2016年8月31日星期三

敍舊。有感 ~ SF 之旅 Day 5 上

這天海豚兒和Mr. Dolphin相約了海豚兒從前在羅省返教會認識,早年已搬回SF定居的朋友吃午餐。由於朋友工作的地方在Oakland,距離家姐的家頗遠,海豚兒就麻煩家姐送我倆到BART火車站,然後海豚兒和Mr. Dolphin就搭BART去Oakland和朋友見面啦!這半小時的火車程也頗搞笑,其中有位之前在車站被警察盤的乘客一直在車上大聲講電話,每隔一陣就問對方"Can you hear me Momo? " 海豚兒和Mr. Dolphin心諗Momo梗係聽唔到啦,火車當時行駛的路程根本沒有訊號,這位人兄看來是在“扮”講電話,而Mr. Dolphin在接下來的一天就不停鬧着玩,對海豚兒説“Can you hear me Momo?”啦!@_@!

當車內乘客也在逃避和Momo個friend有眼神交流的同時,又有另一位年青乘客上車,開“行”音樂,在車箱中跳舞表演,他的表演就像蜘蛛俠跳鋼管舞般,在幾條扶手柱之間彈來彈去,從一條扶手柱爬過另一條扶手柱,跳足幾分鐘,然後跟車內乘客討錢,可惜最終都沒得到任何打賞。望着車上乘客不停游走的目光,海豚兒不禁對Mr. Dolphin哼了句“逃避你的眼光,還是要一再偷看... ...”。XD


來到Oakland市中心的時間尚早,海豚兒和Mr. Dolphin就到附近一間咖啡店hea下,途中又遇上一中年漢在大街上尿尿,還好Mr. Dolphin眼明手快拖着海豚兒兜路走。^^"



好不容易終於和朋友見面了,朋友帶我倆到一間 cafeteria形式的店子,裡頭有很多不同種類食物選擇的攤檔。這天我們仨挑了墨西哥檔的是日精選fish tacos,炸魚的粉漿又薄又脆,好好味呢!





跟這位朋友認識了許多年,平時基本上沒有聯絡,但每次海豚兒來SF探親也盡量找機會跟她見面,始終識於微時的朋友而依舊能聯系上,也是值得珍惜的!説起這位朋友,也告訴你一件往事吧,海豚兒就是喜歡在這片虚疑空間裡“想當年”。海豚兒人生中的第一輛汽車是部二手房車,而這位朋友正是賣家!或許是這微少的原因,不論當年她搬到澳洲定居或回流到SF生活,我倆也一直保持書信往來。有時候,海豚兒也滿懷念從前電郵還未普及的日子呢。現在要在面書送上一個like也真的太容易,反而令海豚兒覺得我們也變懶了,説到底,不管是愛情、親情或友情也需要用心維繋,可恨是,這個甚麼也要快的年代,我們也太習慣以like作問候、示好,以打卡來報平安及行踪的生活方式。説的也許太遠了,這天餘下的行程還是留待下一篇才繼續吧!

20 則留言:

  1. 好難得仲維持了多年友誼

    回覆刪除
    回覆
    1. 係呀,而且我覺得年紀越大越會珍惜舊朋友,可能都買少見少啦。;P

      刪除
  2. I used to look for mails from my friends back in the days.

    Now, my mailbox is full of bills...

    回覆刪除
    回覆
    1. 我都係呀,以前去到LA時,好開心收到香港友人嘅信,仲會將d信睇完又睇,而明明一收信就已經第一時間回咗信,哈哈!

      咁我俾妳好彩,我信箱多數係flyers,因為d單唔係我負責嘅部門我就當睇唔到就算。;P

      刪除
  3. 我都搭過一次Bart,雖然日頭日白,載我去搭嘅朋友都擔心我。

    我做交換生時,差不多每日都有信收架,連郵差都記得我,過咗好多年之後返去探host family時要收信,郵差叔叔專登襟門鐘睇吓我係咪返咗去。

    回覆刪除
    回覆
    1. 其實喺SF搭BART都真係幾牙煙,去到d站成日都聞到好大陣尿臭味已經感到嗰度唔多安全。^^”

      差不多日日有信收>>羨慕呢!最sweet就係多年後仲係同一個郵差而佢都依舊記得妳,好難得呀!

      刪除
  4. 友誼要 keep 著都幾難架,不過學生年代大家都純真D,比較保持得最耐。

    回覆刪除
    回覆
    1. 係架,年青時識朋友都比較真,亦無咩比較。不過要keep都要雙方面,如果我揾對方一兩次,人哋都推或唔多理啋,我都唔敢/會再揾對方。

      刪除
  5. 回覆
    1. 好彩嘅係朋友都仲肯見面,有時候人大咗多咗d經歷,反而未必想見番舊友鈎起一d回憶。

      刪除
  6. 遠距離既友誼, 真係要好好珍惜, 好難KEEP 呢~

    回覆刪除
    回覆
    1. 絕對同意,始終唔係成日見,傾嘅話題亦未必可以講太多日常生活,所以大家都真係要肯講"真心話"先可以維繫。

      刪除
  7. 原來SF咁多有趣人士架?
    以前有書信來往的朋友, 感情真係唔同D, 就算耐唔見面, 都會有份感情同牽掛呢

    回覆刪除
    回覆
    1. 其實SF某d地區都真係幾雜架,所以出入嗰d地方時都真係要好小心。

      無錯,以前仲會花心思揀信封信紙然後喺封信到畫埋公仔,癡埋貼紙,每封信內容都好比心機去寫,嗰種情懷會令人更加重視對方。

      刪除
  8. “Can you hear me Momo?”
    “Can you hear me Momo?”
    “Can you hear me Momo?”
    “Can you hear me Momo?”
    洗你版.....哈哈哈.....XDDDD

    回覆刪除
    回覆
    1. 哈哈哈,收到哂!嗰日喺火車豈碼聽佢問咗阿Momo廿次呀。^^”

      刪除
  9. 你嘅火車之旅有好多奇遇喎,超鍾意你嘅應景歌詞,“逃避你的眼光,還是要一再偷看... ...”,笑死我!

    回覆刪除
    回覆
    1. 係呀,嗰程火車真係超搞鬼,不過當中都有少許唔安樂,要不斷提醒自己要提高警覺。

      哈哈,多謝妳嘅欣賞呢,我覺得句歌詞真係當時乘客嘅心聲。XD

      刪除
  10. 小時候我也有不少筆友的。

    回覆刪除
    回覆
    1. 那些都是值得懷念嘅日子呢!我以前有儲起朋友寄俾我嘅信架,但搬嘅次數太多,後來都已經唔記得點樣整唔見咗。^^”

      刪除