2016年6月13日星期一

多瑙河之旅 Day 11 ~ 頭痕的一朝。未完的完結篇 *****更新*****

來到行程的最後一天,海豚家各人也跟據各自離程航班,在不同時間往機場出發。在這天以前,海豚兒已分别替Mr. Dolphin爸媽和我倆在網上辨理好航班check in手續並劃位。這天早上未夠四時海豚兒和Mr. Dolphin就從酒店乘搭預訂的計程車離開酒店。雖然這天來不及吃酒店自助早餐,但海豚兒亦都唔好執輸地預先替超早機(6:20am)的Mr. Dolphin和自己以及早機(8:40am)的Mr. Dolphin爸媽訂了外帶早餐,因為大家離開酒店的時間不同,海豚兒亦特意提了Mr. Dolphin爸媽臨行前到酒店櫃枱取早餐。

晨早來到機場,海豚兒和Mr. Dolphin把行李寄存過後便坐下來“享用”我倆的breakfast to go ,雖然味道一般,但在機塲如野餐形式般吃早餐的經驗還是幾有趣的。




在候機室沒事幹,海豚兒便用手機連上wifi。就在這時候,海豚兒連接電話的gmail電郵突然收到一個新信息,海豚兒沒特意細看,只見電郵的收件人不是自己,而雖然電郵內容關於航班,但既不是海豚家乘坐的KLM更不是海豚家的機程,心想這該死的垃圾電郵該是惡作劇吧,因為海豚兒用來連接智能手機用的電郵並不是日常用的那個,所以這電郵地址也不常用,照計也沒有奶油會收到電郵卦。再過多一兩分鐘,海豚兒又覺得那封電郵有點不對路,於是重新翻看一次。。。oh no,原來是Mr. Dolphin爸媽被被被被轉機了,由原先的KLM航空公司從布拉格到Amsterdam轉機回温哥華改乘Lufthansa從布拉格飛Frankfurt轉機回温哥華。。。慶幸的是航班從布拉格機場起飛的時間沒多大分别。

這個時候,海豚兒和Mr. Dolphin當然是忙到甩碌啦。一方面要轉發電郵卻屋漏兼逢連夜雨,無法把電郵轉寄給Mr. Dolphin爸媽,唯有找仍在酒店的Mr. Dolphin家姐從酒店電腦登入海豚兒這個不常用的電郵帳户,再把這封電郵列印出來交給Mr. Dolphin爸媽,同時,Mr. Dolphin亦馬上用whatsapp電聯父母交代事情。

結果嘛,Mr. Dolphin爸媽去到布拉格機場時先到KLM櫃枱先作查詢時,當然是被轉介至Lufthansa啦!還好,Mr. Dolphin爸媽最終也成功從布拉格去到Frankfurt,再以趕到氣咳的形式在一小時內登上前往温哥華的飛機,也算得上好彩咯!

老實説,海豚兒和Mr. Dolphin堅係情願這些情況發生在我倆身上。據估計Mr. Dolphin爸媽從Amsterdam回温哥華航班全滿所以才有這樣安排,至於何必偏偏選中我(他們)?恐怕是海豚家的機票是屬於跟船公司訂的團體票,跟其他同機乘客比較,價錢最低,所以就無得留低啦!

或者你會問咁KLM有無任何賠償,答案係“有”嘅。。。若你還有興趣看下去... ...





KLM的電郵裡提到包括每位400€現金賠償和額外每位300€ credit voucher可於12個月內在KLM訂機票時使用。

先説credit voucher:

KLM的電郵説voucher會在另一封電郵收到,可是海豚家至今仍未看見這電郵芳蹤。

至於現金賠償:

電郵裡提供了連結並所需資料給我們申請這現金賠償。海豚兒和Mr. Dolphin按指示到KLM網站填寫好表格並把KLM當日發給我們的電郵亦連結上,一星期後,我們得到KLM的回覆是:由於Mr. Dolphin爸媽是乘搭Lufthansa而不是KLM,所以我們應該跟Lufthansa追討(儍的嗎?)。海豚兒打了通電話到KLM查詢,被接駁到不同部門解釋再解釋後,得到的答案是要自行打電話到Delta Airline查詢,因為這兩家航空公司是伙伴而Delta是負責處理這類形事故。海豚兒跟Delta的客服“抗戰”一番後,跟據指示在Delta網頁重新申請,過了數星期後收到回覆,並告知海豚兒,我們“應該”收到的credit voucher是400€,而現金賠償則是300€,還有就是二選一,並非KLM的第一封電郵所説的雙重賠償。由始至終,海豚兒和Mr. Dolphin也不在意那張credit voucher,心知要用這些voucher一定諸多限制,現在更加是要錢唔要貨,縱使我倆完全不明白何以現金賠償跟credit voucher的面額會倒轉了。在浪費了這麼多精神和時間跟KLM和Delta糾纏後,海豚兒和Mr. Dolphin也認為不值得為100€再爭辨,反正Delta早已看過KLM發給我們的電郵,他們要作出這樣的“改動”,我們若要力爭到底,恐怕付出的時間與精神遠超出這100€ x 2的價值,於是海豚兒便按指示提供銀行資料作入數之用。經過一個半月的電話、電郵往還,六月初時,海豚兒最後收到的通知是Delta已把這現金賠償申請轉發給KLM處理... ...我。的。天。啊。!

