2016年2月29日星期一

好又一餐,唔好又一餐?

常言道 "好又一餐,唔好又一餐?" 海豚兒覺得嘛最好唔好啦,希望“好又一餐,唔好就食多餐"至啱心水啦!XD 又當然,好是不等如貴,海豚兒只是想吃到喜歡的食物而已。:)

經過一月份“揾食”上嘅錯敗,海豚兒和Mr. Dolphin依舊四出覓食。雖然二月份外食次數不算多,但難得質素也比較好。

一月份最尾的星期六,甜品早餐照常營業,我倆覆桌了好吃的甜品店,只是這店子距離海豚家路途遙遠,所以Mr. Dolphin和海豚兒也不常來。這次Mr. Dolphin還心血來潮買了一條蘋果酥外帶回家翻熱享用呢!



來到星期日,懶洋洋的我倆就隨意幫襯商場內的連鎖咖啡店,質素就普普通通啦,主要因為兩份本該熱吃的三文治也不夠熱,這可是吃東西的大誋啦!



然後在上班的日子,偶有一天比較閒(... ...現在比以前忙多了,職位沒變,但工作性質就跟從前有些不同,工作需要每星期也要外出一兩天,而回到辨公室的日子亦依舊要完成累積下來的工作... ...),海豚兒便襯午餐後閃去日式店子買了件綠茶紅豆madeleine 配上一杯green tea latte,這個不敗的組合,何時何地也這麼美味。



很快又到新年,今年的團年飯也像以往一樣跟小學同學一家渡過。這晚很冷,我們去了吃煲仔飯加小菜,不過海豚兒這晚心情大喜,連拍照也忘了,原因嘛,這年夏天小學同學將會第三度請海豚兒吃薑醋蛋啦!已有一子一女的小學同學本身有兩個弟弟,所以也想自己的家庭熱鬧一點,因而決定生三個小朋友。這樣真好,豈碼將來又會多一名懂廣東話的小朋友在多倫多成長咯!:)

跟去年一樣,這年的情人節也是剛好遇上長週末,海豚兒本來打算和Mr. Dolphin去市中心走一趟,只可惜這週末剛好撞正嚴寒警告,最低温度只有-25度,體感更低至-37度,所以我倆也放棄了乘公共交通工具的念頭,反傳統開車去唐人地方嘆下靚點心。

可能“餓”了有水準的點心太久,這天我倆共點了十一款食物,雖然其中一款漏了單,但吃剩的打包後還足夠我倆食多一餐,真誇張!



其實這酒樓的點心真的不錯唯獨是這已經是第二次我倆的車子在停車場被人家的車撞花(hit and run),雖然情況不算嚴重,兩次也是甩了少許油漆,但對這兒的食客就真的不太有好感咯,也難怪我倆甚少到唐人地方飲茶。^^"




雖然這天的午餐吃到肚滿腸肥,但難得去到唐人地區,海豚兒肚皮多脹也不想錯過一杯港式奶茶,外加一份黑椒味雞蛋仔作下午茶,哈哈!

22 則留言:

  1. 我老公都唔太鍾意去我家附近兩間亞洲人超市,就係因為亞洲人同新移民駕駛水準同泊車水準太差,而且自私,購物車又亂放,所以好多時有同事問我想唔想搬去加州,我自己都第一時間say no,日日都激死都似。

    回覆刪除
    回覆
    1. 完全明白並同意妳老公唔鍾意去嘅原因。唉!好似我同老公真係唔捨得無亞洲嘢食,為咗食,所以簡中都要去唐人地方折磨下自己加訓練下忍耐力咁,但我都幾surprise妳家附近嘅亞洲超市都有新移民去,我會以為佢哋會聚居喺北卡較多華人嘅城市,原來亞洲人同新移民都幾無處不在。

      刪除
    2. 基本上無香港人,但有其他亞洲人、大陸人,總之都係亂揸車嗰啲啦。

      刪除
    3. 咁如果妳自己揸車嘅話都要小心D呀!

      刪除
  2. 港式奶茶點都係香港好飲

    回覆刪除
    回覆
    1. 呢度嘅水準雖然不及香港,但都可以頂下癮嘅!如果妳嚟開呢頭玩,我同妳去試下吖!

      刪除
  3. 黑椒味雞蛋仔? 好特別喎!
    我覺得第1-2張相中的泡芙粒甜品勁吸引呢~~~

    回覆刪除
    回覆
    1. 黑椒帶D香味而雞蛋仔又甜甜地咁,都ok架!

      Yeah!!! 我哋口味真係夾架,嗰個其實係st. honore,亦都係我當日嘅主食。:)

      刪除
  4. 每次睇妳D相,我覺得妳餐餐都好喎,哈!

    回覆刪除
    回覆
    1. 哈哈哈,最唔好應該係喺屋企嘅自家煮,所以從來都唔post出嚟嚇人。XD

      刪除
  5. LUNCH 睇到你卜, 真心唔想再食自己個LUNCH BOX, hahahaaaaaa
    -37度....好好好好好好凍呀!!!

    回覆刪除
    回覆
    1. 我咪又係,之前睇妳嘅韓國遊記,我堅係想去旅行呀!;P

      -37度真係堅凍,好在今個冬天到依家為止,多倫多最凍都係嗰個週末啫。

      刪除
  6. "最低温度只有-25度"~~~哇,好驚呀~~~
    香港一、兩度已經覺得好涷好涷好涷好涷了,想像唔到-25度會點><"""~~~
    海豚兒要TAKE CARE喔 ^^

    回覆刪除
    回覆
    1. 多謝Samsam! ^3^

      其實真係好凍架,因為當-25度遇上寒風,感覺上已經係-37度架啦,好彩係呢度室内有暖氣,只要留在室内,都唔會太辛苦,唔似香港咁無論室内室外都要着好多衫但又依然好凍!

      刪除
  7. 回覆
    1. 呢個都算幾有特色,之前試過佢嘅芝麻味反而一般,可能因為我以為佢會將芝麻醬溶落蛋漿,而其實係雞蛋仔中間有粒粒芝麻,所以芝麻味唔係好出。

      刪除
  8. 睇到我好肚餓呀!
    Green tea latte, 港式奶茶,正呀!

    回覆刪除
    回覆
    1. 妳近來點呀? 希望妳可以襯媽媽喺度陪妳嘅時候,有多D休息嘅時間啦,等遲D二號大D,妳就可以出動去嘆下latte同奶茶啦!

      刪除
    2. 最近都係專心湊仔呀。依家餵人奶,唔敢飲有咖啡因㗎嘢,好掛住綠茶奶茶啊!

      刪除
    3. 果然係好媽媽!頂住呀!BB健康D,做媽媽嘅就最安慰,到第時掛揼就可以慢慢嘆架啦!

      刪除
  9. That's why I am always surprised when people drive their brand new luxury cars to Chinatown.

    回覆刪除
    回覆
    1. 可能嗰D人已經係揸咗全屋最cheap嘅車出唐人街架啦XD!突然間諗起,唔單止名貴房車,我朋友細佬十幾年前試過將架beetle停喺温哥華唐人街parking structure入面,飲完茶發現俾人將成架車圍住一個圈咁劃咗條痕。^^"

      刪除