2017年7月11日星期二

回帶篇。6月滋味(上)

看blog時不難發現許多blog友也有Happy Friday晚上吃好西的良好習慣,而海豚兒和Mr. Dolphin在星期五晚上一般也只會在家附近隨意吃,目的是把珍貴的配額留待星期六才啟動,不過嘛,凡事總有例外,就像六月初的星期五,Mr. Dolphin就特意坐地鐵來到市中心會合海豚兒吃個泰得戚晚餐。:)



這間Pai Toronto我倆已幫襯過數次,而每次來依然是吃得好滿足。這晚我倆點了兩款頭盤(燒雞翼、沙嗲雞肉串燒),三個主菜(泰式素菜豆腐炒粿條、雞肉咖哩湯麵、原個椰子青咖哩配魚柳),和芒果糯米飯作結,全部食物也很好吃,尤其是雞肉咖哩湯麵嘅湯底,超正,呢餐真係“月巴”得有道理呀!





或許你會發現在多倫多吃泰菜選擇跟香港不盡相同,香港主打海鮮而這裡主要是在雞牛豬素菜豆腐跟雪藏蝦或魚柳間作選擇,確是欠了點新意吧!^^"

六月第二個週末的星期六,我倆去了日本城的Shiso Tree餐廳吃和式西餐,除了餐湯較為淡口,想不到兩款意粉也超好吃,鰻魚又香又肥美亦沒有細骨,而且意粉還煮到煙煙韌韌,最合我倆心水呢!還有甜品芝麻味creme brulee也很有水準啦,這店子值得將來再翻兜啊!




難得出城,海豚兒和Mr. Dolphin這天也吃得比較放肆。中午吃罷和式西餐,下午茶時份就跑去Mabu Generation(麻布)覆桌台式食物當晚飯,分別有一試難忘的蚵仔煎,Mr. Dolphin喜歡的燒仙草和失敗之選梳乎厘芝士蛋糕配抹茶雪糕。




已經好久未食過好味的梳乎厘啦,希望遲下有機會食到喜歡的梳乎厘啦!:)

20 則留言:

  1. 睇到依篇,突然有以為已到happy friday的錯覺
    香港好多間souffle都唔錯架,返來啦~~~~ ;)

    回覆刪除
    回覆
    1. One more day就到happy Friday啦,急不及待呀!

      對呀,而其實我寫呢篇時都有諗起我地喺Intercontinental食嗰個超美味古古力souffle,好懷念呢!

      刪除
  2. 我每星期最期待就是Happy Friday,感覺好輕鬆自在 ^^
    嘻嘻....我本身好怕梳乎厘,感覺......好似濕左的麵包 XDDDDD
    海豚兒試左好味的梳乎厘記得分享下,等我改觀唔怕 ^^ heehee....

    回覆刪除
    回覆
    1. 除咗期待happy Friday,我仲會諗如果星期一都可以放埋假就最理想啦,嘻嘻,我都知我貪心咗啲!^^"

      我記得妳都鍾意食濃古力味心太軟,雖然兩者不盡相同,但我好喜歡食焗完熱辣辣嘅古力甜品,所以兩樣我好鍾意食架!

      好吖,我都希望可以快啲食到好味嘅梳乎厘。:)

      刪除
  3. 回覆
    1. 偶而為之啦,食泰菜嗰餐係因為平時好少會去幫襯,所以就一次過食多啲。

      其實去到台式餐廳我地仲好飽,但因為大家都攰,所以情願坐低抖下食啲野。

      刪除
  4. 呢輪睇到大多美味梳乎厘嗎haha~

    回覆刪除
    回覆
    1. 對呀,除咗梳乎厘仲有精美下午茶,真係引C我啦!:)

      刪除
  5. 見到你的泰國菜,睇唔出是出自多倫多呢。

    回覆刪除
    回覆
    1. 我地對呢間泰菜餐廳都有同樣感覺,食物水準無咩呃鬼佬feel,當然如果有埋海鮮食就更完美啦!

      刪除
  6. 你哋兩個食力真係勁,淨係睇泰國菜嗰餐,我兩公婆依家已無可能食到。

    另外你食cream burlee有無一定要求要"凍食"?我好奄尖,如果唔係全凍,而係上層因燒啲糖而變成半暖的,我唔會叫。

    回覆刪除
    回覆
    1. 泰菜嗰餐我地係叫得特別貪心嘅,因為真係好少會去食,所以就“括”出去咁食,尤其係我啦,平時好少一次過食咁多澱粉質食物添。

      相反地,我鍾意食暖或者熱嘅creme brulee多啲喎,總覺得甜品襯熱食會更好味,睇黎我地應該唔會爭食。XD

      刪除
  7. 雪藏蝦 <-- lol

    I love love creme brulee!

    回覆刪除
    回覆
    1. 係囉,所以我地情願揀veggie and tofu pad thai都唔㨂蝦,嘻嘻!

      M2,如果妳黎多倫多玩,有機會都試下呢間和式西餐嘅cream brulee吖,佢有好多flavors揀架,除咗較日式嘅芝麻味同綠茶味,仲有咖啡味同earl grey味架。

      刪除
  8. FRIDAY我都習慣出街食, 唔想煮呀!

    回覆刪除
    回覆
    1. 對,Friday我都一定唔會煮,除非出街食唔飽啦,哈哈!

      刪除