2017年9月12日星期二

Hea"游" Vegas ~ Day 2

這個Vegas之旅,海豚兒是在三月中時訂的,至於Mr. Dolphin爸爸、Mr. Dolphin媽媽因為某些原因,要到四月初才確定能和我倆一起去。因此,我們的機票酒店套票優惠也不盡相同。我們四的房間也是升級到高層樓數,海豚兒和Mr. Dolphin的套票已包括自助早餐,而Mr. Dolphin爸爸、Mr. Dolphin媽媽的套票就包括$100美元resort credit,換言之,我們四每天也可以吃個豐富的自助早餐,而正常的自助早餐價格是每人每日$25美元加稅和小費。

邊行邊拍照,看見這大力水手也跟他拍個照留念。



上午9:15來到自助餐廳,目測有條至少要排45-60分鐘的人龍,Mr. Dolphin二話不說就改排要加錢的快隊,情願每位補$10也不願賠上一小時等候,不竟父母年紀也不少,要他們罰企一小時著實不太好。




入到餐廳安頓好後,Mr. Dolphin媽媽、Mr. Dolphin和海豚兒就開始“媽媽叉叉”啦,原因嘛,餐廳內有一半枱是空的,但員工人手卻不足,酒店這樣安排一來做C啲員工,二來就是希望有客人像我們一樣,額外付錢給他賺咯,唉!

把悲憤化為食量,我們四開行turbo狂chur,還好食物的味道也不錯就是了。




食飽飽當然要做返啲適當“運動”啦,我們四就去了outlets行街街啦,哈哈!可惜,Mr. Dolphin和海豚兒也是空手而回。還好這是室外outlets,海豚兒終於有機會在40°C天氣下嘆杯美味gelato啦!



行完outlets,就按Mr. Dolphin爸爸提議一起去了The Venetian、The Palazzo酒店附設的商場逛下啦!在這兒,海豚兒終於有一點“收獲”啦~~~而收獲就是曲奇的美味啦!^^"



一場來到Vegas,買的竟然是夏威夷的地道手信曲奇餅,哈哈,可想而知,海豚兒對於這次的購物有多絕望呢!話説回來,這Honolulu Cookie的曲奇真的滿好吃,海豚兒和Mr. Dolphin尤其鍾情這兒的咖啡味和果味曲奇。:)



早餐吃得太飽,這天我們四索性跳過午餐直接吃晚飯。既然一場來到,就在Palazzo其中一間意大利餐廳Lavo吃晚飯。



這餐廳的水準也不錯,不過早餐chur得太行,海豚兒是夜竟然跳過甜品,真的有點不可思議喎!



18 則留言:

  1. 你唔食甜品, 我都覺得不可思議 😜

    回覆刪除
    回覆
    1. 我當晚飽到連主菜嘅4隻蝦都只係食咗兩隻半,我估就算嗰日唔食晚飯都唔會餓親。又或者如果只得我同老公嘅話,我可能會將主菜改成甜品。;P

      刪除
  2. Honolulu cookies!!!! 超好食!但係好貴,我當年好想買多啲,但係肉赤。

    我幾年前Memorial Weekend去Vegas排隊都無咁嚴重.....

    回覆刪除
    回覆
    1. 唔知點解我喺夏威夷果時又無今次咁鍾意食,不過,我地買散裝其實都唔貴,印象中約$27有30塊,散裝好處係可以揀啱口味黎買。又,我貪得意上佢website,原來online order嘅shipping cost勁貴,仲貴過塊餅呀!

      我地係low season去,應該無memorial weekend咁忙,但可能近年Vegas生意無咁好啦,啲酒店真係諗咗好多方法收錢,例如parking($15/day)同resort fee($40/day)咁,都幾掠水。

      刪除
  3. 早餐都有雪糕?好開心呀,不過妳的經歷俾著我都氣憤

    回覆刪除
    回覆
    1. 係呀,呢度早午晚嘅buffet都有雪糕食,我見有啲特別嘅味,例如用豆奶代替牛奶,荔枝味又有果肉,所以都貪得意試下。

      其實係架,感覺上Vegas生意真的不如前,然後就想辨法喺客人身上渣取每一分一毫黎幫補下,好在我地都有心理準備咋。

      刪除
  4. 晚餐真係唔錯, presentation 好靚。 我都估到排長龍係手腳慢,其實如果間餐廳好,點會讓客排一個鐘隊食早餐。

    回覆刪除
    回覆
    1. 個晚餐真係唔錯,尤其係Mr. Dolphin嘅sea bass做得非常好。可惜我無試埋Mr. Dolphin爸爸嘅牛仔肉,聽佢講,都係做得好出色架!

      咪係囉,我去旅行前都刨過下reviews,其實好多客人都唔滿意要排咁耐隊等食早餐。唉,不過我地個package包咗,唔食就仲唔抵嘛! XD

      刪除
  5. 噢,咁餐廳D職員都好慘,可能佢地都會比D客鬧....><"""

    回覆刪除
    回覆
    1. 我都覺得啲職員好辛苦,而且buffet啲杯碟餐具又重,執完一張枱又要趕住執另一張枱,仲要幫客人refill果汁啡茶汽水,真係忙到一腳踢,好在當時見到嘅情況下,啲客人都算友善呢!

      刪除
  6. 而家有快線,好似去disney玩吾駛排隊等咁樣?
    我都中意食honolulu cookie, 我都係中意食coffee味呀,諗起都流口水

    回覆刪除
    回覆
    1. 係呀,真係好似去Disney咁,只要肯俾錢就可以skip the line。XD

      我地都係鍾意coffee味,所以買咗三份二都係佢,其次嘅就最鍾意guava味,果味香又唔太artificial,正!

      刪除
  7. 海豚兒不吃甜品!大新聞啊~

    回覆刪除
    回覆
    1. 無錯,連我老爺都感驚訝我居然唔食甜品,哈哈!

      刪除
  8. 回覆
    1. 證明我嗰晚真係飽到上心口,所以刨完一輪dessert menu都揀唔落手。:)

      刪除
  9. 竟然!!!竟然唔食甜品~~~??我以為自己睇錯呢~

    回覆刪除
    回覆
    1. 哈哈,我明呀,一地眼鏡碎,真係講都茅人信呀!XD

      刪除