2017年2月6日星期一

偷得浮生食個lunch

久不久,海豚兒和同事外出工作後就會一起食個靚午餐才回辦公室繼續打拼。農曆新年前的一個星期,海豚兒和同事剛好在唐人地區忙完手上工作,同事就跟海豚兒提議去找正宗中餐來吃啊。

先説一點關於這位同事的背景,他是印度人,在非洲出生、年少時在英國讀寄宿學校、然後來到加拿大完成大學課程,之後就在多倫多落地生根、生兒育女。對於食,除了因宗教信仰不吃豬肉外,他真的是甚麽都會試會吃的。去年九月,他和妻子去了香港、泰國和越南玩了兩個星期,亦盡慶而歸,時至今日,他仍然跟海豚兒説他有多喜歡香港,對美食、下塌的酒店、海港城、上環、赤柱、大佛等等有多欣賞。最爆笑是每當他提到對fish market有多難忘,海豚兒也會呆一呆,心想,香港那有魚市場呀,因為自己心目中的魚市場是北美或日本形式那種嘛,想一想才明白他指的是遊客指定動作>>去西貢食自選海鮮那種吃法,哈哈!

話説回來,既然同事有這提議,海豚兒這天就跟同事去吃中餐咯!當他一看見餐牌上的牛柳絲炒麵條就即時雙眼放光啦,當然這類食物真的最能滿足老外口味嘛。除了這安全之選,海豚兒也點了椒鹽白飯魚給同事一試,海豚兒還幽他一默,告訴他這是中式版迷你炸魚薯條all in one。XD



至於海豚兒就點了煲仔排骨腸粉,令海豚兒最意想不到的是同事雖然不吃豬肉但也無懼一試煲仔內既香且帶點脆的腸粉,真的要給同事送上一個like呀!



本著海豚兒食咩都要二仔底死跟的同事最後還跟海豚兒開心些牙了腰果露加芝麻餡湯丸呢,哈哈!



還好同事對這餐廳的食物味道也算得上滿意,海豚兒才幸不辱命!^^”

估不到這天晚上Mr. Dolphin也想吃中餐,於是我倆就去了粥麵舖吃了粥、齋腸粉、蘿蔔糕和五柳斑塊咯!



隔天就是星期六,輪到Mr. Dolphin陪海豚兒吃好吃的韓牛午餐,Mr. Dolphin就點了有點過熟的三文魚石鍋飯,我倆最喜歡吃這兒的前菜,每次食都覺得好好味。之後還有飯後甜品作結(忘了拍照)。人生嘛,這麼簡單其實也不錯啊,你陪下我,我又陪下你,咁就一世啦!:)

20 則留言:

  1. 你這位同事都很國際化。 西人去過東南亞都好喜歡,我的同事都係,會講到唔停口。

    回覆刪除
    回覆
    1. 呢位同事真係好鍾意去唔同地方見識,只要有人介紹佢就一定唔會錯過!

      係呀,妳講得啱,我嘅non Chinese同事去過東南亞特別係香港,都讚不絕口,尤其對香港人嘅效率同MTR嘅神通廣大!

      刪除
  2. 啲蘿蔔糕....好白啊,我都係鍾意煎嘅多啲。

    回覆刪除
    回覆
    1. 因為除咗蘿蔔就無落其他配料,同妳相反,我鍾意蒸,而且無落臘肉我就更啱食。

      刪除
  3. 回覆
    1. 同事就算唔識食都至少夠精明,佢最叻喺餐牌到揀最好嘅嚟食!

      刪除
  4. 椒鹽白飯魚 = 迷你炸魚薯條all in one 好正呀 :P
    雖然我鍾意西餐,但要承認長期西餐真係好悶。
    好在加國都有唔少亞洲菜選擇!

    回覆刪除
    回覆
    1. 我都覺得個名好搞笑,查實我有d怕同鬼佬同事食太正宗嘅中餐架,一來驚佢地唔啱食,二來驚自己唔識介紹某d食物。

      叫餸食飯式嘅中餐我本身少食,但最不能不吃嘅絕對係茶記,好在喺多倫多生活都有得食咋!

      刪除
  5. 有時間我都覺得, 香港真係幾迷人既...
    樣樣都有, 樣樣都做得唔錯, 其實都算幾特別!

    回覆刪除
    回覆
    1. 對,香港真的有許多吸引遊人的地方同時也是一個值得我們為自己能在這兒成長而驕傲的地方,總然當中有許多人和事也變了,但我依然喜歡這城!

      難得同事想食中餐嘛,當然希望他能嚐多一點呢!

      刪除
  6. 我又想起以前有位同學回教徒, 一齊BBQ, 我地都唔可以食豬, 因為會交叉掂到喎

    回覆刪除
    回覆
    1. 唉,我尊重佢地嘅信仰,但除非所有食物都係回教徒同學準備,否則也是避無可避呀,某人用來切肉的刀、沾板甚至筷子也曾經接觸過豬嘛!^^”

      刪除
  7. 令海豚兒最意想不到的是同事雖然不吃豬肉但也無懼一試煲仔內既香且帶點脆的腸粉 <--- probably not too religious.

    Everything looks so yummy!

    回覆刪除
    回覆
    1. LOL!說的也是,這位同事仲係熱愛紅酒呢!

      若果妳重遊多倫多,我都會提議妳去呢間我同同事去嘅餐廳叫唐家店(Judy Cuisine),食物真係唔錯,價錢亦算公道!

      刪除
  8. 嘩,「印度人,在非洲出生」好特別啊,可妣認識到不同背景的朋友、同事真好^^
    我又係,有時同同事做完野,lunch 走去食放題,雖然一個小時,不過都好開心,我覺得間中咁都幾令人工作振奮的,哈哈:))))

    回覆刪除
    回覆
    1. 都係架,豈碼同同事唔熟嘅時候都可以從大家文化背景開始講起嚟打開話題!

      係呀,只要啱嘴型,同同事去食個lunch真係可以令個人放鬆d,而且有d野喺公司傾亦唔方便,可以借食lunch機會傾下、舒發下。

      刪除
  9. 回覆
    1. 我睇妳個blog由倫敦時期到依家巴黎嘅日子,我都覺得有好多美食,而且仲好吸引添呢!:)

      刪除
  10. 粥麵舖有五柳斑塊食咁勁!

    回覆刪除
    回覆
    1. 生意難做呀,呢間舖仲做埋煲仔飯同鑊氣小炒添架!XD

      刪除