2016年6月27日星期一

蒲頭鳥

海豚兒失蹤了個多星期,終於蒲頭鳥!上個星期真係堅忙,忙到連睇blog時間都無,依家總算係回歸返海豚兒嘅懶人生活啦,嘻嘻!

回看上一篇,終於寫完四月份嘅遊記啦,雖然等到天荒地老,但説好的KLM賠償還未出現啊,只好繼續耐心等待吧!

在執筆寫這篇博文時,海豚兒不得不讚一下手機的偉大!沒有他的上網功能,海豚兒根本不能騰空寫點東西,沒有他的內置相機,海豚兒亦不能拍下這麼多照片,在記憶淡忘後亦可以靠照片提醒,然後跟各位分享生活點滴!

旅行回來後,Mr. Dolphin和海豚兒多請了一天假,早上先吃個甜品早餐,然後再去銀行把用剩的捷克錢兑換成加元,晚上隨便吃了雲呑和水餃麵,便早早休息,準備之後上班的日子啦。





到週末時份,也只是"輕輕鬆鬆鄧梓峰"地渡過,印象最深莫過於吃了一個滿好吃的魚鬆雞蛋仔配黑芝麻雪糕,這鹹甜配的組合超棒,海豚兒極愛呢!



然後某天上班的日子忙完公事後,海豚兒決定要去嘆返個一人前,結果選了好好味的軟腳(殼)蟹burger,把這個burger留作comfort food之用,實在是最合適啦,好吃好吃!



之後的週末,我倆挑了一間多倫多市中心滿出名的西餐廳 ~ George Restaurant來吃晚飯,這兒由服務到食物水準也十分的好,在這兒用餐,除了荷包有點內傷之外(汗!),真的是一個很好的經歷。





這晚Mr. Dolphin和海豚兒各自挑了七道菜的tasting menu ,而其中的一個驚喜位就是厨師會為食客做出由頭盤到甜品也完全不一樣的菜式給我倆品嚐,即是説我倆共享了十四道不同的菜式,這個安排真的超正呀!更重要的是,全部食物也賞心悦目之餘,味道也的確出色,唯一得不到海豚兒欣賞的就只有兔肉,海豚兒真的嚥不下那陣膻味,不過這絕對是個人吃不慣的問題而已啦!










整體來説,海豚兒和Mr. Dolphin也認為這是近年在多倫多嚐過最滿意的fine dining experience啊!

22 則留言:

  1. 回氣未呀??哈哈!!!

    七道菜的tasting menu...好精緻呀...會唔會唔飽呀?
    軟殼蟹burger好特別呀~!

    回覆刪除
    回覆
    1. 好返好多啦,希望襯今個週末再補眠下,抖多D添啦!

      呢餐真係又靚又好食,每碟份量雖然唔算大但加起嚟都幾多,我有好幾味都要靠老公清碟呢!

      呢個軟殻蟹burger真係幾正,我簡中都鍾意食下。:)

      刪除
  2. 歡迎歸隊!!
    我過黎時,妳帶過去食呢幾間野,除左雲吞麵外

    回覆刪除
    回覆
    1. 多謝妳呢!

      妳過嚟時,我梗係唔同妳食雲吞麵,一定係日日食水餃麵啦,好味D嘛,哈哈,講笑啫~~ 放心,我一定同妳去食好西嘅!

      刪除
  3. 回覆
    1. 多謝Maggie! 係呀,雖然我好懶,但依然唔捨得掉低大家太耐,嘻嘻!

      刪除
  4. 食好野真係開心, 忙完就同我地多D吹水啦, 掛住妳架~~~

    回覆刪除
    回覆
    1. 係呀,食到D啱口味食物,心情都好D!

      見到妳blog同facebook略略提過嘅事,雖然唔知詳情,不過都估到係可以歸立入廢人廢話事件簿之內,無論如何,我撐妳!好好享受週末呢!

      刪除
  5. 加拿大點心分分鐘好食過香港

    回覆刪除
    回覆
    1. 多倫多點心普通D啦,温哥華某D餐廳會好過香港就真係唔出奇!

      刪除
  6. I am too cheap for fine diners.

    I ate rabbit once when I was eight. My uncle cook it and told me it's chicken. I was sad for days...

    回覆刪除
    回覆
    1. 我哋都係一年會去兩三次到咋,主要係襯生日、結婚週年俾個藉口自己食好D嘛,嘻嘻!

      噢!呢個情況我都好怕,知道而肯食就無問題,咁樣俾人呃而食咗真係好唔好受。我以前食田雞都係咁,之後就完全唔肯再食啦!

      刪除
  7. 我仲驚你身體抱恙添,都好,只係忙。

    快啲去睇翻我之前寫嗰篇個video大合唱啦,巧感動架。

    回覆刪除
    回覆
    1. 多謝妳呢!我都會好似妳咁,有時耐無見blog友update,都會擔心對方係咪有事。^^"

      睇咗啦,依家等睇埋妳餘下嘅港澳行遊記。:)

      刪除
  8. 多倫多美食多, 份軟殼蟹burger很有睇頭,我鍾意呀

    回覆刪除
    回覆
    1. 哈哈,妳第一句好壓韻呀!

      份軟殼蟹burger真係好正架,尤其佢個炸漿有微辣,食落特别惹味!

      刪除
  9. 一早就食甜品,都唔係太接受到

    回覆刪除
    回覆
    1. 我反而一早起身最食唔到肉,而且食甜對我嚟講就好似人哋飲咖啡奶茶咁,有提神作用架!:)

      刪除
  10. 返來啦,yeah....^^
    哇,個西餐好靚呀,每一道菜色都好靚呀 ^^

    回覆刪除
    回覆
    1. 多謝妳呢,其實我都好掛住大家架!

      呢餐真係好正,其實兩三年前Mr. Dolphin已經提意過同我嚟呢度食,但又夾唔啱時間,今次終於可以一"嚐"心願,真係無揀錯呀!

      刪除
  11. 好彩只係忙,唔係係病就好喇:)
    魚鬆雞蛋仔配黑芝麻雪糕呢個配搭真係好新鮮喎,有機會都想試吓

    回覆刪除
    回覆
    1. 多謝妳呢!:) 好在身體一向無咩大毛病,只係人比較懶D啫,嘻嘻!

      呢個鹹甜配嘅雞蛋仔我都幾鍾意食,而其實由細到大我更鍾意食夾餅,因為貪佢有多D饀,無咁悶。

      刪除