2016年12月7日星期三

回來後

回到多倫多的第一個週末,我倆去了商場行街街,同時發現一間不錯的甜品店在這兒開設了一間很大的分店,以後來這個商場逛街,在吃的一環也就多了個選擇啦!



話雖如此,這兒的甜品雖然滿好吃,但cappuccino就很一般,而店員亦老是忙記把咸食先翻熱才拿出來,兩度幫襯,情況都一樣,肉批是冷冰冰的,對於偏愛熱食的Mr. Dolphin,當然要彈佢鐘啦。 




至於晚飯,我倆就在Nordstrom百貨商店內的餐廳解決,雖然這間百貨商店和餐廳也是新開,但服務和食物味道也不錯,尤其是蟹肉湯,也可算是真材實料呢! 




再過一個星期,海豚兒襯有一天假期就自動波去了換雪呔呢!當然搬車呔這些粗活就等Mr. Dolphin上班前和下班後去做咯,海豚兒只負責運送而已,但難得假期,海豚兒亦為自己安排了豐富的食(行)程。 因為晨早流流要先送Mr. Dolphin返工,距離預約換車呔時間還有幾小時,所以海豚兒就瘋狂地連吃兩轉早餐啦。 

題外話:除了曲奇餅外,Mr. Dolphin明明一向對海豚兒這天吃的食物都不大熱衷,但這天因為他沒有假期所以要上班而海豚兒卻放假,他就一直用很羨慕的口吻和眼神告訴海豚兒他有多想“吃”這些東東。XD

首先當然要去嘆番個久違了的菠蘿油、通粉和熱奶茶啦。 



之後就去了嘆egg benedict,green tea latte加連Mr. Dolphin都讚好吃的綠茶味白古古力粒曲奇。 



然後就去車房幫架車換鞋>>其實係換雪呔至真!;P



辨妥了是日公務,海豚兒又去找吃咯。今次吃的是由日本人經營的壽司餐廳,而海豚兒吃的是魚生飯套餐,當中包括一份沙律,一杯熱茶,一碗魚生飯,和一件蛋糕。 



沙律和茶味道屬於正常,沙律份量則偏少。 魚生飯的食材算新鮮,最驚喜是飯的中層有一片雞蛋、及鰻魚伴醬汁,是整個飯的亮點。 至於甜品嘛,蛋糕仍未解凍,吃時感覺有點像吃“刨冰”。^^” 




吃了一整天,海豚兒飽得連當天晚餐吃了甚麽也忘啦,只是從照片中知道第二天的晚餐吃了水準不賴的美式西餐就是了。


16 則留言:

  1. 回覆
    1. 直情係“腹”水難收啦!XD

      又好似妳咁講,去完外地返嚟又想食返當地嘢。

      刪除
  2. 點解可以食得落兩個咁勁嘅早餐?之後仲可以食日本嘢!?我年輕最大食嗰時都唔得呀!

    回覆刪除
    回覆
    1. 食到第二份早餐都已經食唔哂個鬆餅,但到食日本嘢時又隔咗好耐,所以又食得落,但當然都係食唔哂d飯啦。

      刪除
  3. 如果俾我食萫個凍撻, 我都會彈鐘

    回覆刪除
    回覆
    1. 英雄所見略同!到第二次去時,我直頭見到當時Mr. Dolphin第一啖入口後嗰種無名火起嘅樣呀。

      刪除
  4. 我都換左呔呀,四條,好貴呀!你地成日都有好野食,真羨慕。

    回覆刪除
    回覆
    1. 係呀,又貴又煩,不過Mr. Dolphin安慰我,兩set呔交替嚟用又會延長咗佢地嘅壽命,就當買個安全亦心安理得。

      我地生活簡單又無咩嗜好,咪成日去揾食打發時間囉!

      刪除
  5. 食兩份早餐,好大食呢妳

    回覆刪除
    回覆
    1. 我都估唔到我居然食到咁多嘢,但食完第二個早餐,我都真係飽到行咗成3個鐘散步消化。^^”

      刪除
  6. Snow tires on, CHECK.

    Cold weather, brrrr..... CHECK :(

    回覆刪除
    回覆
    1. 對呀,唯有用“最好嘅心情來面對最壞嘅天氣”啦!感覺今個冬天會超級凍呀!

      刪除
  7. 回覆
    1. 其實都有抱住平時好少有機會食呢d食嘅心態所以咁瘋狂嘅,好似今日瞓醒,屋企所附近選擇唔多,都唔知食咩好。

      刪除
  8. 嘩..兩次早餐.....
    肥人一定食唔落~
    岩岩係日本返黎仲食到魚生...勁呀~

    回覆刪除
    回覆
    1. 係呀,我嗰日真係大食生積,哈哈!可能就係啱啱去完旅行返嚟,食大咗個胃,嗰日又放假,著咗個旅行mode,所以更想食日本嘢。

      刪除