2017年11月12日星期日

優良血統

最近私人時間真的不夠用,所以較少寫blog。上回講到結婚週年海豚兒不大滿意塊扒嘛,於是隔了兩星期後,我倆又去了另一家餐廳鋸扒咯!

今次海豚兒和Mr. Dolphin也非常滿意呀,由免費送上的蒜蓉多士,跟餐的沙律,散點的龍蝦湯,和兩款主菜也超級好味,Mr. Dolphin尤其滿意他質量並重的鮮美帶子,不過海豚兒的扒扒也真的太巨型無法完成呀,好在Mr. Dolphin抵得諗幫忙清碟,海豚兒才可以食埋這個賣相一般~走實力派路線的tiramisu咋,嘻嘻!





一個星期後的週五晚上,海豚兒和Mr. Dolphin就去了吃泰菜,估唔到這間小店的食物也很好吃呢。小聲說,這晚點的菜式全都帶點甜味,這口味就最對海豚兒胃口啦!




其實連續兩星期也吃得這麼放縱也不無原因的。鋸扒當天其實是上班日,海豚兒預約去跟新家庭醫生報到,做了個年度身體檢查,醫生跟海豚兒量血壓,量了一次後説海豚兒血壓高,跟住醫生就話 “唉!你兩公婆都係咁,唔做運動嘅=_="!” 海豚兒心想,我地唔夾都做唔成夫妻啦,嘻嘻!接著,醫生就命海豚兒跟著他做一些伸展手部運動,隔一陣,再量多次,血壓好了些但還是偏高呀。。。當下,海豚兒心情灰爆呀,心諗“我仲好想食菠蘿油呀”~~~所以就襯睇報告前,乜都食餐飽咯,做完身體檢查當晚就去鋸返個靚扒。

食完泰菜之後一天是星期六,海豚兒和Mr. Dolphin就一起去看醫生,一個睇報告另一個打flu shot跟配藥。而海豚兒的驗身報告結果就。。。。。。靚仔到你唔信呀,而且到週末血壓又正常返,當然係以唔戒口唔做運動計啦,連醫生都話 “It's in your gene!” 哈哈,換句話講,即係海豚兒有優良血統啦 ;P。雖然亦有少許唔夠鐵嘅老毛病,現在也開始吃supplements來改善,感覺比從前吃鐵丸舒服多,所以亦不再抗拒啦。

咁高興嘅一篇,當然要順便post個早前嘅超標好味早餐黎賀下啦!:D

22 則留言:

  1. 嘩,last 果張,好正啊,隻蛋好大隻呀,好想食~ 好想食....

    回覆刪除
    回覆
    1. 最尾嗰個茄蛋菠蘿油真係唔講得笑呀,堅豐富,不過我其實都係鍾意簡簡單單嘅菠蘿油多啲。:)

      刪除
  2. 回覆
    1. 我依家等緊lunch time又係好肚餓,仲好恨食番個菠蘿油添呀!

      刪除
  3. 我都今日抽血做檢查, 希望無咩事啦

    回覆刪除
    回覆
    1. 祝妳嘅檢查報告應高則高,應低則低!:)

      刪除
  4. 回覆
    1. 查實都唔後生啦^^”,不過就鍾意誇張少少講到自己真係好似好勁咁,等自己都開心啲!人開心,感覺上都精神健康啲嘛!:)

      刪除
  5. 回覆
    1. 唔做開運動真係好難的起心肝去做,不過為咗身體健康,點都要郁動多啲,大家一齊努力啦!

      刪除
  6. 見相都睇得出你有幾興奮啊,哈哈!你地會行山嗎?以前平日返工已經好攰,我地留返周六去行幾個鐘山,感覺健康啲,雖然行完都即時去食返個大餐 :p 不過似乎又keep到個磅數啊!而家我就訓練自己唔好食十成飽,好難架!因為我都好鍾意食野 :)

    回覆刪除
    回覆
    1. 無錯,對我咁為食嘅人黎講,食得真係好重要。

      我地都無行山習慣,之前Mr. Dolphin都有落gym做運動,但近幾個月都因為腳痛而停咗。我地諗住等12月去完旅行返黎後再努力過。

      出街食飯我地會食得飽啲,平日夜晚喺屋企食嘅話就好少會食得太飽,有時到瞓覺時仲撞鬼到係餓住咁去瞓添架,哈哈!

      刪除
  7. YAY! Back to eating yummy food!

    Btw, Mr Dolphin’s surf and turf looks great!

    回覆刪除
    回覆
    1. Yes, finally we can enjoy eating out again!!!

      除咗surf and turf仲有米飯呢,佢都不知幾enjoy。我發覺妳同Mr. Dolphin口味都幾夾,熟嘅帶子我反而麻麻,生嘅會啱食啲。

      刪除
  8. 我地依D吃貨無得救,不過唔知由香港買茶返去加國得唔得?
    可以整兩包減肥茶俾妳地試試,佢都幫到排毒,唔知幫唔幫到少少指數

    回覆刪除
    回覆
    1. 其實我地食野style都有啲似,都係quota制,出街食多咗嘅就喺屋企食返清淡啲,紙皮...噢,我指麥皮依然係Mr. Dolphin每日嘅良伴。

      多謝妳先但唔洗客氣啦,因為我唔多飲得茶。^^”

      刪除
  9. 但如果你血壓結果唔consistent,都係borderline case, 小心啲好。

    回覆刪除
    回覆
    1. 多謝妳呀!返工嘅日子我係特別心急同緊張,所以血壓就跟住升高。不過我媽係突發心臟病發作而離開嘅,我都知自己要小心啲,尤其飲食方面。依家轉咗呢個家庭醫生,佢雖然串嘴,但就好細心睇症,所以我都叫做安心啲架啦,至少唔會好似以前嗰個咁,十年黎都堅持唔肯同我驗膽固醇都得!

      刪除
  10. 回覆
    1. 大家咁話!比起童顏、逆齡生長,我更希望要活得健康!:)

      刪除
  11. 肥人都係時候要年年檢身啦....老啦老啦!
    細細聲同你講: 肥人都唔做運動架呢...hahaaaa ;p

    回覆刪除
    回覆
    1. 身體檢查真係唔懶得,就算好似妳咁年青都唔可以走雞呢!

      哈哈,原來都係同道中人,不過為咗將來,我地真係要勤力返啲啦!

      刪除