2016年1月12日星期二

拾。婚。之旅 ~ 香港 Day 8 & 9: 更多難忘的友人。親人。blog友聚

<<香港 Day 8>>

這天的午餐在Dazzling Cafe解決!對海豚兒來説,意粉很好吃,厚磚多士也不錯啊,但奈何Mr. Dolphin却吃得一肚氣,大家能從照片中感到他的怒氣嗎?XD




  
首先,Mr. Dolphin很不滿店員明明過了十二點(營業時間:12-9),卻只顧在店內聊天,而不讓客人準時內進,更甚的是,因為店員只會説國語,Mr. Dolphin根本聽不明店員説甚麼,而無論他用廣東話或英語,店員也聽不懂他的要求,而海豚兒也幫不上忙,沒轍!;P

總之這餐就是Mr. Dolphin一路生氣,海豚兒一路享受食物咯!

下午茶時份,海豚兒當然要去Sweets House Cha Cha嘆番個牛奶味雪糕啦!




時間一轉就來到晚餐時候,這天的晚飯海豚兒和Mr. Dolphin相約了海豚兒的姨丈姨媽,本來海豚兒想跟他們去自助山,但難得他們"有要求"想翻兜The Greenery,那就當然是去這間啦!








老實説,這兒的亞洲食物又的確有他吸引之處,可惜甜品除了好吃的tiramisu之外,海豚兒就沒有其他心水了。





 

<<香港 Day 9>>

又是跑了兩場午餐的一天。這天和兩位温哥華靚女好友用餐,其中一位是上次因事缺席自助山晚餐,所以大家專程再約一個時間吃lunch咯!

這天吃的是平日午市Simplylife的lunch menu,味道依然出色,估唔到連他的綠茶乜乜乜甜品也同樣出眾!





至於第二場就是和blog友愚太再聚啦,來到這餐,海豚兒經已吃不下,所以也沒有拍照。又懶又粗心大意的海豚兒臨時臨急才相約見面,難得愚太也很大方,一口便答應。長氣也要多説一片,blog友間的友情真的好微妙,雖然只是第二次和愚太相見,但大家也願意跟對方説些心底話,那感覺實在太正啦!

可惜海豚兒這天時間真的安排得太差,既不能跟好友、blog友相聚更長的時間,同時也是行程中唯一一天完全沒有陪Mr. Dolphin吃午餐或晚飯,亦因為臨急要Mr. Dolphin來跟自己會合,害他只能求其吃了個難食午餐。^^"

逛一陣後,海豚兒就借D耳請Mr. Dolphin陪自己去之前跟愚太吃飯的元氣一起吃點東西。大家看到以下的食物已經是第二輪,可以想像到侍應第一次拿着同樣的食物時,一時滑手,全數向着海豚兒方向打翻了麼?而最奇妙的是出名反應遲鈍的海豚兒竟然避得開,真夠運呢!成功避開後,海豚兒還連説了“好彩避得到啫”不下十次。




再之後,海豚兒和Mr. Dolphin又再分道掦鏢,各自和blog友及朋友吃晚飯咯!

海豚兒自覺今晚好叻女,成功靠google先生帶路找到餐廳~雲來軒。




而全靠劉總的面子,這晚除了有預先安排的菜色,更有獨立貴賓房呢!



 一開波首先有Yan帶來分享的美味日本手信,謝謝妳啊!




而這晚的菜色很多也好好吃啊。








海豚兒特别喜歡當中的懷舊鬼馬龍皇卷,好吃程度就是連blog友們也看見海豚兒不顧儀態地夾完又夾,食完又食,嘻嘻!而最頂癮的地方是海豚兒當時其實不曉得這是什麼來的(汗!),只知道外層脆脆,內裡有些彈彈彈牙蝦膠,再配以甜酸汁--->賣飛佛!就覺得好好食囉,直至在blog友Maggie的blog才知道原來面層是油炸鬼。。。噢!blog友們,特别是劉總,請原諒海豚兒單純的白痴啦!;P



多謝各位blog友: Maggie, Mandy, Oli, Yan, Fabrice, Herbert, Thomas, 還有小晴晴請海豚兒吃這頓晚飯呢!真的太破費啦,下次真係唔好咁客氣啦!

吃完晚飯,時間尚早,我們一行人就去了Holly Brown吃雪糕。其實當時大家已吃得很飽啦,不過blog友們好好依然留下來陪多海豚兒一陣,傾下講下,好sweet呢。。。




來到説再見的時刻,海豚兒做了一些挑戰大家忍耐力的事。。。長話短説,海豚兒和Yan在無懼幾廿對途人觀看中上演了一幕奪命狂奔記,而Oli, Thomas, Maggie, 和Fabrice則無耐地從老遠看賽果。雖然這樣道别確是有點騎呢,但騎呢就正是大家認識的海豚兒啊!XD


多謝各位對海豚兒的包容!

