2016年6月6日星期一

多瑙河之旅 Day 10 ~ 布拉格。隨處逛。隨意吃

晨早啪返個元氣早餐,勁食番個茄汁焗豆,然後就繼續Hop On Hop Off “游”布拉格啦!



是日第一個目的地就是布拉格的皇宮。真係約都無咁啱,來到皇宮剛好遇上換兵儀式,海豚家當然不會錯過,企定定欣賞啦!




當中最有趣的莫過於被Mr. Dolphin發現接更的門亭士兵連上手的太陽眼鏡也一拼接收然後即時帶上,哈哈!但海豚兒覺得這個好像不太衞生囉!^^"





在皇宮的核心外圍胡亂影過一些相後,海豚家便乘Hop on hop off bus去到Old Town Square吃午餐咯!






這天海豚兒挑了另一家網上評語不錯的意大利餐廳和家人吃午飯。



這兒的意粉的確不錯,不過pizza就一般般啦,最後,海豚兒也不敵甜品的呼喚,吃了一件滿好味的tiramisu作結。



吃完午餐,海豚家在附近逛了一會兒名店街就分道揚鏢,Mr. Dolphin爸媽和家姐就去坐Hop on hop off 費用包括的一小時船河,Mr. Dolphin就陪海豚兒去嘆返個古力下午茶啦!



跟據Mr. Dolphin形容,這古力店子超不易找,全靠有地圖app幫助,他才能成功帶海豚兒來潮聖呢!



喝過好喝的濃濃熱古力>>>海豚兒的是Valrhona黑古力而Mr. Dolphin的是用sweetener的黑古力,加一件普通的古力蛋糕後,海豚兒和Mr. Dolphin就折回Old Town Square繼續隨意逛,而最吊鬼的地方是這次Mr. Dolphin完全不用靠地圖app而是全憑海豚兒的認路本領回到Old Town Square (?!海豚兒行路只懂分前後左右,不曉得分辨東南西北!?),而海豚兒這個小本領也是Mr. Dolphin這次無意中發現的!



是咁的,其實海豚兒是毫無方向感亦不懂看地圖,認路只靠途經的店舖,但若果不是Mr. Dolphin留意到,海豚兒也不曉得自己所有認得的check point不是餐廳,咖啡店,超市,就是糖果店(汗!)。。。^^"



既然海豚兒咁叻,當然要奬勵下自己食返杯雪糕順便等Mr. Dolphin坐低抖下啦!休息到差不多時候,我倆就按原定計劃會合Mr. Dolphin爸媽和家姐吃晚餐啦!



這晚海豚家幫襯了海豚兒和Mr. Dolphin之前一晚偷走出來吃古力蛋糕的餐廳。還好,大家也滿意這最後晚餐之選擇,海豚兒亦沒有錯過是次行程最後吃甜的機會,點了一件好吃果撻來作結!:)


 

18 則留言:

  1. 妳係咪足足食左10日茄汁豆呀?請問妳食厭左未呢?
    Mr. Dolphin都會肯跟妳飲朱古力奶?
    我都相信妳會認得路,妳冇方向感啫,但唔係路痴ma

    回覆刪除
    回覆
    1. 我都想呀,但船上得3日有豆食,而喺酒店都係食咗兩日咋,而我又cheap底,平時唔會嚟食,所以未有耐厭,哈哈!;P

      一場去到咁佢到想試下嘅,而且佢都幾欣賞佢嗰杯添。

      喺條街到行緊都ok嘅,不過入咗室內妳再問番我室外嘅方向,我就唔識分架啦!

      刪除
  2. 我十幾年前去過玩幾天,地方很落後,不過當地人很熱情。那時的消費很低,£60 已經可以4個人食一餐六星級的日本料理。

    回覆刪除
    回覆
    1. 今次去喺遊客區唔覺落後,但就見到好多建築物都有共產年代嘅色彩,即係一係單一顏色,一係就用上好多灰調嘅顏色咁呢。

      嘩,咁真係激抵呀!我哋無試fine dining, 隨便食一個5人午餐約50-60€到,都唔算貴。

      刪除
  3. 回覆
    1. 哈哈!妳唔提我都無留意到喎,tiramisu,古力奶加古力蛋糕,雪糕,再加果撻,total4樣啦,返嚟無暴肥都算係咁啦!

      刪除
  4. 嘩,依日的甜胃好滿足呀!特別想飲杯熱古力~

    回覆刪除
    回覆
    1. 呢日真係爽!其實呢,我每逢食到超濃嘅古力甜品都定必會諗起妳架,希望第時再有機會一齊掃甜吖!:)

      刪除
  5. WA....你食左好多甜品呀!
    肥人佩服佩服!

    回覆刪除
    回覆
    1. 原來大家都有留意到,反而我寫完成篇blog都無特别覺,嘻嘻,其實呢,我好多時都覺得甜品比鹹食易入口架,因為聞同睇唔到D油呀!^^"

      刪除
  6. 藍天啊!(絕對證明我唔住得成日grey sky嘅國家!)

    回覆刪除
    回覆
    1. 嚟咗布拉格幾日,呢日真係最好天啦,心情都好D呀!

      咁妳真係唔好搬去Seattle或Vancouver等城市呀,記得以前喺Vancouver住時,連落幾星期雨都係平常事呢!

      刪除
  7. 又係茄汁豆...真係你至愛喎XD
    睇完呢篇blog,發覺Mr. Dolphin原來係個極度細心嘅人,好細微嘅嘢佢都留意到,海豚兒果然無揀錯!

    回覆刪除
    回覆
    1. 係啦,我喺呢個旅行每朝最開心就係發現有豆食嘅日子啦,而雖然鍾意食,我平時又唔會買架喎,好似嚟到旅行筆下筆下先特别好feel咁!

      多謝妳讚賞呢!我又唔肯定Mr. Dolphin算唔算細心,可能係性格加職業病,佢好鍾意分析身邊事物就真!

      刪除
  8. 回覆
    1. 濃濃嘅熱古力真係幾時都咁得人歡心嘅啫!:)

      刪除
  9. The neapolitan pizza actually looked pretty good. I guess looks can be deceiving.

    回覆刪除
    回覆
    1. 印象中個底好韌,切嗰陣切到手都攰呀!^^"

      好似妳咁講,真係唔可以俾個樣呃咗!

      刪除