2016年3月25日星期五

掃食週末

明明應該食得清淡D,又明明應該食少D街外嘢,但人就係咁,理想變妄想,事與願違,結果都一一呈現在瞞不了人的磅數裡!^^"

是咁的。。。

一早應承一班同事星期四齊齊食午餐,當然不能推,結果海豚兒也很有節制地只吃了半份三文治,還乖乖的把cream cheese都刮走才吃。




來到星期五,海豚兒和Mr. Dolphin一早相約了舊同事和他的事頭婆這晚一起飯聚,舊同事選了自助餐,我倆唯有捨命陪君子。最辛苦的還是Mr. Dolphin,放工後先要接海豚兒,再去接事頭婆,才去餐廳等較遲放工的朋友來會合,當我們三人抵達自助餐廳之時,Mr. Dolphin從放工起計已開了一個半小時車,還好這天交通情況大好,暢通無阻,否則便會花上更多的時間在路上。

這晩海豚兒大概吃了以下的食物。。。再多一兩碟到啦!XD





吃了這麼過份的週五晚餐,海豚兒和Mr. Dolphin在星期六早上也乖乖的留在家中吃清淡早餐。到晚上就幫襯了Nando's葡式燒雞快餐店,二人分吃了原隻燒雞餐。其實這餐廳我倆已光顧了許多次,但不知為何,之前就是一直沒有提及,所以襯這篇順便提下啦!不過因為每次也重覆點上一樣的食物,也實在沒有甚麼值得記錄呢!



本來海豚兒打算星期日早上留在家中吃三文治作早餐,但因為之前某一天Mr. Dolphin在電視劇裡看見人家吃白粥油條作早餐好羨慕(汗),所以這天海豚兒就和Mr. Dolphin去食中式早餐來滿足他的亞洲胃咯。這天早上我倆吃了。。。

皮蛋魚片(肉)粥,芽菜仔炒麵,咸煎餅,油炸鬼,和齋腸粉。



食物除了油一點外,味道不錯而且價錢也很親民,五碟食物連税未加小費才$17加元,只可惜海豚兒之後有味精反應,除了口喝外還頭痛呢。而更更更大鑊的是,吃罷這一餐,只計這一餐,海豚兒和Mr. Dolphin也各自重了幾磅呀。。。oh no ,真的超級晴天pig pig呀!T_T

這故事教訓海豚兒將來看見白粥油炸鬼這邪惡之仕真的要懂得say no啊!哈哈哈~~~

16 則留言:

  1. 又咸煎餅又油炸鬼,緊係重幾磅啦!俾我即使兩個人都可能只係會叫炒麵腸粉加碗粥。

    我最近都要減磅呀,唔知係咪食得太多唔同藥嘅關係,覺得易肚餓想食多啲,計埋呢個冬天依家有102磅,我想減翻肚腩多出嘅3-4磅。

    回覆刪除
    回覆
    1. 我哋嘅口味唔同嘛,佢鍾意食粥麵同油炸鬼而我就想食腸粉同牛利酥(但見小店逢週末至做咸煎餅,我就即時轉呔改成咸煎餅),所以咪叫到一枱喺囉!^^"

      大家一齊努力減磅啦,希望妳春天前有成果!我覺得肚腩最難減嘅原因係郁動得唔夠多,喺我越懶越唔願郁時,個肚腩就最堅挺,所以真係要郁多D至得!

      刪除
  2. The chicken from Nando's look yummy.

    晴天pig pig <--- lol! Let me know if you find a way to get rid of belly pooch besides dieting!

    回覆刪除
    回覆
    1. Nando's燒雞喺呢度都算平同抵食,不過我唔食得辣,通常揀lemon & herbs咋!

      哈哈,做好多好多運動或者行好多好多路算唔算呀?XD 我真係要的起心肝啦,因為已經趕唔切啦啦啦~~~

      刪除
  3. 我回英國差不多一星期,日日都勁食,食得犀利過在香港時,又無做運動,好快又爆標了。

    回覆刪除
    回覆
    1. 我估妳除咗返嚟參加婚禮,梗係同老DAD帶咗好多手信俾親友,所以個個爭住請妳食啫!唔緊要啦,依家過埋Easter,可以鼓起勇氣食番清淡D同做番D運動,大家一齊加油呀!:)

      刪除
  4. 兩個人去食粥都叫咁多嘢,勁呀

    回覆刪除
    回覆
    1. 嘻嘻,我哋嘅心態係既然今次食唔哂想食嘅嘢,好快又要再嚟過,倒不如一次過叫哂想食嘅食物好過啦!:D

      刪除
  5. 可能,個磅壞左呢!Hahahaha

    回覆刪除
    回覆
    1. 妳知嗎?有時我輕咗,為咗求正個磅無壞到,我會問下Mr. Dolphin磅數有無上落,如果佢磅數無變,我就會勁得戚咁同佢講,我諗個磅壞咗呀,通常都激到佢C!XDXDXD

      刪除
  6. 妳一想起我便不會晴天pig pig架喇

    回覆刪除
    回覆
    1. 點會呢!車媽媽喺屋企食得健康又有節制,我最大問題就係返到屋企,把口都無時停嘛!

      刪除
  7. 又話要去旅行前食清D -_-
    自助餐甜品食咁少既?
    原來妳食味精野會頭痛架?

    回覆刪除
    回覆
    1. 係囉,擺明係講一套做一套!啱啱食完lunch,我依家開始的的起心肝乜都唔食直到... ...直至今晚晚餐啦,哈哈!

      呢間自助餐甜品質素好一般呀,廢事徙太多quota啦!

      以前唔覺架,係近年先係咁,真係想扮年青都唔得啦!;P

      刪除
  8. 事頭婆係咪老婆咁解~? hahaa

    哎呀....減肥好難受引誘架, 越唔食得就越想食架啦!
    不如試下做多d 運動去代替節食呀, 又健康d呀!

    回覆刪除
    回覆
    1. 係呀,事頭婆喺我舊同事老婆,亦即係話事人,所以叫佢做事頭婆囉!;P

      我都明呢,但我就嚟去玩時間無多嘛,唯有盡力而為啦,雖然我琴晚又已經食大咗(汗)!依家希望戒澱粉質救亡啦!

      刪除