2017年4月10日星期一

多士爐陷阱 (內容可能令人感到嘔心。慎入!)

早前在蘋果日報看到關於多士爐的介紹,令海豚兒想起同事在聖誕節前跟海豚兒分享的趣事(定恐怖事?)一則。

早餐時,同事在家中用多士爐烘多士來吃,連續兩星期,每次烘完多士,多士爐也傳出一陣燒焦味,而且味道是一次比一次濃烈。等到週末,同事終於忍不住把多士爐整個拆開,看看是否有食物卡在多士爐底層燒焦了因而造成燶味。


打開多士爐後,在底層找出來的竟然不是燒焦了的食物而是燒焦了的 。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。


“米奇”

是咁的,同事家中有隻貓,這位貓生一向有把"玩具"珍而重之帶回家慢慢把玩的習慣,這次卻遇上聰明的米奇,一不留神就給牠逃脫了。而同事一家也知道此事,亦曾協助貓生捉米奇但不果。又有誰想到,聰明的米奇竟然掉進這部用自動操控模式的多士爐陷阱去呢,一(跳/跌?)入去,多士爐就自動開啟。米奇今次果真是“這陷阱,這陷阱,偏我遇上”咯!



20 則留言:

  1. 回覆
    1. 其實我第一次聽同事講嗰陣,都只係識講ill咋!但當佢繪形繪色咁講全家點樣corner隻米奇都俾佢走甩,聽落都幾搞笑。

      刪除
  2. 回覆
    1. 係有d嘔心尤其如果屋企有用開toaster嘅話。我見到妳同Ceci嘅留言都即刻喺標題加句提示啦。^^”

      刪除
  3. 回覆
    1. 屋企有養或養過貓就會更明白貓嘅習性,但遇上呢個情況,又真係橙d。

      刪除
  4. Wow, luckily it's not a real MICKEY or mouse....
    P.s. in Macau so typing in English

    回覆刪除
    回覆
    1. 我貝到妳澳門d相,好鬼正呀!

      同事話好在烘麵包嘅位同燒焦咗嘅米奇位置應該都接觸唔到,不過衛生起見,個多士爐當然都無得留低啦!

      刪除
  5. 回覆
    1. 唔駛嘔,唔駛嘔,我同事一家好大膽,佢仲將燒焦咗嘅米奇好似小冊子咁喺家人中傳閱。^^"

      刪除
  6. 我有同一故事: 話說友人攞左部冷氣機去洗, 裝番之後, 每次開都有一種臭味, 原來都係因為米奇係度

    回覆刪除
    回覆
    1. 我公司office都試過有死老鼠,最敝係搵唔到佢死咗去邊,臭咗好多日

      刪除
    2. 冷氣機發出臭味,諗起都毛骨聳然呀!我只係試過整完車,打開車頭蓋見到有幾粒米奇米田共都覺嘔心。

      刪除
    3. 揾唔到又發臭真係好惡搞。記得以前都試過放喺老細房嘅mouse trap有餡,不過可能當時老細新上任,上一手又唔知,發現嗰陣已經又乾又硬亦無味,都唔知老細係好彩定唔好彩。^^”

      刪除
  7. 回覆
    1. 睇到米奇多士笑咗,可惜此米奇同迪迪尼嘅米奇真係差太遠,呢個驚嚇程度高好多!

      刪除
  8. Mickey-flavored toasts! I probably won't eat toasts for a while...

    回覆刪除
    回覆
    1. 好在我屋企本身無toaster,有咩要焗/翻熱都係用oven。^^”

      刪除
  9. ><""""" 好嘔心.......
    比在我一定嚇死....好恐怖呀......><""""

    回覆刪除
    回覆
    1. 本來一聽嗰下都真係覺得好嘔心,而且心裡都暗暗諗住佢地食咗數次米奇吐司架,哎呀!但同事形容得比較搞笑,所以好快就將個焦點放咗落其他野度。

      刪除