2017年4月17日星期一

應hea盡hea

先記錄一下較早前在不同地方吃過的午餐和晚餐,包括在市中心的甜甜辣辣韓式雞翼和在家附近飯堂的一頓壽司晚餐,兩者也水準穩定,不錯啊!



然後就是台式、西式、和日式下午茶,難得的是全部也滿好吃,年紀越大,越怕浪費珍貴的quota嘛!





來到復活節假期長週末,Mr. Dolphin就陪海豚兒到市中心逛下。這天海豚兒心血來潮想去牛角吃午餐,為的是燒牛牛那甜甜的調味和甜甜的豉油味道,哈哈!




除了燒牛牛,我倆還點了兩款頭盤和一個石頭熱鍋麵開心些牙,最意想不到的是這石頭熱鍋麵超好吃,除了味道好,麵質夠煙韌外,黏在熱鍋上的麵還像飯焦一樣,又脆又香口,正呀!




最後,雖然已經很飽,我倆也點了簡單的s'more作結。:)



之後就手拖手行下街街當幫助消化,亦順便看定"心頭好",哈哈!行到攰攰地就隨便找了間咖啡室喝杯熱飲抖抖。這是一間漫畫店連咖啡室,裝修也滿有趣,店內也有不少客人,不過據Mr. Dolphin觀察,好些漫畫也鋪滿塵,還好對灰塵敏感的海豚兒只乖乖留在咖啡室的一角休息,沒有去逛漫畫店。^^”



離開咖啡室後,我倆發現這兒附近的一間HMV正在進行最後一天的結業大特賣,DVD、Blu Ray一律$1.50加元一隻,C9仔海豚兒也在選擇不多的情況下買了以下的影碟,收穫也很不錯吧!XD



由於不想在市中心逗留太久行太多路,我倆再逛一會,未到五點就跑去吃晚餐了,嘻嘻!這個晚餐算不上很好吃,天婦羅有點太油,壽司師傅的刀功更是不同凡響。。。例如,三文魚剌身就像盤龍鱔般沒完全切開,但好在食材尚算新鮮,而且價錢亦很便宜,這個晚餐只需要$30加元 (稅和服務費前),的確很抵食,但就回頭太難咯!



假期的第二天,我倆吃過簡單的茶記午餐,然後海豚兒就陪Mr. Dolphin去非法走私,對不起,是飛髮走絲才對。



至於晚餐,海豚兒就外賣了一份海鮮丼和跟Mr. Dolphin分享了超美味的大福,當中包括有栗子、黑芝麻、焙茶和櫻花味,我倆則一致認為焙茶味道最最最無敵好吃,誓必要覆桌~~~



來到假期最後一天,我倆就只簡單地吃個茶記早餐,入油,再去超市買點東西便回家hea個夠。放假嘛,當然是應hea盡hea啦,哈哈!

18 則留言:

  1. 盤龍鱔笑C禾,復活節快樂喔!

    回覆刪除
    回覆
    1. 遲來的復活節快樂!

      唉,刀功呢野我識條鐵咩,都係要睇下Chef Le Mon惡補下至得。;P

      刪除
  2. 嘩!好食力啊!我見到多餐都已經飽喇!

    回覆刪除
    回覆
    1. 呢度加埋有13餐,又確係有幾多食物相嘅,但真正食得多都係牛角嗰餐,其他嘅按份量計都唔算好多嘅。無法啦,我想喺旅行前清哂d記錄先嘛,咪一次過寫哂最近幾星期囉!^^"

      刪除
  3. 回覆
    1. 阿姐都同妳去食好多好野吖,我最羨慕係有d餐廳同妳屋企距離近到可以行去,唔駛揸車又唔駛揾位泊車,不知幾爽!

      刪除
    2. 因為我屋企附近,一邊近華爾街,另一邊近蘇豪,都比較容易搵嘢食
      阿姐又搬番去康州啦,又少咗去食好嘢

      刪除
    3. 嘩,真係兩頭都有好野食喎!

      唔緊要啦,阿姐咁乖,一得閒就會返黎探妳!:)

      刪除
  4. 盤龍鱔般 <--好刀功呀...似斷但未斷, 哈哈!!!
    肥人呢4日復活節假無野好寫, 因為DAY 1-4都係 --> Zzzzzzzzzzzzz

    回覆刪除
    回覆
    1. 可能阿廚師大佬一路切刺身一路唱緊“欲斷難斷”>>又暴露咗年齡秘密啦,所以先做到呢個特別效果咋!

      可以Zzz多d,我真係羨慕都黎唔切呀!

      刪除
  5. 回覆
    1. 尤其呢個Easter weekend,我都專登打定底食多d亞洲食物,所以感覺上生活更港式。

      刪除
  6. 嘩,牛角都有燒s'more真開心,香港好少食到呢

    回覆刪除
    回覆
    1. 原來甜魔媽媽鍾意食s'more,呢度d人通常燒野食到最後就好似港人咁會燒棉花糖,然後夾古力同餅整s'more黎食,下次都可以試下吖!

      刪除
  7. 回覆
    1. 我記得以前真係見過有間剪髮店叫呢個名,仲好似見過有間叫周潤髮添。XD

      刪除
  8. hello海豚兒,我返來了....^0^
    嘩,好多美食,正 ^^
    飛髮走絲 <-- 哎呀,好攪笑,你好可愛 ^^

    回覆刪除
    回覆
    1. Welcome back!! :)

      最緊要係食到啱自己口味嘅食物就最開心啦!

      嘻嘻,多謝妳呀,我都係記得以前見過有間理髮店用呢個名咋。

      刪除