2016年6月2日星期四

多瑙河之旅 Day 9 ~ Hop On Hop Off 布拉格

上篇也提過海豚兒挑的這間酒店房價已包早餐,海豚兒這天最高興莫過於繼續有豆食啦,哈哈!大家要多多留意相中Mr. Dolphin的蛋白奄列,事原當他跟負責煎奄列的職員(定厨子?)落單要求要蛋白奄列時,職員即時黑面,原來這兒是把原隻雞蛋隔黄來做蛋白奄列的。至此之後,Mr. Dolphin就拒絶再吃奄列啦,因為海豚兒的主子不喜歡受這樣的氣啊,所以情願吃自己筆的炒蛋就算,嘻嘻!奇怪的是Mr. Dolphin媽媽在較早前也順順利利跟同一位員工點蛋白奄列卻沒有遭受黑面喎!



吃飽早餐,海豚家就出發去搭hop on hop off bus"慢"遊布拉格啦!




在這兒市中心的大街下車四處逛,買了些地道手工雞蛋殼 - 果真係財散人安樂呀!





吃了個普通的午餐,便再踏上旅遊巴士參觀其他地方咯!




包括...Municipal House, Resslova, Charles Bridge, Lesser Town Square, Old Town Square











 

Hop on hop off咗一整個下午,這晚海豚兒就找了間網上評語不錯的餐廳吃這家人的飛佛 - 意粉!



這店的意粉確實好吃,唯獨是份量偏少,還有就是Mr. Dolphin爸爸點的貌似意式手撕雞,齋看賣相,海豚兒完全沒有興趣試,而Mr. Dolphin就説味道和質感也似足煲湯雞。^^"



吃完晚飯,海豚家就步行回酒店咯!大家有覺奇怪嗎?有發現漏了些甚麼嗎?

是咁的,這晚有人激嬲老婆,“以為”唔駛陪食甜品,於是人哋老婆在送完家人回到酒店後,就開行摩打腳從酒店飛奔去商場吃甜品,咁人哋老公就梗係二仔底死跟啦!可能blog友們會覺得食少次甜品其實也沒甚麼大不了啊!對人哋老婆嚟講,每天就只有這一點點二人時光可以放下人媳身份,然後盡情吃自己想吃的時候啊!海豚兒相信你懂的!



説回這件古力糕,味道真的不錯,海豚兒獨自完成一整件,之後在另一間店子再買件馬卡龍來吃才回酒店休息




16 則留言:

  1. 海豚兒的主子不喜歡受這樣的氣啊 <--- I wouldn't either.

    咁人哋老公就梗係二仔底死跟啦 <--- 人哋老公 is so sweet. My husband definitely wouldn't have followed me. On the flip side, I don't need to be 人媳身份 for 2-3 weeks at a time either.

    回覆刪除
    回覆
    1. 將呢兩件事合埋嚟講,可能人哋老公已經將所有受氣quota留番嚟招呼人哋老婆啦,哈哈!

      不過都真係多謝妳提醒咗我,有時候俾人就慣咗,都變得幾老鳳,而其實我家主子都係有脾氣之人,只係對住我先化身"順得人"!

      刪除
  2. 最後的小波折都幾甜蜜丫! :)
    超希望下年的布拉格之旅可以成行呢~~~

    回覆刪除
    回覆
    1. 呢個小風波好處係我只需要顧及我當時想食乜,但壞處係我要自己隊哂成件蛋糕,好月巴呀,哈哈!

      我都希望妳去得成,最緊要帶/兑捷克錢喺嗰度食用,順便去埋維也納嘆靚景美食!:)

      刪除
  3. 男人總不夠細心,可幸有大方的海豚兒,就免他死罪吧!!

    回覆刪除
    回覆
    1. 俾樓上提醒咗,其實Mr. Dolphin會追出嚟一齊去已經好好啦!:)不過講真,我食完件蛋糕都已經下咗啖氣!

      刪除
  4. 我唔明點解廚師要黑面

    回覆刪除
    回覆
    1. 佢可能諗緊剩咗咁多厨餘,佢嗰日咪要食好多蛋黄,膽固醇實超哂標啦!;P

      刪除
  5. 我想問,妳返到加拿大會冇繼續食茄汁豆做早餐呀,wahaha...
    哈!好商場間甜品舖仲有開,如果唔係人地老公實C更啦

    回覆刪除
    回覆
    1. 梗無啦,所以去旅行先要搏命食,因為屋企家貧,平時連豆都無得食架!XD

      都係呀,又或者人哋老婆會衝入酒店揾食,察餐勁嘅!

      刪除
  6. 見到啲相日日都天陰陰,我會玩得無咁開心。氣溫如何?凍唔凍?

    回覆刪除
    回覆
    1. 係呀,天陰陰連心情都灰D!我哋喺布拉格嗰幾日大約都係5-15度到,早晩凍D,中午就好少少,其實成個旅程都係偏凍,始終我哋揀4月初去東歐,天氣係差D,但好在唔算落好多雨。

      刪除
  7. 我明!
    我都想講野大聲D唔使扮晒乖...哈哈!

    回覆刪除
    回覆
    1. 就係嗰種關係上好親,大家亦相處融洽,但去到某D位依然會有所保留嘅感覺!話説回來,自問已經好好彩,Mr. Dolphin父母待我很好亦不是挑剔之人,所以這個"人媳"身份也算易當!:)

      刪除
  8. 這條 Charles Bridge 我來來回回過很多次,又遊過船河,幾浪漫架。

    回覆刪除
    回覆
    1. Charles Bridge同附近環境真係幾靚,可惜我哋要趕尾班車前離開,如果唔係,我哋都會想喺嗰度食埋晚飯至走架。

      刪除