2017年2月11日星期六

避年?!

終於寫到農曆新年啦,海豚兒和Mr. Dolphin當然是本著人做我唔做嘅宗旨,喺星期六兼大年初一嘅日子遠離所有唐人地區、商場及食肆啦!

老規矩,星期六Mr. Dolphin就陪海豚兒先去商場嘆個甜品早餐,然後就四圍逛下,難得這天大家都有少少收獲,嘻嘻!當晚喺無咩特別想食嘅情況下,我倆嘅晚餐仲喺商場內嘅美食廣場搞掂添,海豚兒更懶到連相都無影。;P



再之後的星期五晚上,我倆就去了慣常去的“飯堂”開餐。



來到星期六,行完街街(shhh又有收獲啦,唔好話俾人知呀)!承Winterlicous Prix Fixe Menu之便,海豚兒就借d耳安排了一場fine dining晚餐來嘆下咯!




這間Auberge du Pommier餐廳是屬於這兒滿有名氣Oliver & Bonacini餐廳集團旗下的一份子,去年Summerlicious時,海豚兒和同事也去了市中心同一集團的另一間有靚景美食的Canoe Restaurant幫襯過。



説回這晚餐,麵包竟然是暖的,真的要加分加分,皆因許多時候,海豚兒在這兒外出用膳時吃到的麵包也是凍冰冰的啦。



可能是因為Prix Fixe Menu關系吧,點菜後不到五分鐘頭盤便殺到。可惜對海豚兒而言,兩款頭盤也有點乾,就像煲湯瘦肉那質感,難得Mr. Dolphin滿喜歡,海豚兒自當樂意把自己那份也全數奉獻給他啦,哈哈!



至於主菜,海豚兒選的tenderloin就十級美味,牛牛充滿肉香之餘亦沒有根,充滿肉汁,每啖也是享受,好吃好吃,碟上的另一件是牛腩,海豚兒就梗係即刻將佢搬去Mr. Dolphin隻碟啦,海豚兒最怕吃這東東。而Mr. Dolphin所點的魚魚也不錯,不會過熟,肉質亦嫩滑非常,而煎得香脆的魚皮就交由海豚兒處理咯。



來到全餐飯海豚兒最期待的甜品環節,不論是檸檬撻或是濃濃古古力糕也沒有叫海豚兒失望,兩款甜品也是水準之作。



最後我倆亦以超好飲的cappuccino作結,不過失策的是海豚兒忘了問店方有否供應decaf,結果嘛,當晚睡得不大好,第二天亦一早就醒來咯!^^”



對於這頓晚飯,海豚兒和Mr. Dolphin覺得唯一要挑剔的就是侍應先生對我倆只飲汽水而不飲酒有些不悅,不過對我倆而言,這亦無傷大雅,反正他的服務態度好與壞亦會反影在他所得到的小費上,無俾少到,但不能更多就是了。;P

14 則留言:

  1. 太夜飲咖啡, 真係成晚瞓唔著
    酒好賺嘛, 你地飲汽水, 佢地梗唔高興啦, 不過又唔駛黑面

    回覆刪除
    回覆
    1. 係吖,嗰晚一時大意醒唔起,咁就瀨野啦!

      其實我都知侍應最著緊份小費,唔飲酒水變相小咗小費,只係佢唔知因為佢咁嘅面口幫我地荷包慳返d啫!;P

      刪除
  2. 農曆新年食好西真係正
    其實加拿大應該有唔少人揸車,點解餐廳仲要對唔飲酒咁睇唔開?

    回覆刪除
    回覆
    1. 其實食好西真係365都受用架,嘻嘻!

      我都有妳呢個疑惑,但眼見餐廳食客或同事聚會,d酒人都好似無有怕咁照飲,幾粒鐘後又照揸車,我都好R頭。

      刪除
  3. 回覆
    1. 係呀,我地當埋呢餐係預慶情人節晚餐添,反正我都懶得正日(weeknight)去慶祝。

      刪除
  4. 雪呀雪呀, 肥人見到雪呀!!! (錯重點)

    人做你唔做...哈哈!!!
    你就好啦...不過肥人老公果邊今年有白事, 都唔派得~

    回覆刪除
    回覆
    1. 好眼光!查實妳唔講我反而無為意添,可能因為呢度嘅冬天長期都有d積雪喺地啦!

      係喎,妳唔講我都唔記得有呢d規矩,妳提起我至諗起當年我媽過身後,我地大年初一走咗去海洋公園避年,原來我地屋企都幾潮。XD

      刪除
  5. 煎得香脆的魚皮就交由海豚兒 <--- Mr. Dolphin is missing out.

    BTW, when we were in our 20s, we used to only order water at restaurants. Too cheap to even order pop back then :)

    回覆刪除
    回覆
    1. 咪係,益哂我呀!

      我地都係咁呀,記得讀high school時仲cheap,去麥當勞唔買汽水飲冰水,有時仲要埋refill XD。但我覺得同朋友、夫妻間有呢d回憶先最值得珍惜!

      刪除
  6. 回覆
    1. 多謝妳呢!咁先係真正嘅食好西嘛,哈哈!

      刪除
  7. 我都覺,好多時D 麵包都唔暖的....
    食到暖,塗牛油都易D,嘻嘻

    回覆刪除
    回覆
    1. 有時唔止唔暖,仲又乾又硬,真係睇見都食慾大減呀!

      其實我成日都扮睇唔到d牛油架,因為呢,每次一搽開,就會忍唔住搽到一小片包嘅四方八面都被牛油蓋過,好狼C架,哈哈!

      刪除