2017年7月20日星期四

加拿大《150年國慶》

<<七月一日>>這個日子除了是香港回歸的大日子之外,亦是加拿大國慶日(Canada Day)。今年150年國慶日剛好在星期六,跟香港不一樣的是,在加拿大,節日剛好撞上星期六也會有補假,大部分公司也會在之後的星期一放補假,而亦有部分公司會提前在之前的星期五放補假,最重要當然是打工仔能享受到三連休啦。更難得的是,今年的國慶日因為在星期六出現,就連平時照常在星期六營業的西人超市、酒舖、郵局、銀行和大部分西人商場等也在這天休假。海豚兒對這樣的長週末特別喜愛,有假一齊放,這安排亦會有更多家庭可以受惠!

抱歉的是海豚兒沒有參予任何國慶活動^^",甚至連政府重金禮聘而來的偽~巨型黃鴨(rubber duck)現身到多倫多市中心湖濱慶祝國慶活動,海豚兒和Mr. Dolphin也懶得去打咭和跟呀Duck生合照呢。;P

懶洋洋的我倆這天睡到日上三竿才去Mon K Patisserie嘆個甜品午餐,難得是這天天氣非常好,雖然甜品有點過甜不太合心,也無損我倆的好心情。




Hea夠後,我倆就去沒有受國慶日影響繼續正常營業的唐人商場(汗!)買點東西打發下時間,之後便出發去和小學同學一家晚飯聚咯!

小學同學的媽媽專程從盧森堡來探親三個星期,一場來到,我們當然要跟她好好洗麈啦。每次見到auntie,感覺也很得意,又有誰會想到在香港小時候去小學同學家玩耍遇上的auntie,成長了卻會在地球上的另一國度重聚呢。晚飯忘了拍照,但依舊要多謝auntie山長水遠給我倆帶來的古古力手信。Auntie,您要多啲黎探三個孫呀,佢地真係大得太快啦~~~



22 則留言:

  1. 撞正星期六都有得補假, 又確係唔錯喎

    回覆刪除
    回覆
    1. 如果唔係香港友人講我知香港同樣情況係無補假,我都只會好“老馮”以為補假係必然。

      刪除
  2. 放假就是要hea 啦,我可以食完就瞓,瞓完就食,hea 足一日架。

    回覆刪除
    回覆
    1. 我依家唔敢隨便瞓晏覺啦,好驚夜晚瞓唔番。^^"

      刪除
  3. 回覆
    1. 我估美國嘅話都有補假卦,話哂都係國慶嘛。;P

      刪除
  4. 三連休啊,真係正到不得了啊~
    點解唔去搵巨型黃鴨啊? 佢來香港時,我都有衝去影相,好得意呢

    回覆刪除
    回覆
    1. 今年真係正,因為唔係每年嘅7月1日都咁啱可以連住週末放,仲要係撞正150年國慶,慶祝活動又特別多,好有意思呢!

      我怕煩嘛,人多車多又要塞車同泊車,所以情願靜靜地過。

      刪除
  5. 今年HK七一蝕左無補假,好多打工一族6-9月都無假期,好橙

    回覆刪除
    回覆
    1. 我都係聽Oli講至知香港七一無補假咋,雖然加拿大嘅假期比香港少,好在喺度每年7至10月嘅每個月都有一日假,而且8至10月仲係長週末添呢。:)

      刪除
  6. 沒有受國慶日影響繼續正常營業的唐人商場(汗!) ---> Chinese stores and restaurants open all year round!

    回覆刪除
    回覆
    1. 哈哈,係呀,名乎其實年中無休!聖誕節仲誇張,呢度嘅Pacific Mall直情逼到好似行年宵咁呀!

      刪除
  7. 我其實非常喜歡唐人(或者依家香港)大時大節都開舖嘅習慣,因為我呢啲孤兒仔,由仔到大都成日一個過節,好怕大時節無地方食飯或者買嘢。

    回覆刪除
    回覆
    1. 其實我喺溫哥華住時都經常有一個人過節嘅情況,不過我又真係無倒反轉頭好似妳咁諗過,我其實都真係要appreciate下唐人肯開舖,先有街我地行,有飯我地食。:)

      刪除
  8. 回覆
    1. 係呀,亦即係今年7至10月都有連放三日嘅假,諗起都爽呀!依家只希望多倫多餘下嘅夏天多啲陽光落少啲雨咋。:)

      刪除
  9. 咁都好好喎星期六都有補假, 今年香港d 假蝕晒啦!

    回覆刪除
    回覆
    1. 可能呢度一向有補假啦,所以我無諗到原來香港喺星期六嘅話係無得補假架。題外話,我呢度有朋友當年專登揀7月1日結婚,其中一個原因就係每年都有假放啦!

      刪除
  10. 雖然我留居美國日子唔多,但老公轉左行之後先發覺服務性行業最慘,假期哩啲日子先係要留喺公司,冇哂family days,所以返到香港都係入返舊行,有返長假期先覺得有返正常生活咋。哩家放假出街見到人地開工我都會多左份同情心,仲諗佢地屋企人可能好寂莫。

    回覆刪除
    回覆
    1. 係架,最橙係兩公婆一個返一至五、朝9晚5而另一頭個返shift,想週末一齊放假都難,如果有小朋友嘅,仲連family day都好難安排。我以前份工好近屋企但要返星期六,後來都係因為呢個原因情願轉去返downtown工,雖然返工路程遠好多,但至少唔駛返星期六,週末可以同Mr. Dolphin一齊off。:)

      刪除
    2. 你好好呀,好多夫妻都唔會咁認真咁夾個時間表,其實咁樣一齊生活好快會疏離,當初新婚啲甜蜜quota好快冇哂啦!

      刪除
    3. 好似Mr. Dolphin話齋,喺多倫多得我地兩個人,有咩事都係靠對方,如果唔好好相處,就真係大鑊鳥啦!

      刪除