2017年1月12日星期四

補記:一行十人渡聖誕

平安夜早上一覺醒來,Mr. Dolphin和海豚兒就以摩打手梳洗及收拾行裝,然後就驅車向尼亞加拉大瀑布區進發啦。早在幾個月前,海豚兒已經以優惠價格預訂了Great Wolf Lodge室內水上樂園酒店供兩大四小的一個房間及Sheraton On The Fall正常酒店的兩間雙人房,給我們六大四小、三個家庭(姐夫一家四口,B先生一家四口,及我倆)住宿一晚。聰明又伶俐的你梗估到海豚兒和Mr. Dolphin當然是住在正常酒店啦,一來,樂園酒店在聖誕期間費用超昂貴,二來我倆也比較滋陰,沒能陪四個小孩玩足兩日一夜,這個重任就落在自告奮勇的B先生及十級愛鍚兩位女兒的B太太身上咯,嘻嘻!

話説回來,這天早上,Mr. Dolphin特意提早和海豚兒來到瀑布區,好讓海豚兒一嚐心願,嘆番個法式薄餅甜品早餐。在店外店內隨便拍了些照片,大家能感受到這小鎮在平安夜早上散發著的寧靜嗎?





雖然等候食物時間比較長,味道卻真的不錯,能夠吃到pavlova更是令海豚兒高興不過添啦!




到差不多時間,我倆便先去正常酒店辦理check in手續,這個時候,姐夫及B先生的車也來到。集合後,海豚兒跟B先生及他的兩位女兒就陪家姐一家去瀑布附近行下影下相。



B太太需要休息,所以就待在酒店房,至於Mr. Dolphin則為了姐夫家姐想有瀑布房景,急急去酒店大堂重新安排一間能看到瀑布的房間給姐夫家姐住,辛苦哂。^^" 以下是海豚兒及Mr. Dolphin的房間,雖然不是對著瀑布,但景觀也是不錯的啦!



逛完瀑布,一行十人就在樂園酒店會合。應該是聖誕檔期關系吧,大堂這天超多人,想拍照也難呢!



海豚兒和Mr. Dolphin替他們挑了一間loft(閣樓)的房間,好讓四個孩子在樓下玩耍或休息時,B先生和B太太在樓上也有一丁點的私人空間,還好,當他們看到房間後也滿意這個安排就是了。




當小孩去水上樂園玩樂之際,海豚兒、Mr. Dolphin和家姐姐夫也回到正常酒店稍作休息。在看過晚上的豆泥煙花表演後,我們四便出發前往是日晚餐地點跟B先生們會合吃晚飯了。



是晚在Marilyn’s Bistro & Lounge用膳,志不在吃,只為睇景,以下是從官網下載出來的照片。



海豚兒和Mr. Dolphin開心些牙了不錯吃的蟹餅和意粉及普通的牛扒,還有極級浪費quota的甜品。





來到聖誕日早上,Mr. Dolphin陪海豚兒去IHOP嘆番個早餐>>可惜只有面嗰塊班戟煎得燶燶地好食,另外三塊唔燶唔香口似未熟,不過都算還咗心願。



之後便和姐夫家姐返去樂園酒店會合B先生們,等四位小朋友在酒店內嘅冒險樂園式遊戲室玩完一輪,一行十人便在回程途上去食午餐。



午餐後大概兩點幾,時間有點“卡拉”,海豚兒和Mr. Dolphin就先回家休息,等待大顆兒再召集才出城去吃晚飯。約五時半,我倆收到姐夫以下的WhatsApp留言:

“我哋剛剛返到B先生屋企,啲小朋友要係屋企玩雪。可能要玩多個小時。不如妳哋唔好出XX*. 等明天飲茶先見面。加上我哋又買咗蛋撻,雞蛋仔, 鹽焗雞食。未知幾時食晚餐!”

*我倆家距離B先生居住嘅城市XX車程約需45分鐘。

就這樣,大懶蟲如我倆這晚就留在家中食即食麵算咯!

24 則留言:

  1. 一大班人過聖誕特別開心啦,有小朋友的,責任比較重大D。

    回覆刪除
    回覆
    1. 一大班人真係好熱鬧,尤其食嘅時候就最開心!

      係呀,而且呢代父母一般都比較同仔女嘅involvement多d!

      刪除
  2. 我今年聖誕、新年、生日... 都係好似平常日子咁過。

    回覆刪除
    回覆
    1. Happy belated birthday Ceci!!

      妳好似平常日子咁過生日我都唔算意外,但我以為聖誕新年係同in laws過,會唔同d。

      刪除
    2. 我in-laws唔過新年架,一向都唔會見面。聖誕就行過幾間屋去佢哋屋企食個lunch,就係咁大把。

      刪除
    3. 咁多好,至少妳可以喺Ticketmaster大戰後襯機會休息下。

      可能我屋企一向人丁單薄,我其實唔太慣過節太熱鬧架。^^”

      刪除
  3. 只係特登去睇吓個瀑布﹖

    回覆刪除
    回覆
    1. 姐夫家姐一心想快d帶對仔女去水上樂園玩,加上以前已經嚟過瀑布區,所以對其他觀光都興趣不大呢!

      刪除
  4. 有小朋友生活真係不一樣, 以小朋友為重心~
    肥人應該都好難做得到...哈哈!!!

    回覆刪除
    回覆
    1. 同妳一樣,我都覺得好難做到。有時覺得以前嘅人講嘅“有仔襯嫩生”其實真係幾啱,除咗身體機能好d外,適應力亦強d。

      刪除
  5. 尼亞加拉大瀑布係我覺得一生人要去一次的景點之一呢,好羨慕啊,一定好壯觀、好震撼:)

    回覆刪除
    回覆
    1. 無錯呀,尼亞加拉大瀑布真係值得一去,最好係夏天去,一來無咁凍,二來夏天有觀光船駛近個瀑布俾遊客作近距離接觸。

      刪除
    2. 我某年又係聖誕去,凍到阿媽都唔認得

      刪除
    3. 我又係呀,第一次去都係冬天,凍到阿媽都唔認得,哈哈,嗰次嘅經歷仲好搞笑嘅添!

      刪除
  6. 我相信你姐姐一家一定玩得好開心

    回覆刪除
    回覆
    1. 我都覺得係,尤其d細路有伴一齊玩,真係最好不過!

      刪除
  7. 好滿足的聖誕假!!
    最正係「旺中帶靜」,多人中仲可以抽到時間兩口子靜靜過嘛~~~

    回覆刪除
    回覆
    1. 假期當中有番些許二人時光真係好好多,可以俾自己抖下同差下電!:)

      刪除
  8. Your sister and BIL lucked out with the childcare duties!

    回覆刪除
    回覆
    1. 説的太對,而這些機會亦從來只屬於佢地,尤其係家姐,哈哈!XD

      刪除
  9. 回覆
    1. 係呀,想去呢間餐廳除咗想食薄餅,亦因為佢有pavlova食!講開又講,我琴日都好好彩地又食到pavlova呀!:)

      刪除
  10. 妳間房都正呀,好開揚
    個幾日真係辛苦妳啦:p

    回覆刪除
    回覆
    1. 其實我地間房真係唔差,一來樓層高(佢地間房本來喺我地隔離),二來裝修亦比佢地新dd同光猛dd架!

      嘻嘻,有d嘢真係...啞仔食黃蓮。^^”

      刪除