2017年7月17日星期一

回帶篇。6月滋味(下)

來到六月第三個星期六,我倆吃的早餐雖然簡單過簡單,但海豚兒和Mr. Dolphin也很欣賞這間咖啡店聘用了特殊人士做樓面工作,所以也很想把這早餐記錄下來。:)



接下來的週六海豚兒和Mr. Dolphin先去日本城吃個魚生丼打底。



之後就向一年一度的亞洲街頭美食節出發啦。


一如以往,我倆開心些牙了好吃的台式臭豆腐,然後行了一個圈,好像也沒有別的食物特別吸引,心理上總覺得許多商檔也不是平常做開食肆,除了怕食物質素未如理想還擔心衞生問題... ...後來亦從不同途徑也聽說有食客買到未完全燒熟的食物。^^"



不過一場來到,掃街的心癮也起了,於是我倆索性走去旁邊的唐人商場拮幾串咖哩魚蛋、魚腐和牛肚食,食得安心又好味。



吃完這麼多鹹食,海豚兒當然要吃個好睇又好食嘅甜品下午茶來平衡下啦,順便又可以坐低休息下兼hea下嘛!這天吃得大滿足呢,晚餐亦只簡單地以外賣來解決咋!



終於寫到六月最後的星期五啦,是日海豚兒相約了舊同事一起食肉腸包(sausage)當晚餐。這店子Wvrst在多倫多市中心頗有人氣,食客一般喜歡下班後來這裡啤啤佢。海豚兒這天和舊同事分吃了兩款不同肉腸口味(wild boar和duck),還點了加上半溶raclette芝士薯條,“芝”味一流。雖説肉腸味道未至於驚為天人,但口味也幾特別,值得一試的,最後還要多謝舊同事請海豚兒吃雪糕呢!:)





Yeah!!! 寫完六月份記錄啦,希望沒有悶壞各位吧!

24 則留言:

  1. Raclette芝士薯條太誘人啦!

    回覆刪除
    回覆
    1. x2, 點解香港無架????

      刪除
    2. Maggie,真係好好食呀,不過唔夠多raclette, 我食得唔夠過癮呀!

      刪除
    3. Yan,呢個duck fat fries加埋raclette真係月巴得有道理,超正!雖然香港可能無咁樣食法,但喺buffet可以任食就仲正呢!

      刪除
  2. 回覆
    1. 如果妳嗰度中超有frozen魚蛋賣都可以整黎過下口癮嘅,我地以前都會。

      刪除
  3. 我好鍾意睇你的食物相,咁靚,雖然無得食,睇下都開心。

    回覆刪除
    回覆
    1. 謝謝妳呢!難得我嘅相影到毫無美感妳都鍾意睇!:) 不過我都係,同野食有關就特別醒神,嘻嘻!

      刪除
  4. 我覺得啲街頭美食節,啲嘢又貴,啲款式又唔係話太特別

    回覆刪除
    回覆
    1. 唔知NY係咪都好似呢度咁呢,除咗貴同唔太特別,近年仲多咗好多新疆牛肉串類型食物,唔太啱口味。^^”

      刪除
    2. 舊年時阿姐話係夏天係皇后區會搞台灣小食fair,都有興趣去睇吓,後來話買攤擋嘢要大排長龍,而且都幾貴

      刪除
    3. 我都好怕排長龍,所以每逢去呢類型街頭節,我地都會係一開波就去,開始多人就閃,至少唔駛喺又焗又逼情況下排隊排餐C吖!

      刪除
  5. 唔會呀,好好睇,我都好鐘意睇美食:)
    聘用了特殊人士做樓面工作 <--係咪即係社企啊? 香港都有呢D店,不過唔多,而且通常呢類型店唔易做,因為好難同一般店比拚。不過我覺得呢類型店好有意義呢 ^^

    回覆刪除
    回覆
    1. 謝謝Sammi! 呢間應該唔係社企,目測當時只係見到一位員工係啫。

      我都覺得社企係好有意義,雖然食物水準同效率未必趕得上其他餐廳,但他們的存在正好提醒我地要時刻包容同尊重各式各樣嘅人。:)

      刪除
  6. 每次睇你嘅meal photos,都有同一感覺,你倆食力真係好強!我依家除咗去韓國旅行時可以發揮小宇宙,其他日子真係細食咗好多。

    回覆刪除
    回覆
    1. 可能係因為每次我都將幾個週末嘅食物一次過post出黎,所以感覺上我地好擦得,其實印象中我對上一次堅係擦得多,已經係去年東京之旅啦!生活喺北美嘅我地,每次去到亞洲食真係特別高興同忘我。:)

      刪除
    2. No....我係指你倆某一餐或某一日可以食咁多好勁.... 例如上面第3個星期六...你哋食完個大早餐之後午餐食日本嘢,去到美食節及唐人街又食小食,之後仲可以食三個甜品。如果係我,朝早食完早餐後根本食唔落個午飯,下午亦唔會食得落個甜品。我估我食完早餐後會等到晚飯時間至有胃口食嘢。

      刪除
    3. 原來妳咁細食,唔怪得好咁fit啦

      刪除
    4. My husband always goes crazy when he goes to semi-authentic Asian restaurants.

      刪除
    5. Ceci:我明啦,bagel早餐同日式早餐係兩日分開嘅,而食日式早餐嗰日,啲食物我一般食三分一至一半,除咗白飯無食哂,其餘由Mr. Dolphin包底,呢日嘅食物都係我地嘅早加午餐黎架啦。

      Ruby: 我都好羨慕身型fit嘅人呢!

      Frank & Lois Plus 2: 原來妳老公都有個亞洲胃架,咁等兩個小朋友大啲,真係要再揸車黎多倫多再玩下啦,近年呢度開多咗好多有特式嘅亞洲美食餐廳。

      刪除
  7. 台式臭豆腐 <--- get away from me, they stink!

    回覆刪除
    回覆
    1. 唔好講笑,嗰日一共有3檔臭豆腐攤檔安排喺一齊賣,我地排咗唔夠十分鐘隊,嗰陣臭豆腐味返到屋企我地要即刻洗衫加洗頭沖涼至無咗呀。

      刪除
  8. 回覆
    1. 雪糕真係好大杯呀,所以我地最終都係食唔哂。^^"

      刪除