2017年9月29日星期五

沒齒難忘

很久以前,海豚兒的好朋友出智慧牙,原本跟牙醫約好時間剝牙卻遇上智慧牙突然發炎,要等消腫後才可以去剝,好朋友那幾天發炎等消腫的日子,海豚兒每天也陪伴在側,情況都可算是慘不忍睹。到海豚兒出智慧牙時發現其中三隻都打橫生,就二話不説去牙醫專科一次過剝哂佢,免除後患。

事隔多年為何會談及此事呢? 因為Vegas回來後第二天就是Mr. Dolphin預約剝智慧齒的大日子啦。

其實海豚兒一直也不明白為何Mr. Dolphin可以拖這麼多年都不去把它們脫掉,明明當中的兩隻智慧齒也是打橫生亦一早就蛀了,他就是“希望”只要勤刷牙漱口,保持口腔衛生*,就可以跟這些蛀牙共存亡。^^” 或者向好方面想,Mr. Dolphin連對蛀牙也這麼有感情,他對海豚兒也會這樣吧,應該係,除非唔係。XD

因為Mr. Dolphin剝智慧牙所以亦引起了家人們熱烈討論這個話題,原來他們都認為沒有必要,即除非蛀到無法補救,否則也不會考慮去脫牙。

海豚兒拿自己的情況跟Mr. Dolphin的情況作比較,感覺襯年青時剝智慧牙其實是比較好一點的。

首先,海豚兒因為當時仍年青是在有選擇下揀了局部麻醉(口腔),而Mr. Dolphin因為已經到了某個年紀,因著牙的生長及骨骼的情況,一定要接受全身麻醉手術。

第二,是康復進度。當年海豚兒一口氣脫掉四隻智慧牙後,當天午飯是雪糕,晚飯則是通粉。第二天因為有朋自遠方來,當天晚上已經吃壽司>>>後生時真係唔知死,口入面有傷口仲咁食生野,到第三個晚上已經同朋友去The Cheesecake Factory食大餐,包括豬扒、意粉等,基本上,海豚兒除了記得頭幾天瞓覺不能側睡,以免弄痛傷口,已經不曉得傷口是何時癒合。至於Mr. Dolphin這星期在家也是吃海豚兒稱為有保護色的奄列晚餐 - 蛋白奄列加豆腐做餡,食用時亦盡量小心翼翼的吃,但脫牙後的“窿”還未完全癒合。

更搞笑的是連一向熱愛中國四大發明 - 粥粉麵飯的Mr. Dolphin,在手術後連吃三日粥後也宣布投降,怕了吃粥,哈哈!




唔知大家嘅智慧牙是還是陪著你走還是早已脫掉呢?

*註:Mr. Dolphin早晚也會用最“嗱”(intense)嗰隻漱口水深層漱口,好多時,海豚兒都會見到啲泡泡從口中升出來,換轉是海豚兒,一定會不小心連漱口水都吞掉。。。海豚兒真係試過架吞咗李德林架,嗰刻真係痛不欲生,自此之後就勁驚用漱口水。

24 則留言:

  1. 唔好用有酒精的mouth wash 會至 mouth cancer 架。我無智慧架,D牙都剝哂

    回覆刪除
    回覆
    1. Yes madam,希望某人聽話啦,嘻嘻!手術後佢已經用緊alcohol free嘅mouth wash。:)

      原來大家都係同道中人,哈哈!

      刪除
  2. 回覆
    1. 又一位同道中人,yeah! 一早剝哂,煩少樣呀!

      刪除
  3. 我無智慧牙架 XD
    你係邊度剝架, 聽過好少會一次過剝哂4隻

    回覆刪除
    回覆
    1. 咁爽!無或打直出哂都唔知都係令人好鬼羨慕架!

      我都聽好多人咁講過,但我以前喺LA揾specialist剝嘅時候,一次過剝哂又係嗰時個norm。

      刪除
  4. 「Mr. Dolphin連對蛀牙也這麼有感情,他對海豚兒也會這樣吧」
    haha!! 妳真係好搞笑,點會吞左漱口水架?

    死啦,我真係零智慧,已經快到更年期都只出了2隻智慧牙,當然一出即剝啦

    回覆刪除
    回覆
    1. 有時見佢好多野都唔捨得丟,我都係咁“安慰”自己架咋,哈哈!

      我蠢囉,第一次用漱口水,“浪”完一輪,唔知點算,本能反應就吞咗咯,所以我到依家都好少用,因為堅係有童年陰影呀。

      其實唔出或者出少啲仲受少啲皮肉之苦,我反而覺得如果MC都遺傳到就更好! Yeah!為一出即剝嘅同道中人鼓掌!