18 則留言:

  1. 諗起妳跟Yan喪跑那幕真係笑到肚痛^0^

    回覆刪除
    回覆
    1. 隔咁遠我唔知妳聽唔聽到,其實我一路跑把口仲一路亂“up”24緊,無俾差人當我啪葯捉我返差館已經算好好彩啦!XD

      刪除
  2. Mr. Dolphin唔識聽國語?咁妳應該教下佢啦
    妳就好啦,食到Dazzling Cafe,我仲未食過呢,因為每次去到都派完抽

    回覆刪除
    回覆
    1. 我哋兩個係海軍鬥水兵,禾又典教佢呢!

      原來仲係咁巴閉架!早知約妳嚟呢度食,我去攞位先,然後等妳嚟翻譯加點菜,嘻嘻!講真吖,如果呢間要等位嘅話,我情願揀HeSheEat,仲多D嘢啱食!

      刪除
  3. 店員只會説國語 <-- tailored to 國語 speaking customers?

    回覆刪除
    回覆
    1. 因為呢間店係台灣過江龍,店方話專登請台灣人嘅侍應,意思應該係令食客覺得更地道同有誠意,但Mr. Dolphin就覺得啱啱相反,有乜理由舖開喺香港但要食客bend over backwards去遷就員工囉!

      刪除
  4. 回覆
    1. 返香港食當然重要啦,但相信Samwei同海豚兒一樣,更重要係把握時間與各方友好多見幾面,可以傾下計就最開心!

      刪除
  5. 又唔俾準時入,又唔識廣東話,點解唔走呢

    回覆刪除
    回覆
    1. 哈哈!講得好啱呀!如果係Mr. Dolphin自己嚟,佢一早已經走咗啦,絕對唔會留低受氣,奈何佢有個為食到莫視老公不滿嘅老婆無諗過走呢,咪唯有留低囉,哈哈哈!

      刪除
  6. haha, 見到Mr Dolphin叉哂手呀!
    的確雞同鴨講好無奈o既, 不過咁樣的話, 妳地去台灣旅行機會都唔大啦! 佢地的英文都好麻咋!

    最後睇妳寫返我地勁跑事件, 我又要抽時間去練跑啦.....!!!!

    回覆刪除
    回覆
    1. Give me 5!已經不滿到橋埋手啦!XD

      若果去台灣,佢又反而唔會有咁嘅反應,正因為間舖開喺香港,佢覺得有乜理由要食客遷就店員講國語,佢至一把火!

      唔準練呀,妳快D俾妳地址我就真呀!;P

      刪除
    2. 咁樣樣, 如果真係去台灣, 妳要擔任埋翻譯, 會唔會太辛苦?
      可以考慮請埋我去分擔下workload, 仲有大食MC去增強食力架 :P

      跑步講下啦, 依2個星期係咁落雨, 都擔心老公聽日渣馬呀....

      刪除
    3. 我邊有資格做翻譯吖,妳唔怕"辛苦"肯兼任埋導遊就更好添啦!;P

      嘩!真係快呀,我記得11月返嚟食飯時至講起報名,原來已經完成咗,希望一切順利吖,等我陣間上fb睇妳update先!;)

      刪除
  7. 每次能與你見面,既珍惜又開心,感激你每次都騰出時間給我,又送我禮物,很有心。

    回覆刪除
    回覆
    1. 好開心妳肯出嚟呀,雖然時間好短(都是我的錯!),但能夠無保留地傾計,感覺太爽啦,下次我一定會安排得好D。

      其實係我要多謝妳又出嚟又送禮物俾我至真呀!:)

      刪除
  8. 我感覺到Mr. Dolphin 股怒氣呀!! XDDD
    但我同意你先生的想法...在香港呀,應該國語廣東話都要應付到至qualify 來打工...要顧客就你...唔啱

    回覆刪除
    回覆
    1. 哈哈,太開心啦,又有人睇得出!以我嘅攝影技巧,如果佢唔係有十個怒,我係無可能會捕捉到架!;P

      跟據餐廳貼喺門口嘅温馨提示,店員雖不會説廣東話但也懂得聽,問題係我哋唔知佢"up"乜嘅話,根本唔知應該俾咩反應佢。雖然Mr. Dolphin喺香港土生土長,係真。香港人,但佢讀嘅學校就係從來無教過國語,所以佢真係唔識,估都估唔到咁多架!^^"

      刪除