遲下再“有消息”的話,海豚兒會再更新這一篇,好讓各位不厭其煩花時間看完這篇的blog友知道結局啦!:)


更新:  經過三個月的勞心勞力,在七月十五日這一天,海豚家終於收到賠償啦~~~~~~

22 則留言:

  1. 乜KLM咁㗎,已經比佢攪到差啲上唔到機,重要為咗啲賠償攪到人頭都暈埋,真係要堅持爭取到低,唔好益咗佢

    回覆刪除
    回覆
    1. 真係俾KLM搞到好煩,去到中途已經想放棄,但當諗到我只係"代"處理呢件事,又唔想有頭無尾,就唯有盡力而為啦!

      刪除
  2. 唔知點講好, KLM 係同 Air France 同一路, 法蘭西人做事如何? 你懂的

    回覆刪除
    回覆
    1. 喺呢件事之前,KLM俾我印象一向都比Air France“友善”,但原來只天下烏鴉一樣黑...法蘭西人做事,老公以前都領教唔少,例如坐AF biz class比空姐搞到餓親,都夠經典。

      刪除
  3. 唉,最怕遇上這種事。第一,如果改機都係同一機場,同一時間都好D。 第二,所有追討都係毅力的表演。所以我買機票,訂酒店,一定唔揀最平的,會做一輪功課。

    回覆刪除
    回覆
    1. 今次改到連airline都換埋真係煩到有理説不清。老實講,旅行次數越多,遇上問題機會亦越大,何況我哋每次一家人去旅行要由3個不同原居地出發,要考慮嘅事已經唔少,不過經過今次,將來再去旅行,我都會再小心D。

      刪除
  4. 回覆
    1. 講真實在煩到不得了,不過為咗海豚家嘅福利,我唯有堅持啦!

      刪除
  5. See if they didn't make any official promises, you wouldn't be too upset.

    Since they did, you feel cheated if they don't keep their end of the bargains.

    Good luck!

    回覆刪除
    回覆
    1. 説得對!如果KLM一開始無話會賠償嘅話,我哋喺機場豈碼可以"選擇"鬧佢一餐先嘛XD,依家除咗繼續追討就好似無仇報咁,哈哈!

      刪除
  6. 嘩, 依間Airline的處理手法真係.... @@
    希望妳地好快收返筆錢啦~~~~

    回覆刪除
    回覆
    1. 其實我之前對KLM印象幾好架,但經過今次,我將來若果要再搭KLM,都可能會猶豫。

      多謝妳,我都希望件事可以快快解決!:)

      刪除
  7. 我Honeymoon時都係坐Vikings遊Danube. 唔知係咪我要求低,我覺得膳食ok喎!哈哈!

    回覆刪除
    回覆
    1. 歡迎妳!:)

      其實我哋去呢次旅程前後都聽有人幫襯完vikings而食用都係好架,我哋估唔知係咪因為我哋個行程剛修改而有所影响定還是我哋揀嘅係減價行程,所以食用被打斧頭呢!

      刪除
  8. 嘩!妳咁搭早機,個晚咪唔駛瞓,晨咁早要到機場
    KLM唔係同法航聯營咩,點解係搭Lufthansa,不過搭Lufthansa仲正啦
    又怪喎,點解係向Lufthansa追討賠償?

    回覆刪除
    回覆
    1. 真係瞓得好少,所以嗰朝早一直呆呆地直至發生呢單嘢先醒哂!

      航空公司應該喺某D算緊急情況可以咁樣誇公司安排嚟減低對乘客嘅影响,不過KLM叫我哋同Lufthansa追討就擺明耍我哋啦!^^"

      刪除
  9. 對呀,要老人家轉機,始終寧可要轉的是自己~~
    希望你們快D收返筆錢啦喔~

    回覆刪除
    回覆
    1. 雖然知道件事喺控制範圍之外,但始終都覺得自己有D辦事不力。

      多謝妳!我都希望呢件事早日完結!

      刪除
  10. 呢啲情況下,我唔會浪費咁多時間同KLM來來回回,通常都係話佢知我會直接同佢總公司所屬國的航管機構投訴,叫佢哋等航管機構調本.....$400耍我咁耐,想死。

    回覆刪除
    回覆
    1. 係喎,點解之前諗唔到揾third party幫拖呢,喺KLM同Delta投訴無門仲俾人噴到一面庇添,真係蠢啦!唉!我依家都仲等緊,連account number都俾埋出去,感覺自己好似中咗補葯黨咁!

      刪除
  11. 回覆
    1. 哈哈,我成日話我喺呢個屋企中人工最低又最無聊嗰個,呢D要“鬥長命”嘅差事,梗係由我嚟負責啦!XD

      刪除