      刪除
  5. 我當年上面兩隻,一出都不至於唔夠位生,只係出時有少少痛,已經兩隻都剝咗,下面就有一邊無智齒,另一邊廿幾年都只係藏喺下面唔出嚟所以可以不理會。

    亞洲人好唔鍾意睇牙醫,男人更加嚴重,基本上香港人對牙齒保養意識都好弱。不過都要搭一句,唔好用有酒精嘅mouth wash。

    回覆刪除
    回覆
    1. 我當時打橫生嗰3隻都係好似妳下面唔出黎嗰隻咁,但我唔敢搏呀,所以情願即刻剝。諗返轉頭,我仲覺得自己好醒,話哂喺LA剝係揾specialist又有家姐照顧又有老豆埋單,如果等到去Vancouver至剝,我真係驚我爸貪平帶我去揾個“黃綠醫生”呀。;P

      妳講得啱,我都係去到LA後至開始學識保護牙齒健康嘅重要。多謝妳!佢手術後已改用alcohol free mouth wash,希望佢肯keep住啦!

      刪除
  6. 4-week to recover? Poor Mr Dolphin!

    I removed 8 teeth total in my life -- 4 wisdom teeth and 4 for braces.

    回覆刪除
    回覆
    1. 無計啦,某人已經不再年輕嘛,嘻嘻!

      妳同佢嘅情況差不多,又係要剝大牙箍牙,其實佢唔多唔少都有因為細個剝大牙經驗唔太好,所以唔想剝智慧牙架。^^”

      刪除
  7. 我比較不可思議一點,大學畢業前學校睇牙醫有折扣所以諗住去洗多一次牙,點知牙醫循例幫我數牙時話「你出哂四隻智慧齒知唔知啊」,我一啲都唔知!佢提我刷牙記得刷入啲唔好蛀牙就唔洗剝,所以到而家我都好比心機「照顧」佢地 :p
    有冇聽過如果唔好好處理口腔健康有啲媽媽會早產?因為本身我妹妹早產(但未必因為哩個原因),所以我有bb嘅期間日日用冇酒精嘅漱口水又用牙線好乖,你唔用太多會應該唔怕呑左架!
    希望Mr. Dolphin快啲舒服返!

    回覆刪除
    回覆
    1. 絕對認同妳喺“不知不覺”情況下出哂4隻智慧牙係不可思議。我媽媽都係幾廿歲人睇牙醫時至知4隻智慧牙都出齊咋,其實咁就仲好,仲連剝牙都慳番添。:)

      多謝妳呀!手術後佢已經改用alcohol free嘅漱口水,而我,真係超有陰影,所以非必要嘅話,我係唔用mouth wash嘅呢。^^”

      刪除
  8. 哇,原來大個先脫要全身麻醉!祝早日可以食到美食!
    PS 我用 alcohol free 那款 listerine.

    回覆刪除
    回覆
    1. 多謝妳呀!係啦,我之前一直以為我有得揀咁即係optional,除非手術比平常嘅困難,但原來係同年紀有關。XD

      佢依家都係用緊alcohol free嘅Listerine,希望佢肯keep住用同一隻啦。

      刪除
  9. 我也一早脫掉、脫掉、脫掉!

    回覆刪除
    回覆
    1. Yeah! 又一無後顧之憂嘅同道中人!真係煩少一樣得一樣呀! :)

      刪除
  10. 我F.7果年,記得第二日仲要考中史 A-Level,不過因為忍唔住,果日下午去左剝智慧齒。
    不過可能果時細個啦,剝完個幾鐘已經冇事去食麵了...
    所以真係,有智慧齒要趁後生剝好d.....
    唉....年少多好.....><
    好懷念我的青春啊.....

    回覆刪除
    回覆
    1. 妳同我好朋友情況有啲似呀,嗰陣佢又係考試其間,妳倆都真係好橙呀!

      我都絕對認同智慧牙真係襯後生剝好,真係
      康復得快好多呀!

      對,年少多好x2!!!!

      刪除
  11. 我吾係同道中人呀,我都係hea 到今年初先搞掂哂,不過我都覺得一早搞掂無咁辛苦,今年整個陣塊面腫左幾日呀,唉!而家無哂,安樂哂,yeahhhhhh (不過如果吾係隻牙整爛左前面個隻,我可能仲1516諗緊,哈哈)

    回覆刪除
    回覆
    1. 原來妳都係採取拖字決,其實我好佩服可以拖咁耐又抵受到牙痛,我係超級勁驚牙痛,所以一定要喺有蛀牙前將佢連根拔起,哈哈!

      Mr. Dolphin都係呀,剝完之後塊面都腫咗幾日,好在佢本身塊面幾瘦下,唔係幾覺啫。^^"

      刪除
  12. 肥人都係拖到痛先黎脫...因為真係好驚~
    後生時想脫的, 牙醫照完話我隻智慧牙好難搞, 無事無幹唔好郁佢......hahaa!

    回覆刪除
    回覆
    1. 原來妳都想同智慧牙長相廝守,哈哈!綜合眾多個案,唔剝好始遲早都會蛀,我反而慶幸一早搞掂哂。

      刪除