要係同好友一齊暢聚,最咩都無所謂

    回覆刪除
    回覆
    1. 係呀,呢餐飯真係笑料百出,Mr. Dolphin都好enjoy!

      小聲説,好在我食咗下午茶打咗底,所以食乜都無所謂!

      刪除
  2. "但當食客嘗試以日文溝通,却原來是不可行的" <---哈哈,又係喎,你說得對 XDDD
    頸紋,聽講好難攪的,海豚兒用了有效嗎 ? 我都覺得自己頸紋深,美容師同我覺話頸紋係遺傳啊,嗚....><"""

    回覆刪除
    回覆
    1. 未遇到隔離枱日文食客之前,我都無諗過呢個問題/情況架!

      其實我之前都有搽開第二種cream,都係唔多有效,呢支油我試咗兩個禮拜,暫時未覺有分别,用多一排,遲D再同妳滙報!;)

      刪除
  3. 個個都戒口,又走去食上海嘢,真係幾攪鬼。

    去旅行肚痾好慘呀,仲要攪祝咁多日,我一定無哂心機。

    回覆刪除
    回覆
    1. 地點係大肚婆提出嘅,因為嗰度交通方便(喺isquare對面),而佢應該唔知其他人嘅問題,哈哈!其實最橙係痛風嗰個,因為上海嘢落大量豉油(含豆),好在佢無乜所謂!

      好在我食咗probiotics,痛苦已經減輕好多,而且我又會好阿Q咁諗,豈碼好過疴唔出,頂住哂嘅感覺仲難受。

      刪除
  4. 妳唔講真係完全想像唔到妳有頸紋! 希望膏到紋除!

    回覆刪除
    回覆
    1. 因為妳同我見親面嘅第一焦點就係食,食完就比拼豬腩肉,仲邊樹得閒睇頸紋吖,哈哈!XD

      我用咗支油兩個星期,暫時未見“起色”,等我再試耐D睇下先!

      刪除
  5. 識朋友一次生兩次熟,傾開了話題就不會生喇。

    回覆刪除
    回覆
    1. Samwei有所不知,外子比較內斂,一向唔容易同人混熟架,妳睇佢從來唔出席我同blog友聚會就知啦!XD

      至於我就只怕話不投機啫,還好,好朋友始終如一!

      刪除
  6. 回覆
    1. 妳實在對我太善良啦!

      下次返嚟一定要請妳食勻早午晚三餐至得呢!

      刪除
  7. I got tons of wrinkles on my forehead but none on my neck. Wonder if it's because I wear a scarf as an assessory almost all year round.

    回覆刪除
    回覆
    1. 如果後生就開始額頭有紋證明妳太用功+用腦呢,成日諗嘢時不自覺“翁”起個額頭,唔多用腦嘅我,近兩年至開始有,所以我前面有留蔭遮返住,哈哈!

      我都成日有用絲/勁巾架,但條頸都係咁災爛,咁妳真係要好好保養啦!

      刪除